➖ »
«
➖ ➕
Peshitta OT
PesOT
The Second Book of Clement
2Clem
←
Joshua
Jos
20
→
[1]ܘܐܸܡܲܪ ܡܵܪܝܵܐ ܠܝܼܫܘܿܥ. [No book]
[2]ܐܸܡܲܪ ܠܲܒ̣̈ܢܲܝ ܝܼܣܪܵܝܹܠ: ܫܒ̣ܘܿܩܘ ܠܟ݂ܘܿܢ ܩܘܼܪ̈ܝܵܐ ܠܲܡܫܵܘܙܒ̣ܘܼܬ̣ܵܐ: ܐܲܝܟܲܢܵܐ ܕܐܸܡ̇ܪܹܬ̣ ܠܟ݂ܘܿܢ ܒܐܝܼܕ݂ܵܐ ܕܥܲܒ̣ܕ̇ܝ ܡܘܼܫܹܐ. [No book]
[3]ܕܢܸܥܪܘܿܩ ܠܬܲܡܵܢ ܩܵܛܘܿܠܵܐ: ܐܲܝܢܵܐ ܕܢܸܩܛܘܿܠ ܢܲܦ̮ܫܵܐ ܡ̣ܢ ܫܸܠܝܵܐ ܟܲܕ݂ ܠܵܐ ܝܵܕܲܥ. ܘܢܸܗ̱ܘ̈ܝܵܢ ܠܟ݂ܘܿܢ ܠܲܡܫܵܘܙܒ̣ܘܼܬ̣ܵܐ ܡ̣ܢ ܬܵܒܲܥ ܥܝܵܪܬܵܐ ܕܲܕ݂ܡܵܐ. [No book]
[4]ܘܢܸܥܪܘܿܩ ܠܲܚܕ݂ܵܐ ܡ̣ܢ ܗܵܠܹܝܢ ܩܘܼܪܝܵܐ: ܘܲܢܩܘܼܡ ܒܡܲܥܠܵܢܵܐ ܕܬܲܪܥܵܐ ܕܲܩܪܝܼܬ̣ܵܐ. ܘܲܢܡܲܠܠ ܩܕ݂ܵܡ ܩܲܫܝܼܫܹ̈ܐ ܕܲܩܪܝܼܬ̣ܵܐ ܗܵܝ̇: ܘܢܹܐܡܲܪ ܡܸܠܵܘ̈ܗܝ: ܘܢܸܚ̱ܡܠܘܼܢܹܗ ܠܘܵܬ̣ܗܘܿܢ ܒܲܩܪܝܼܬ̣ܵܐ: ܘܢܸܬ̇ܠܘܼܢ ܠܹܗ ܕܘܼܟ̇ܬ̣ܵܐ ܠܡܸܥܡܲܪ ܥܲܡܗܘܿܢ. [No book]
[5]ܟܲܕ݂ ܢܸܪܕ̇ܘܿܦ ܬܵܒܲܥ ܥܝܵܪܬܵܐ ܕܲܕ݂ܡܵܐ ܒܵܬ̣ܪܗ: ܘܠܵܐ ܢܲܫ̱ܠܡܘܼܢܹܗ ܒܐܝܼܕ݂ܵܘ̈ܗܝ ܠܩܵܛܘܿܠܵܐ: ܡܸܛܠ ܕܟܲܕ݂ ܠܵܐ ܝܵܕܲܥ ܗ̄ܘ̣ܵܐ ܡܚܵܝܗܝ ܠܚܲܒ̣ܪܹܗ: ܘܠܵܐ ܣܵܢܹ̇ܐ ܗ̄ܘ̣ܵܐ ܠܹܗ ܡ̣ܢ ܩܕ݂ܵܡ ܝܵܘ̈ܡܵܬ̣ܵܐ. [No book]
[6]ܘܢܸܬܸ̇ܠ ܒܲܩܪܝܼܬ̣ܵܐ ܗܵܝ̇: ܥܕܲܡܵܐ ܕܩܵܐܹ̇ܡ ܩܕ݂ܵܡ ܟܢܘܼܫܬܵܐ ܒܕ݂ܝܼܢܵܐ: ܥܕܲܡܵܐ ܕܲܢܡܘܼܬ̣ ܟܵܗܢܵܐ ܪܲܒܵܐ ܕܢܸܗܘܹܐ ܒܝܵܘ̈ܡܵܬ̣ܵܐ ܗܵܢܘܿܢ: ܘܗܵܝܕܹ̇ܝܢ ܢܸܗܦܘܿܟ݂ ܩܵܛܘܿܠܵܐ ܘܢܹܐܬܹܐ ܠܒܲܝܬܹ̇ܗ: ܘܠܲܩܪܝܼܬܹܗ: ܘܠܲܡܕ݂ܝܼܢ̄ܬܵܐ ܕܲܥܪܲܩ̣ ܡܸܢܵܗ̇. [No book]
[7]ܗܵܝܕܹ̇ܝܢ ܦܪܲܫ̣ܘ ܩܘܼܪ̈ܝܵܐ ܗܵܠܹܝܢ ܠܒܹܝܬ̣ ܓܵܘܣܵܐ: ܠܲܪܩܸܡ ܕܒܲܓ̣ܠܝܼܠܵܐ ܕܲܒ̣ܛܘܼܪܵܐ ܕܢܲܦ̮ܬܵܠܝܼ: ܘܠܲܫܟܹܝܡ ܕܲܒ̣ܛܘܼܪܵܐ ܕܐܲܦܪܹܝܡ: ܘܲܠܩܘܼܪܝܲܬ̣ ܐܲܪܒܲܥ ܕܗ̤ܝ ܗ̄ܝ̣ ܚܸܒ̣ܪܘܿܢ ܕܲܒ̣ܛܘܼܪܵܐ ܕܲܝܗܘܼܕ݂ܵܐ. [No book]
[8]ܘܲܒ̣ܥܸܒ̣ܪܵܐ ܕܝܘܿܪܕ̇ܢܵܢ ܕܐܝܼܪܝܼܚܘܼ ܡ̣ܢ ܡܲܕ݂ܢ̱ܚܵܐ: ܝܲܗ̄ܒ̣ܘ ܒܘܿܨܵܪ ܕܒ̣ܡܲܕ݂ܒ̇ܪܵܐ ܕܝܵܬ̣ܒܵܐ ܒܲܦܩܲܥܬ̣ܵܐ ܡ̣ܢ ܫܲܒ̣ܛܵܐ ܕܪܘܼܒܹܝܠ: ܘܪܵܡܲܬ̣ ܓܸܠܥܵܕ݂ ܡ̣ܢ ܫܲܒ̣ܛܵܐ ܕܓ̣ܵܕ݂: ܘܓ̣ܵܘܠܵܢ ܕܲܒ̣ܡܲܬ̣ܢܝܼܢ ܡ̣ܢ ܫܲܒ̣ܛܵܐ ܕܲܡܢܲܫܹܐ. [No book]
[9]ܗܵܠܹܝܢ ܐܸܢܹܝܢ ܩܘܼܪ̈ܝܵܐ ܕܫܘܼܘܙܵܒ̣ܵܐ ܘܲܕ݂ܒܹܝܬ̣ ܓܵܘܣܵܐ ܠܟ݂ܠܗܘܿܢ ܒ̈ܢܲܝ ܝܼܣܪܵܝܹܠ: ܘܲܠܥܵܡܘܿܪܹ̈ܐ ܕܥܵܡ̇ܪܝܼܢ ܒܲܝܢܵܬ̣ܗܘܿܢ: ܕܢܸܗܘܹܐ ܥܵܪܹܩ ܠܬܲܡܵܢ ܟܠ ܡ̇ܢ ܕܩܵܛܸܠ ܢܲܦ̮ܫܵܐ ܡ̣ܢ ܫܸܠܝܵܐ: ܘܠܵܐ ܢܸܫܬ̇ܠܸܡ ܒܐܝܼܕ݂ܵܐ ܕܬ̣ܵܒܲܥ ܥܝܵܪܬܵܐ ܕܲܕ݂ܡܵܐ: ܥܕ݂ܡܵܐ ܕܲܢܩܘܼܡ ܩܕ݂ܵܡ ܟܢܘܼܫܬܵܐ ܒܕ݂ܝܼܢܵܐ. [No book]
Translation: Charles H. Hoole (1885)
Source: www.earlychristianwritings.com
Top