➖ »
«
➖ ➕
Aleppo Codex (~920)
Alep
The Writings of Cornelius Tacitus
Tacitus
←
Joshua
Jos
21
→
[1]ויגשו ראשי אבות הלוים אל אלעזר הכהן ואל יהושע בן נון ואל ראשי אבות המטות לבני ישראל [No book]
[2]וידברו אליהם בשלה בארץ כנען לאמר יהוה צוה ביד משה לתת לנו ערים לשבת ומגרשיהן לבהמתנו [No book]
[3]ויתנו בני ישראל ללוים מנחלתם אל פי יהוה את הערים האלה ואת מגרשיהן [No book]
[4]ויצא הגורל למשפחת הקהתי ויהי לבני אהרן הכהן מן הלוים ממטה יהודה וממטה השמעני וממטה בנימן בגורל־ערים שלש עשרה [No book]
[5]ולבני קהת הנותרים ממשפחת מטה אפרים וממטה דן ומחצי מטה מנשה בגורל־ערים עשר [No book]
[6]ולבני גרשון ממשפחות מטה יששכר וממטה אשר וממטה נפתלי ומחצי מטה מנשה בבשן בגורל־ערים שלש עשרה [No book]
[7]לבני מררי למשפחתם ממטה ראובן וממטה גד וממטה זבולן־ערים שתים עשרה [No book]
[8]ויתנו בני ישראל ללוים את הערים האלה ואת מגרשיהן כאשר צוה יהוה ביד משה בגורל [No book]
[9]ויתנו ממטה בני יהודה וממטה בני שמעון־את הערים האלה אשר יקרא אתהן בשם [No book]
[10]ויהי לבני אהרן ממשפחות הקהתי מבני לוי כי להם היה הגורל ראישנה [No book]
[11]ויתנו להם את קרית ארבע אבי הענוק היא חברון־בהר יהודה ואת מגרשה סביבתיה [No book]
[12]ואת שדה העיר ואת חצריה נתנו לכלב בן יפנה באחזתו [No book]
[13]ולבני אהרן הכהן נתנו את עיר מקלט הרצח־את חברון ואת מגרשה ואת לבנה ואת מגרשה [No book]
[14]ואת יתר ואת מגרשה ואת אשתמע ואת מגרשה [No book]
[15]ואת חלן ואת מגרשה ואת דבר ואת מגרשה [No book]
[16]ואת עין ואת מגרשה ואת יטה ואת מגרשה את בית שמש ואת מגרשה ערים תשע־מאת שני השבטים האלה [No book]
[17]וממטה בנימין את גבעון ואת מגרשה את גבע ואת מגרשה [No book]
[18]את ענתות ואת מגרשה ואת עלמון ואת מגרשה ערים ארבע [No book]
[19]כל ערי בני אהרן הכהנים־שלש עשרה ערים ומגרשיהן [No book]
[20]ולמשפחות בני קהת הלוים הנותרים מבני קהת ויהי ערי גורלם ממטה אפרים [No book]
[21]ויתנו להם את עיר מקלט הרצח את שכם ואת מגרשה־בהר אפרים ואת גזר ואת מגרשה [No book]
[22]ואת קבצים ואת מגרשה ואת בית חורן ואת מגרשה ערים ארבע [No book]
[23]וממטה דן־את אלתקא ואת מגרשה את גבתון ואת מגרשה [No book]
[24]את אילון ואת מגרשה את גת רמון ואת מגרשה ערים ארבע [No book]
[25]וממחצית מטה מנשה־את תענך ואת מגרשה ואת גת רמון ואת מגרשה ערים שתים [No book]
[26]כל ערים עשר ומגרשיהן למשפחות בני קהת הנותרים [No book]
[27]ולבני גרשון ממשפחת הלוים־מחצי מטה מנשה את עיר מקלט הרצח את גלון [Q: גולן] בבשן ואת מגרשה ואת בעשתרה ואת מגרשה ערים שתים [No book]
[28]וממטה יששכר את קשיון ואת מגרשה את דברת ואת מגרשה [No book]
[29]את ירמות ואת מגרשה את עין גנים ואת מגרשה ערים ארבע [No book]
[30]וממטה אשר את משאל ואת מגרשה את עבדון ואת מגרשה [No book]
[31]את חלקת ואת מגרשה ואת רחב ואת מגרשה ערים ארבע [No book]
[32]וממטה נפתלי את עיר מקלט הרצח את קדש בגליל ואת מגרשה ואת חמת דאר ואת מגרשה ואת קרתן ואת מגרשה ערים שלש [No book]
[33]כל ערי הגרשני למשפחתם־שלש עשרה עיר ומגרשיהן [No book]
[34]ולמשפחות בני מררי הלוים הנותרים־מאת מטה זבולן את יקנעם ואת מגרשה את קרתה ואת מגרשה [No book]
[35]את דמנה ואת מגרשה את נהלל ואת מגרשה ערים ארבע [No book]
[36]וממטה גד את עיר מקלט הרצח את רמת בגלעד ואת מגרשה ואת מחנים ואת מגרשה [No book]
[37]את חשבון ואת מגרשה את יעזר ואת מגרשה כל ערים ארבע [No book]
[38]כל הערים לבני מררי למשפחתם הנותרים ממשפחות הלוים ויהי גורלם־ערים שתים עשרה [No book]
[39]כל ערי הלוים בתוך אחזת בני ישראל־ערים ארבעים ושמנה ומגרשיהן [No book]
[40]תהיינה הערים האלה־עיר עיר ומגרשיה סביבתיה כן לכל הערים האלה [No book]
[41]ויתן יהוה לישראל את כל הארץ אשר נשבע לתת לאבותם וירשוה וישבו בה [No book]
[42]וינח יהוה להם מסביב ככל אשר נשבע לאבותם ולא עמד איש בפניהם מכל איביהם־את כל איביהם נתן יהוה בידם [No book]
[43]לא נפל דבר־מכל הדבר הטוב אשר דבר יהוה אל בית ישראל הכל בא [No book]
44[No verse] [No book]
45[No verse] [No book]
Source: unbound.biola.edu
 Source: www.earlychristianwritings.com
Top