|
|
| [1]ܘܩܲܕܸ̇ܡ ܝܼܫܘܿܥ ܒܨܲܦܪܵܐ ܘܲܫܩܲܠܘ ܡ̣ܢ ܣܵܛܝܼܡ: ܘܐܸܬ̣ܵܘ ܥܕܲܡܵܐ ܠܝܘܿܪܕ̇ܢܵܢ ܟܠܗܘܿܢ ܕܒܹܝܬ̣ ܝܼܣܪܵܝܹܠ: ܘܒ̣ܵܬ̣ܘ ܬܲܡܵܢ ܘܠܵܐ ܥ̣ܒܲܪܘ. |
[No book] |
| [2]ܘܡ̣ܢ ܒܵܬܲܪ ܬܠܵܬ̣ܵܐ ܝܵܘ̈ܡܝܼܢ ܥ̣ܒܲܪܘ ܫܲܠܝܼܛܵܢܹ̈ܐ ܒܓ̣ܵܘ ܡܲܫܪܝܼܬ̣ܵܐ. |
[No book] |
| [3]ܘܦܲܩܸܕ݂ܘ ܠܥܲܡܵܐ: ܘܐܸܡܲܪܘ ܠܗܘܿܢ: ܡܵܐ ܕܲܚܙܲܝܬ̇ܘܿܢ ܠܩܹܒ̣ܘܿܬ̣ܵܐ ܕܲܕ݂ܝܵܬܹܩܹܐ ܕܡܵܪܝܵܐ ܐܲܠܵܗܟ݂ܘܿܢ: ܘܟ݂ܵܗܢܹ̈ܐ ܘܠܹܘܵܝܹ̈ܐ ܕܲܫܩܝܼܠܝܼܢ ܠܵܗ̇: ܗܵܝܕܹ̇ܝܢ ܫܩܘܿܠܘ ܡ̣̤ ܐܲܬ̣ܪ̱ܟ݂ܘܿܢ: ܘܙܸܠܘ ܒܵܬ̣ܪܵܗ̇. |
[No book] |
| [4]ܘܢܸܗܘܹܐ ܪܲܚܝܼܩ ܒܲܝܢܲܝܟ̇ܘܿܢ ܘܲܠܩܹܒ̣ܘܿܬ̣ܵܐ ܐܲܝܟ݂ ܬܪܹܝܢ ܐܲܠܦ̈ܝܼܢ ܐܲܡ̈ܝܼܢ. ܒܲܠܚܘܿܕ݂ ܒܲܡܫܘܼܚܬ̣ܵܐ: ܠܵܐ ܬܸܬ̣ܩܲܪܒ̣ܘܿܢ ܠܘܵܬ̣ܵܗ̇: ܡܸܛܠ ܕܬܸܕ̇ܥܘܼܢ ܐܘܼܪܚܵܐ ܕܬܹܐܙܠ̄ܘܿܢ ܒܵܗ̇: ܡܸܛܠ ܕܠܵܐ ܥ̣ܒܲܪܬ̇ܘܿܢ ܒܐܘܼܪܚܵܐ ܡ̣ܢ ܐܸܬ̣ܡܵܠܝ ܘܡ̣ܢ ܡܢܵܬ̣ܡܵܠܝ. |
[No book] |
| [5]ܘܐܸܡܲܪ ܝܼܫܘܿܥ ܠܥܲܡܵܐ ܐܸܬ̣ܩܲܕܲܫܘ: ܡܸܛܠ ܕܲܡܚܵܪ ܥܵܒܹܕ݂ ܡܵܪܝܵܐ ܬܸܕ݂ܡܘܼܪܬܵܐ ܒܲܝܢܵܬ̣ܟ݂ܘܿܢ. |
[No book] |
| [6]ܘܐܸܡܲܪ ܝܼܫܘܿܥ ܠܟ݂ܵܗܢܹ̈ܐ: ܫܩܘܿܠܘ ܩܹܒ̣ܘܿܬ̣ܵܐ ܕܲܕ݂ܝܵܬܹܩܹܐ: ܘܲܥܒܲܪܘ ܩܕ݂ܵܡ ܥܲܡܵܐ. ܘܲܫܩܲܠܘ ܩܹܒ̣ܘܼܬ̣ܵܐ ܕܲܕ݂ܝܵܬܹܩܹܐ ܘܲܥܒܲܪܘ ܩܕ݂ܵܡ ܥܲܡܵܐ. |
[No book] |
| [7]ܘܐܸܡܲܪ ܡܵܪܝܵܐ ܠܝܼܫܘܿܥ: ܡ̣ܢ ܝܵܘܡܵܢܵܐ ܐܹܫܲܪܸܐ ܠܡܵܘܪܵܒ̣ܘܼܬ̣ܵܟ݂ ܒܥܲܝ̈ܢܲܝ ܟܠܹܗ ܝܼܣܪܵܝܹܠ. ܕܢܸܕ̇ܥܘܼܢ ܕܐܲܝܟܲܢܵܐ ܕܲܗܘܹ̇ܝܬ̣ ܥܲܡ ܡܘܼܫܹܐ: ܐܸܗܘܹܐ ܐܵܦ ܥܲܡܵܟ݂. |
[No book] |
| [8]ܘܐܲܢ̄ܬ̇ ܦܲܩܸܕ݂ ܠܟ݂ܵܗܢܹ̈ܐ ܕܲܫܩܝܼܠܝܼܢ ܩܹܒ̣ܘܿܬ̣ܵܐ ܕܲܕ݂ܝܵܬܹܩܹܐ ܕܡܵܪܝܵܐ: ܘܐܸܡܲܪ ܠܗܘܿܢ: ܡܵܐ ܕܡܲܛܝܼܬ̇ܘܿܢ ܠܪܹܫ ܡܲـ̈ـܝܵܐ ܕܝܘܿܪܕ̇ܢܵܢ: ܒܹܗ ܒܝܘܿܪܕ̇ܢܵܢ: ܩܘܼܡܝ. |
[No book] |
| [9]ܘܐܸܡܲܪ ܝܼܫܘܿܥ ܠܲܒ̣̈ܢܲܝ ܝܼܣܪܵܝܹܠ: ܩܪܘܿܒ̣ܘ ܠܗܵܪܟܵܐ: ܘܲܫܡܲܥܘ ܡܸܠܵܘ̈ܗܝ ܕܡܵܪܝܵܐ ܐܲܠܵܗܟ݂ܘܿܢ. |
[No book] |
| [10]ܘܐܸܡܲܪ ܝܼܫܘܿܥ ܒܗܵܕܹܐ ܗ̤ܘܲܝܬ̇ܘܿܢ ܝܵܕ݂ܥܝܼܢ ܕܐܲܠܵܗܵܐ ܚܲܝܵܐ ܒܟ݂ܘܿܢ: ܘܚܵܪܹܒ̣ ܡ̣ܢ ܩܕ݂ܵܡܲܝܟ̇ܘܿܢ ܠܚܹܬ̣ܵܝܹ̈ܐ: ܘܠܲܟ݂ܢܲܥ̈ܢܵܝܹܐ: ܘܲܠܚܵܘܵܝܹ̈ܐ: ܘܲܠܦܲܪ̈ܙܵܝܹܐ: ܘܲܠܓܲܪ̈ܓ̇ܘ̇ܣܵܝܹܐ: ܘܠܵܐܡܘܿܪܵܝܹܐ: ܘܲܠܝܵܒ̣ܘܿܣܵܝܹ̈ܐ. |
[No book] |
| [11]ܕܗܵܐ ܩܹܒ̣ܘܿܬ̣ܵܐ ܕܲܕ݂ܝܵܬܹܩܹܐ ܕܡܵܪܝܵܐ ܡܵܪܵܗ̇ ܕܟ݂ܠܵܗ̇ ܐܲܪܥܵܐ ܥܵܒ̣ܪܵܐ ܩܕ݂ܵܡܲܝܟ̇ܘܿܢ ܒܝܘܿܪܕ̇ܢܵܢ. |
[No book] |
| [12]ܡܸܟܹ̇ܝܠ ܕܒܲܪܘ ܠܟ݂ܘܿܢ ܬܪܸܥܣܲܪ ܓܲܒ̣ܪ̈ܝܼܢ ܡ̣ܢ ܟܠܗܘܿܢ ܫܲܒ̣̈ܛܹܐ ܕܝܼܣܪܵܝܹܠ: ܚܲܕ݂ ܚܲܕ݂ ܓܲܒ̣ܪܵܐ ܡ̣ܢ ܫܲܒ̣ܛܵܐ. |
[No book] |
| [13]ܘܡܵܐ ܕܐܸܬ̇ܬ̇ܢܝܼܚ ܦܲܣܵـ̈ـܬ̣ܵܐ ܕܪܸ̈ܓ̣ܠܲܝܗܘܿܢ ܕܟ݂ܵܗܢܹ̈ܐ ܕܲܫܩܝܼܠܝܼܢ ܩܹܒ̣ܘܿܬ̣ܵܐ ܕܲܕ݂ܝܵܬܹܩܹܐ ܕܡܵܪܝܵܐ ܕܟ݂ܠܵܗ̇ ܐܲܪܥܵܐ ܒܡܲـ̈ـܝܵܐ ܕܝܘܿܪܕ̇ܢܵܢ: ܡܲـ̈ـܝܵܐ ܕܝܘܿܪܕ̇ܢܲܢ ܢܸܬ̣ܦܲܠܓܘܼܢ: ܡܲـ̈ـܝܵܐ ܕܢܵܚܬ̇ܝܼܢ ܡ̣ܢ ܠܥܸܠ ܢܩܘܼܡܘܼܢ ܐܲܝܟ݂ ܕܲܒ̣ܙܸܩܵܐ ܚܕ݂ܵܐ: ܠܣܸܛܪܵܐ ܚܲܕ݂. |
[No book] |
| [14]ܘܟܲܕ݂ ܫ̣ܩܲܠܘ ܥܲܡܵܐ ܡ̣ܢ ܡܲܫܟ̇ܢܲܝ̈ܗܘܿܢ ܠܡܸܥܒܲܪ ܝܘܿܪܕ̇ܢܵܢ: ܟܵܗܢܹ̈ܐ ܕܲܫܩܝܼܠܝܼܢ ܗ̄ܘ̣ܵܘ ܩܹܒ̣ܘܿܬ̣ܵܐ ܕܲܕ݂ܝܵܬܹܩܹܐ ܕܡܵܪܝܵܐ: ܐܵܙܠ̄ܝܼܢ ܗ̄ܘ̣ܵܘ ܩܕ݂ܵܡ ܥܲܡܵܐ. |
[No book] |
| [15]ܘܟܲܕ݂ ܡܲܛܝܼܘ ܫܩ̈ܝܼܠܲܝ ܩܹ݂ܒ̣ܘܿܬ̣ܵܐ ܥܕܲܡܵܐ ܠܝܘܿܪܕ̇ܢܵܢ: ܪܸ̈ܓ̣ܠܲܝܗܘܿܢ ܕܟ݂ܵܗܢܹ̈ܐ ܕܲܫܩܝܼܠܝܼܢ ܗ̄ܘ̣ܵܘ ܩܹܒ̣ܘܿܬ̣ܵܐ ܐܸܨܛܲܒܲܥ ܒܲܣܦܵܪ̈ܲܝ ܡܲـ̈ـܝܵܐ: ܘܝܘܿܪܕ̇ܢܵܢ ܡܠܸܐ ܗ̄ܘ̣ܵܐ ܣܦܵܐ ܒܲܣܦܵܐ ܟܠܗܘܿܢ ܝܵܘ̈ܡܵܬ̣ܵܐ ܕܲܚܨܵܕ݂ܵܐ. |
[No book] |
| [16]ܘܩܵܡ̣ܘ ܡܲـ̈ـܝܵܐ ܕܢܵܚܬ̇ܝܼܢ ܗ̄ܘ̣ܵܘ ܡ̣ܢ ܠܥܸܠ ܩܵܡ̣ܘ ܐܲܝܟ݂ ܕܲܒ̣ܙܸܩܵܐ ܚܕ݂ܵܐ ܠܣܸܛܪܵܐ ܚܲܕ݂: ܐܲܪܚܸܩܘ ܛܵܒ̣ ܡ̣ܢ ܐܵܪܵܡ ܩܪܝܼܬ̣ܵܐ ܕܐܝܼܬ̣ ܥܲܠ ܓܹܢ̄ܒ̣ ܨܲܪܬܲܡ. ܘܲܕ݂ܢܵܚܬ̇ܝܼܢ ܠܝܲܡܵܐ ܕܡܲܥܪ̱ܒ̣ܵܐ ܝܲܡܵܐ ܕܡܸܠܚܵܐ: ܓܡܲܪܘ ܘܐܸܬ̣ܦܠܸܓ̣ܘ ܥܲܡܵܐ ܕܹܝܢ ܥܒܲܪܘ ܠܘܼܩܒܲܠ ܐܝܼܪܝܼܚܘܿ. |
[No book] |
| [17]ܘܩܵܡ̣ܘ ܟܵܗܢܹ̈ܐ ܕܲܫܩܝܼܠܝܼܢ ܩܹܒ̣ܘܿܬ̣ܵܐ ܕܲܕ݂ܝܵܬܹܩܹܐ ܕܡܵܪܝܵܐ ܒܝܲܒ̣ܫܵܐ ܒܓ̣ܵܘ ܝܘܿܪܕ̇ܢܵܢ: ܘܐܸܬ̇ܛܲܝܲܒ̣ܘ ܟܠܗܘܿܢ ܕܒܹܝܬ̣ ܝܼܣܪܵܝܹܠ ܥܵܒܪܝܼܢ ܒܝܲܒ̣ܫܵܐ: ܥܕܲܡܵܐ ܕܲܫܠܸܡ̣ܘ ܟܠܹܗ ܥܲܡܵܐ ܠܡܸܥܒܲܪ ܝܘܿܪܕ̇ܢܵܢ. |
[No book] |