|
|
| [1]ܘܟܲܕ݂ ܫ̣ܡܲܥܘ ܟܠܗܘܿܢ ܡܲܠܟܹ̈ܐ ܕܐܵܡܘܿܪ̈ܵܝܹܐ ܕܲܒ̣ܥܸܒ̣ܪܵܐ ܕܝܘܿܪܕ̇ܢܵܢ ܕܲܒ̣ܡܲܥ̱ܪܒ̣ܵܐ: ܘܟܠܗܘܿܢ ܡܲܠ̈ܟܹ̇ܐ ܕܲܟ݂ܢܲܥܢ ܕܥܲܠ ܝܲܕ݂ ܝܲܡܵܐ: ܕܐܵܘܒܸ̇ܫ ܡܵܪܝܵܐ ܡܲܝܵܐ ܕܝܘܿܪܕ̇ܢܵܢ ܡ̣ܢ ܩܕ݂ܵܡ ܒ̈ܢܲܝ ܝܼܣܪܵܝܹܠ ܥܕܲܡܵܐ ܕܲܥ̣ܒܲܪܘ: ܙܵܥ̣ ܠܸܒ̇ܗܘܿܢ: ܘܠܵܐ ܐܸܫܬܲܚܪܲܬ̤ ܒܗܘܿܢ ܢܲܦ̮ܫܵܐ ܡ̣ܢ ܩܕ݂ܵܡ ܒ̈ܢܲܝ ܝܼܣܪܵܝܹܠ. |
[No book] |
| [2]ܒܹܗ ܒܙܲܒ̣ܢܵܐ ܗܵܘ̇: ܐܸܡܲܪ ܡܵܪܝܵܐ ܠܝܼܫܘܿܥ: ܥܒܸܕ݂ ܠܵܟ݂ ܣܲܦ̮ܣܹܪܵܐ ܕܛܲܪܵܢܵܐ: ܘܲܗܦܘܿܟ݂ ܓܙܘܿܪ ܐܸܢܘܿܢ ܠܲܒ̣̈ܢܲܝ ܝܼܣܪܵܝܹܠ ܬܸܢܝܵܢܘܼܬ̣. |
[No book] |
| [3]ܘܲܥ̣ܒܲܕ݂ ܠܹܗ ܝܼܫܘܿܥ ܣܲܦ̮ܣܹܪܵܐ ܕܛܲܪܵܢܵܐ: ܘܲܓ̣ܙܲܪ ܐܸܢܘܿܢ ܠܲܒ̣̈ܢܲܝ ܝܼܣܪܵܝܹܠ ܬܸܢܝܵܢܘܼܬ̣ ܒܪܵܡܬ̣ܵܐ ܕܥܘܼܪ̈ܠܹܐ. |
[No book] |
| [4]ܘܗܵܠܹܝܢ ܐܸܢܘܿܢ ܕܲܓ̣ܙܲܪ ܝܼܫܘܿܥ: ܠܟ݂ܠ ܝܲܠܕܵܐ ܕܥܲܡܵܐ ܕܲܢܦܲܩ̣ܘ ܡ̣ܢ ܡܸܨܪܹܝܢ ܕܸܟ݂ܪܹ̈ܐ: ܡܸܛܠ ܕܟ݂ܠܗܘܿܢ ܓܲܒ̣ܪܹ̈ܐ ܥܵܒ̣ܕܲܝ̈ ܩܪܵܒ̣ܵܐ: ܡܝܼܬ̣ܘ ܒܡܲܕ݂ܒ̇ܪܵܐ ܒܐܘܼܪܚܵܐ ܟܲܕ݂ ܢܦܲܩ̣ܘ ܡ̣ܢ ܡܸܨܪܹܝܢ. |
[No book] |
| [5]ܡܸܛܠ ܕܲܓ̣ܙܝܼܪܝܼܢ ܗ̄ܘ̣ܵܘ ܟܠ ܥܲܡܵܐ ܕܲܢܦܲܩ̣ܘ: ܘܟ݂ܠ ܥܲܡܵܐ ܕܐܸܬ̣̱ܝܼܠܸܕ݂ ܒܡܲܕ݂ܒ̇ܪܵܐ. ܒܐܘܼܪܚܵܐ ܟܲܕ݂ ܢܦܲܩ̣ܘ ܡ̣ܢ ܡܸܨܪܹܝܢ ܠܵܐ ܐܸܬ̣ܓ̇ܙܲܪܘ. |
[No book] |
| [6]ܡܸܛܠ ܕܐܲܪܒ̇ܥܝܼܢ ܫܢ̈ܝܼܢ ܗܲܠܸܟ݂ܘ ܒ̈ܢܲܝ ܝܼܣܪܵܝܹܠ ܒܡܲܕ݂ܒ̇ܪܵܐ: ܥܕܲܡܵܐ ܕܣܵܦ̣ܘ ܟܠܹܗ ܥܲܡܵܐ ܕܓܲܒ̣ܪܹ̈ܐ ܥܵܒ̣ܕܲܝ̈ ܩܪܵܒ̣ܵܐ ܕܲܢܦܲܩ̣ܘ ܡ̣ܢ ܡܸܨܪܹܝܢ: ܥܲܠ ܕܠܵܐ ܫ̣ܡܲܥܘ ܒܩܵܠܹܗ ܕܡܵܪܝܵܐ ܐܲܠܵܗܗܘܿܢ. ܘܝܼܡܵܐ ܠܗܘܿܢ ܡܵܪܝܵܐ: ܕܠܵܐ ܢܚܵܘܹܐ ܐܸܢܘܿܢ ܐܲܪܥܵܐ ܕܝܼܡ̣ܵܐ ܠܐܲܒ̣ܵܗܲܝ̈ܗܘܿܢ ܠܡܸܬܲܠ ܠܗܘܿܢ: ܐܲܪܥܵܐ ܕܡܲܪܕ̇ܝܵܐ ܚܲܠܒ̣ܵܐ ܘܕܸܒ̣ܫܵܐ. |
[No book] |
| [7]ܘܠܲܒ̣ܢܲܝ̈ܗܘܿܢ ܕܲܗܘ̤ܵܘ ܡ̣ܢ ܒܵܬܲܪܗܘܿܢ: ܠܗܘܿܢ ܓܙܲܪ ܝܼܫܘܿܥ: ܡܸܛܠ ܕܥܘܼܪ̈ܠܝܼܢ ܗ̄ܘ̣ܵܘ ܠܵܐ ܓܙܝܼܪܝܼܢ ܗ̄ܘ̣ܵܘ. |
[No book] |
| [8]ܘܟܲܕ݂ ܓܡܲܪܘ ܟܠܹܗ ܥܲܡܵܐ ܠܡܸܬ̣ܓܵܙܵܪܘܼ: ܘܝܼܬܸܒ̣ܘ ܒܕ݂ܘܼ̈ܟ̇ܝܵܬ̣ܗܘܿܢ ܒܡܲܫܪܝܼܬ̣ܵܐ ܥܕܲܡܵܐ ܕܐܸܬ̣ܐܲܣܝܼܘ. |
[No book] |
| [9]ܘܐܸܡܲܪ ܡܵܪܝܵܐ ܠܝܼܫܘܿܥ: ܝܵܘܡܵܢܵܐ ܐܲܥ̇ܒ̇ܪܹܬ̣ ܚܸܣܕܵܐ ܕܡܸܨܪ̈ܵܝܹܐ ܡܸܢܟ݂ܘܿܢ ܘܲܩܪܵܐ ܫܡܹܗ ܕܐܲܬ̣ܪܵܐ ܗܵܘ̇ ܓܲܠܓܵܠܵܐ ܥܕܲܡܵܐ ܠܝܵܘܡܵܢܵܐ. |
[No book] |
| [10]ܘܲܫܪܵܘ ܒ̈ܢܲܝ ܝܼܣܪܵܝܹܠ ܒܓܲܠܓܵܠܵܐ: ܘܲܥ̣ܒܲܕ݂ܘ ܦܸܨܚܵܐ ܒܐܲܪܒܲܥܸܣܪܵܐ ܒܝܲܪܚܵܐ ܩܲܕ݂ܡܵܝܵܐ: ܒܪܲܡܫܵܐ ܒܲܦܩܲܥܬ̣ܵܐ ܕܐܝܼܪܝܼܚܘܿ. |
[No book] |
| [11]ܘܐܸܟܲܠܘ ܡ̣ܢ ܥܒ̣ܘܼܪܵܐ ܕܐܲܪܥܵܐ ܡ̣ܢ ܒܵܬܲܪ ܦܸܨܚܵܐ. ܦܲܛܝܼܪܹ̈ܐ: ܘܩܲܠ̈ܝܵܬ̣ܵܐ ܐܸܟܸ̇ܠܘ ܒܹܗ ܒܝܵܘܡܵܐ ܗܵܢܵܐ. |
[No book] |
| [12]ܘܐܸܫܬ̇ܩܸܠ ܡܲܢܢܵܐ ܡ̣ܢ ܒܵܬܲܪ ܝܵܘܡܵܐ: ܟܲܕ݂ ܐܸܟܲܠ̣ܘ ܡ̣ܢ ܥܒ̣ܘܼܪܵܐ ܕܐܲܪܥܵܐ: ܘܠܵܐ ܗ̄ܘ̣ܵܐ ܬܘܼܒ̣ ܡܲܢܢܵܐ ܠܲܒ̣̈ܢܲܝ ܝܼܣܪܵܝܹܠ. ܘܐܸܟܲܠܘ ܡ̣ܢ ܥܠܲܠܬ̣ܵܗ̇ ܕܐܲܪܥܵܐ ܕܲܟ݂ܢܲܥܢ ܒܵܗ̇ ܒܫܲܢ̄ܬܵܐ ܗܵܝ̇. |
[No book] |
| [13]ܘܟܲܕ݂ ܗܘ̤ܵܐ ܝܼܫܘܿܥ ܒܲܦܩܲܥܬ̣ܵܐ ܕܐܝܼܪܝܼܚܘܿ: ܐܲܪܝܼܡ ܥܲܝܢܵܘ̈ܗܝ ܘܲܚܙ̣ܵܐ ܓܲܒ̣ܪܵܐ ܚܲܕ݂ ܩܵܐܹ̇ܡ ܠܩܘܼܒ̣ܠܹܗ: ܘܣܲܝܦܹܗ ܫܡܝܼܛ ܘܐܲܚܝܼܕ݂ ܒܐܝܼܕܹܗ. ܘܐܸܙܲܠ̣ ܝܼܫܘܿܥ ܠܘܵܬܹܗ ܘܐܸܡܲܪ ܠܹܗ: ܡܸܢܲܢ ܐܲܢ̄ܬ̇ ܐܵܘ ܡ̣ܢ ܒܥܸܠܕ̇ܒ̣ܵܒܲܝ̈ܢ. |
[No book] |
| [14]ܐܵܡܲܪ ܠܹܗ: ܐܸܢܵܐ ܪܲܒ̇ ܚܲܝ̈ܠܵܘܵܬܹܗ ܐ̄ܢܵܐ ܕܡܵܪܝܵܐ: ܘܗܵܫܵܐ ܐܸܬܹܝܬ̣. ܘܲܢܦܲܠ̣ ܝܼܫܘܿܥ ܥܲܠ ܐܲܦܵܘ̈ܗܝ ܥܲܠ ܐܲܪܥܵܐ ܘܲܣܓܸܕ݂: ܘܐܸܡܲܪ: ܡܵܢܵܐ ܐܵܡܲܪ ܡܵܪܝ ܠܥܲܒ̣ܕܹ̇ܗ. |
[No book] |
| [15]ܘܐܸܡܲܪ ܪܲܒ̇ ܚܲܝ̈ܠܵܘܵܬܹܗ. ܕܡܵܪܝܵܐ ܠܝܼܫܘܿܥ: ܫܪܝܼ ܡܣܵܢܲܝ̈ܟ ܡ̣ܢ ܪܸ̈ܓ̣ܠܲܝܟ: ܡܸܛܠ ܕܕ݂ܘܼܟ̇ܬ̣ܵܐ ܕܩܵܐܹ̇ܡ ܐܲܢ̄ܬ̇ ܒܵܗ̇ ܩܲܕܝܼܫܵܐ ܗ̄ܝ̣: ܘܲܥܒܲܕ݂ ܝܼܫܘܿܥ ܗܵܟܲܢܵܐ. |
[No book] |