|
|
| [1]אני הגבר ראה עני בשבט עברתו |
[1]אֲנִי הַגֶּבֶר רָאָה עֳנִי בְּשֵׁבֶט עֶבְרָתֹו׃ |
| [2]אותי נהג וילך חשך ולא אור |
[2]אֹותִי נָהַג וַיֹּלַךְ חֹשֶׁךְ וְלֹא־אֹור׃ |
| [3]אך בי ישב יהפך ידו כל היום |
[3]אַךְ בִּי יָשֻׁב יַהֲפֹךְ יָדֹו כָּל־הַיֹּום׃ |
| [4]בלה בשרי ועורי שבר עצמותי |
[4]בִּלָּה בְשָׂרִי וְעֹורִי שִׁבַּר עַצְמֹותָי׃ |
| [5]בנה עלי ויקף ראש ותלאה |
[5]בָּנָה עָלַי וַיַּקַּף רֹאשׁ וּתְלָאָה׃ |
| [6]במחשכים הושיבני כמתי עולם |
[6]בְּמַחֲשַׁכִּים הֹושִׁיבַנִי כְּמֵתֵי עֹולָם׃ |
| [7]גדר בעדי ולא אצא הכביד נחשתי |
[7]גָּדַר בַּעֲדִי וְלֹא אֵצֵא הִכְבִּיד נְחָשְׁתִּי׃ |
| [8]גם כי אזעק ואשוע שתם תפלתי |
[8]גַּם כִּי אֶזְעַק וַאֲשַׁוֵּעַ שָׂתַם תְּפִלָּתִי׃ |
| [9]גדר דרכי בגזית נתיבתי עוה |
[9]גָּדַר דְּרָכַי בְּגָזִית נְתִיבֹתַי עִוָּה׃ |
| [10]דב ארב הוא לי אריה [Q: ארי] במסתרים |
[10]דֹּב אֹרֵב הוּא לִי אַרְיֵה [Q: אֲרִי] בְּמִסְתָּרִים׃ |
| [11]דרכי סורר ויפשחני שמני שמם |
[11]דְּרָכַי סֹורֵר וַיְפַשְּׁחֵנִי שָׂמַנִי שֹׁםֵם׃ |
| [12]דרך קשתו ויציבני כמטרא לחץ |
[12]דָּרַךְ קַשְׁתֹּו וַיַּצִּיבֵנִי כַּמַּטָּרָא לַחֵץ׃ |
| [13]הביא בכליתי בני אשפתו |
[13]הֵבִיא בְּכִלְיֹותָי בְּנֵי אַשְׁפָּתֹו׃ |
| [14]הייתי שחק לכל עמי נגינתם כל היום |
[14]הָיִיתִי שְּׂחֹק לְכָל־עַמִּי נְגִינָתָם כָּל־הַיֹּום׃ |
| [15]השביעני במרורים הרוני לענה |
[15]הִשְׂבִּיעַנִי בַמְּרֹורִים הִרְוַנִי לַעֲנָה׃ |
| [16]ויגרס בחצץ שני הכפישני באפר |
[16]וַיַּגְרֵס בֶּחָץָץ שִׁנָּי הִכְפִּישַׁנִי בָּאֵפֶר׃ |
| [17]ותזנח משלום נפשי נשיתי טובה |
[17]וַתִּזְנַח מִשָּׁלֹום נַפְשִׁי נָשִׁיתִי טֹובָה׃ |
| [18]ואמר אבד נצחי ותוחלתי מיהוה |
[18]וָאֹמַר אָבַד נִצְחִי וְתֹוחַלְתִּי מֵיְהוָה׃ |
| [19]זכר עניי ומרודי לענה וראש |
[19]זְכָר־עָנְיִי וּמְרוּדִי לַעֲנָה וָרֹאשׁ׃ |
| [20]זכור תזכור ותשיח [Q: ותשוח] עלי נפשי |
[20]זָכֹור תִּזְכֹּור וְתָשִׁיחַ [Q: וְתָשֹׁוחַ] עָלַי נַפְשִׁי׃ |
| [21]זאת אשיב אל לבי על כן אוחיל |
[21]זֹאת אָשִׁיב אֶל־לִבִּי עַל־כֵּן אֹוחִיל׃ |
| [22]חסדי יהוה כי לא תמנו כי לא כלו רחמיו |
[22]חַסְדֵי יְהוָה כִּי לֹא־תָמְנוּ כִּי לֹא־כָלוּ רַחֲמָיו׃ |
| [23]חדשים לבקרים רבה אמונתך |
[23]חֲדָשִׁים לַבְּקָרִים רַבָּה אֱמוּנָתֶךָ׃ |
| [24]חלקי יהוה אמרה נפשי על כן אוחיל לו |
[24]חֶלְקִי יְהוָה אָמְרָה נַפְשִׁי עַל־כֵּן אֹוחִיל לֹו׃ |
| [25]טוב יהוה לקוו לנפש תדרשנו |
[25]טֹוב יְהוָה לְקֹוָוק לְנֶפֶשׁ תִּדְרְשֶׁנּוּ׃ |
| [26]טוב ויחיל ודומם לתשועת יהוה |
[26]טֹוב וְיָחִיל וְדוּםָם לִתְשׁוּעַת יְהוָה׃ |
| [27]טוב לגבר כי ישא על בנעוריו |
[27]טֹוב לַגֶּבֶר כִּי־יִשָּׂא עֹל בִּנְעוּרָיו׃ |
| [28]ישב בדד וידם כי נטל עליו |
[28]יֵשֵׁב בָּדָד וְיִדֹּם כִּי נָטַל עָלָיו׃ |
| [29]יתן בעפר פיהו אולי יש תקוה |
[29]יִתֵּן בֶּעָפָר פִּיהוּ אוּלַי יֵשׁ תִּקְוָה׃ |
| [30]יתן למכהו לחי ישבע בחרפה |
[30]יִתֵּן לְמַכֵּהוּ לֶחִי יִשְׂבַּע בְּחֶרְפָּה׃ |
| [31]כי לא יזנח לעולם אדני |
[31]כִּי לֹא יִזְנַח לְעֹולָם אֲדֹנָי׃ |
| [32]כי אם הוגה ורחם כרב חסדיו |
[32]כִּי אִם־הֹוגָה וְרִחַם כְּרֹב חַסְדֹּו [Q: חֲסָדָיו]׃ |
| [33]כי לא ענה מלבו ויגה בני איש |
[33]כִּי לֹא עִנָּה מִלִּבֹּו וַיַּגֶּה בְּנֵי־אִישׁ׃ |
| [34]לדכא תחת רגליו כל אסירי ארץ |
[34]לְדַכֵּא תַּחַת רַגְלָיו כֹּל אֲסִירֵי אָרֶץ׃ |
| [35]להטות משפט גבר נגד פני עליון |
[35]לְהַטֹּות מִשְׁפַּט־גָּבֶר נֶגֶד פְּנֵי עֶלְיֹון׃ |
| [36]לעות אדם בריבו אדני לא ראה |
[36]לְעַוֵּת אָדָם בְּרִיבֹו אֲדֹנָי לֹא רָאָה׃ |
| [37]מי זה אמר ותהי אדני לא צוה |
[37]מִי זֶה אָמַר וַתֶּהִי אֲדֹנָי לֹא צִוָּה׃ |
| [38]מפי עליון לא תצא הרעות והטוב |
[38]מִפִּי עֶלְיֹון לֹא תֵצֵא הָרָעֹות וְהַטֹּוב׃ |
| [39]מה יתאונן אדם חי גבר על חטאו |
[39]מַה־יִּתְאֹוןֵן אָדָם חָי גֶּבֶר עַל־חֶטְאֹו [Q: חֲטָאָיו]׃ |
| [40]נחפשה דרכינו ונחקרה ונשובה עד יהוה |
[40]נַחְפְּשָׂה דְרָכֵינוּ וְנַחְקֹרָה וְנָשׁוּבָה עַד־יְהוָה׃ |
| [41]נשא לבבנו אל כפים אל אל בשמים |
[41]נִשָּׂא לְבָבֵנוּ אֶל־כַּפָּיִם אֶל־אֵל בַּשָּׁמָיִם׃ |
| [42]נחנו פשענו ומרינו אתה לא סלחת |
[42]נַחְנוּ פָשַׁעְנוּ וּמָרִינוּ אַתָּה לֹא סָלָחְתָּ׃ |
| [43]סכותה באף ותרדפנו הרגת לא חמלת |
[43]סַכֹּתָה בָאַף וַתִּרְדְּפֵנוּ הָרַגְתָּ לֹא חָמָלְתָּ׃ |
| [44]סכותה בענן לך מעבור תפלה |
[44]סַכֹּותָה בֶעָןָן לָךְ מֵעֲבֹור תְּפִלָּה׃ |
| [45]סחי ומאוס תשימנו בקרב העמים |
[45]סְחִי וּמָאֹוס תְּשִׂימֵנוּ בְּקֶרֶב הָעַמִּים׃ |
| [46]פצו עלינו פיהם כל איבינו |
[46]פָּצוּ עָלֵינוּ פִּיהֶם כָּל־אֹיְבֵינוּ׃ |
| [47]פחד ופחת היה לנו השאת והשבר |
[47]פַּחַד וָפַחַת הָיָה לָנוּ הַשֵּׁאת וְהַשָּׁבֶר׃ |
| [48]פלגי מים תרד עיני על שבר בת עמי |
[48]פַּלְגֵי־מַיִם תֵּרַד עֵינִי עַל־שֶׁבֶר בַּת־עַמִּי׃ |
| [49]עיני נגרה ולא תדמה מאין הפגות |
[49]עֵינִי נִגְּרָה וְלֹא תִדְמֶה מֵאֵין הֲפֻגֹות׃ |
| [50]עד ישקיף וירא יהוה משמים |
[50]עַד־יַשְׁקִיף וְיֵרֶא יְהוָה מִשָּׁמָיִם׃ |
| [51]עיני עוללה לנפשי מכל בנות עירי |
[51]עֵינִי עֹולְלָה לְנַפְשִׁי מִכֹּל בְּנֹות עִירִי׃ |
| [52]צוד צדוני כצפור איבי חנם |
[52]צֹוד צָדוּנִי כַּצִּפֹּור אֹיְבַי חִנָּם׃ |
| [53]צמתו בבור חיי וידו אבן בי |
[53]צָמְתוּ בַבֹּור חַיָּי וַיַּדּוּ־אֶבֶן בִּי׃ |
| [54]צפו מים על ראשי אמרתי נגזרתי |
[54]צָפוּ־מַיִם עַל־רֹאשִׁי אָמַרְתִּי נִגְזָרְתִּי׃ |
| [55]קראתי שמך יהוה מבור תחתיות |
[55]קָרָאתִי שִׁמְךָ יְהוָה מִבֹּור תַּחְתִּיֹּות׃ |
| [56]קולי שמעת אל תעלם אזנך לרוחתי לשועתי |
[56]קֹולִי שָׁמָעְתָּ אַל־תַּעְלֵם אָזְנְךָ לְרַוְחָתִי לְשַׁוְעָתִי׃ |
| [57]קרבת ביום אקראך אמרת אל תירא |
[57]קָרַבְתָּ בְּיֹום אֶקְרָאֶךָּ אָמַרְתָּ אַל־תִּירָא׃ |
| [58]רבת אדני ריבי נפשי גאלת חיי |
[58]רַבְתָּ אֲדֹנָי רִיבֵי נַפְשִׁי גָּאַלְתָּ חַיָּי׃ |
| [59]ראיתה יהוה עותתי שפטה משפטי |
[59]רָאִיתָה יְהוָה עַוָּתָתִי שָׁפְטָה מִשְׁפָּטִי׃ |
| [60]ראיתה כל נקמתם־כל מחשבתם לי |
[60]רָאִיתָה כָּל־נִקְמָתָם כָּל־מַחְשְׁבֹתָם לִי׃ |
| [61]שמעת חרפתם יהוה כל מחשבתם עלי |
[61]שָׁמַעְתָּ חֶרְפָּתָם יְהוָה כָּל־מַחְשְׁבֹתָם עָלָי׃ |
| [62]שפתי קמי והגיונם עלי כל היום |
[62]שִׂפְתֵי קָמַי וְהֶגְיֹונָם עָלַי כָּל־הַיֹּום׃ |
| [63]שבתם וקימתם הביטה אני מנגינתם |
[63]שִׁבְתָּם וְקִימָתָם הַבִּיטָה אֲנִי מַנְגִּינָתָם׃ |
| [64]תשיב להם גמול יהוה כמעשה ידיהם |
[64]תָּשִׁיב לָהֶם גְּמוּל יְהוָה כְּמַעֲשֵׂה יְדֵיהֶם׃ |
| [65]תתן להם מגנת לב תאלתך להם |
[65]תִּתֵּן לָהֶם מְגִנַּת־לֵב תַּאֲלָתְךָ לָהֶם׃ |
| [66]תרדף באף ותשמידם מתחת שמי יהוה |
[66]תִּרְדֹּף בְּאַף וְתַשְׁמִידֵם מִתַּחַת שְׁמֵי יְהוָה׃ |