➖ »
«
➖ ➕
Biblia Hebraica Stuttgartensia (1977)
BHS
The Acts of Thomas
ActThom
←
Lamentations
Lam
3
→
[1]אֲנִי הַגֶּבֶר רָאָה עֳנִי בְּשֵׁבֶט עֶבְרָתֹו׃ [No book]
[2]אֹותִי נָהַג וַיֹּלַךְ חֹשֶׁךְ וְלֹא־אֹור׃ [No book]
[3]אַךְ בִּי יָשֻׁב יַהֲפֹךְ יָדֹו כָּל־הַיֹּום׃ [No book]
[4]בִּלָּה בְשָׂרִי וְעֹורִי שִׁבַּר עַצְמֹותָי׃ [No book]
[5]בָּנָה עָלַי וַיַּקַּף רֹאשׁ וּתְלָאָה׃ [No book]
[6]בְּמַחֲשַׁכִּים הֹושִׁיבַנִי כְּמֵתֵי עֹולָם׃ [No book]
[7]גָּדַר בַּעֲדִי וְלֹא אֵצֵא הִכְבִּיד נְחָשְׁתִּי׃ [No book]
[8]גַּם כִּי אֶזְעַק וַאֲשַׁוֵּעַ שָׂתַם תְּפִלָּתִי׃ [No book]
[9]גָּדַר דְּרָכַי בְּגָזִית נְתִיבֹתַי עִוָּה׃ [No book]
[10]דֹּב אֹרֵב הוּא לִי אַרְיֵה [Q: אֲרִי] בְּמִסְתָּרִים׃ [No book]
[11]דְּרָכַי סֹורֵר וַיְפַשְּׁחֵנִי שָׂמַנִי שֹׁםֵם׃ [No book]
[12]דָּרַךְ קַשְׁתֹּו וַיַּצִּיבֵנִי כַּמַּטָּרָא לַחֵץ׃ [No book]
[13]הֵבִיא בְּכִלְיֹותָי בְּנֵי אַשְׁפָּתֹו׃ [No book]
[14]הָיִיתִי שְּׂחֹק לְכָל־עַמִּי נְגִינָתָם כָּל־הַיֹּום׃ [No book]
[15]הִשְׂבִּיעַנִי בַמְּרֹורִים הִרְוַנִי לַעֲנָה׃ [No book]
[16]וַיַּגְרֵס בֶּחָץָץ שִׁנָּי הִכְפִּישַׁנִי בָּאֵפֶר׃ [No book]
[17]וַתִּזְנַח מִשָּׁלֹום נַפְשִׁי נָשִׁיתִי טֹובָה׃ [No book]
[18]וָאֹמַר אָבַד נִצְחִי וְתֹוחַלְתִּי מֵיְהוָה׃ [No book]
[19]זְכָר־עָנְיִי וּמְרוּדִי לַעֲנָה וָרֹאשׁ׃ [No book]
[20]זָכֹור תִּזְכֹּור וְתָשִׁיחַ [Q: וְתָשֹׁוחַ] עָלַי נַפְשִׁי׃ [No book]
[21]זֹאת אָשִׁיב אֶל־לִבִּי עַל־כֵּן אֹוחִיל׃ [No book]
[22]חַסְדֵי יְהוָה כִּי לֹא־תָמְנוּ כִּי לֹא־כָלוּ רַחֲמָיו׃ [No book]
[23]חֲדָשִׁים לַבְּקָרִים רַבָּה אֱמוּנָתֶךָ׃ [No book]
[24]חֶלְקִי יְהוָה אָמְרָה נַפְשִׁי עַל־כֵּן אֹוחִיל לֹו׃ [No book]
[25]טֹוב יְהוָה לְקֹוָוק לְנֶפֶשׁ תִּדְרְשֶׁנּוּ׃ [No book]
[26]טֹוב וְיָחִיל וְדוּםָם לִתְשׁוּעַת יְהוָה׃ [No book]
[27]טֹוב לַגֶּבֶר כִּי־יִשָּׂא עֹל בִּנְעוּרָיו׃ [No book]
[28]יֵשֵׁב בָּדָד וְיִדֹּם כִּי נָטַל עָלָיו׃ [No book]
[29]יִתֵּן בֶּעָפָר פִּיהוּ אוּלַי יֵשׁ תִּקְוָה׃ [No book]
[30]יִתֵּן לְמַכֵּהוּ לֶחִי יִשְׂבַּע בְּחֶרְפָּה׃ [No book]
[31]כִּי לֹא יִזְנַח לְעֹולָם אֲדֹנָי׃ [No book]
[32]כִּי אִם־הֹוגָה וְרִחַם כְּרֹב חַסְדֹּו [Q: חֲסָדָיו]׃ [No book]
[33]כִּי לֹא עִנָּה מִלִּבֹּו וַיַּגֶּה בְּנֵי־אִישׁ׃ [No book]
[34]לְדַכֵּא תַּחַת רַגְלָיו כֹּל אֲסִירֵי אָרֶץ׃ [No book]
[35]לְהַטֹּות מִשְׁפַּט־גָּבֶר נֶגֶד פְּנֵי עֶלְיֹון׃ [No book]
[36]לְעַוֵּת אָדָם בְּרִיבֹו אֲדֹנָי לֹא רָאָה׃ [No book]
[37]מִי זֶה אָמַר וַתֶּהִי אֲדֹנָי לֹא צִוָּה׃ [No book]
[38]מִפִּי עֶלְיֹון לֹא תֵצֵא הָרָעֹות וְהַטֹּוב׃ [No book]
[39]מַה־יִּתְאֹוןֵן אָדָם חָי גֶּבֶר עַל־חֶטְאֹו [Q: חֲטָאָיו]׃ [No book]
[40]נַחְפְּשָׂה דְרָכֵינוּ וְנַחְקֹרָה וְנָשׁוּבָה עַד־יְהוָה׃ [No book]
[41]נִשָּׂא לְבָבֵנוּ אֶל־כַּפָּיִם אֶל־אֵל בַּשָּׁמָיִם׃ [No book]
[42]נַחְנוּ פָשַׁעְנוּ וּמָרִינוּ אַתָּה לֹא סָלָחְתָּ׃ [No book]
[43]סַכֹּתָה בָאַף וַתִּרְדְּפֵנוּ הָרַגְתָּ לֹא חָמָלְתָּ׃ [No book]
[44]סַכֹּותָה בֶעָןָן לָךְ מֵעֲבֹור תְּפִלָּה׃ [No book]
[45]סְחִי וּמָאֹוס תְּשִׂימֵנוּ בְּקֶרֶב הָעַמִּים׃ [No book]
[46]פָּצוּ עָלֵינוּ פִּיהֶם כָּל־אֹיְבֵינוּ׃ [No book]
[47]פַּחַד וָפַחַת הָיָה לָנוּ הַשֵּׁאת וְהַשָּׁבֶר׃ [No book]
[48]פַּלְגֵי־מַיִם תֵּרַד עֵינִי עַל־שֶׁבֶר בַּת־עַמִּי׃ [No book]
[49]עֵינִי נִגְּרָה וְלֹא תִדְמֶה מֵאֵין הֲפֻגֹות׃ [No book]
[50]עַד־יַשְׁקִיף וְיֵרֶא יְהוָה מִשָּׁמָיִם׃ [No book]
[51]עֵינִי עֹולְלָה לְנַפְשִׁי מִכֹּל בְּנֹות עִירִי׃ [No book]
[52]צֹוד צָדוּנִי כַּצִּפֹּור אֹיְבַי חִנָּם׃ [No book]
[53]צָמְתוּ בַבֹּור חַיָּי וַיַּדּוּ־אֶבֶן בִּי׃ [No book]
[54]צָפוּ־מַיִם עַל־רֹאשִׁי אָמַרְתִּי נִגְזָרְתִּי׃ [No book]
[55]קָרָאתִי שִׁמְךָ יְהוָה מִבֹּור תַּחְתִּיֹּות׃ [No book]
[56]קֹולִי שָׁמָעְתָּ אַל־תַּעְלֵם אָזְנְךָ לְרַוְחָתִי לְשַׁוְעָתִי׃ [No book]
[57]קָרַבְתָּ בְּיֹום אֶקְרָאֶךָּ אָמַרְתָּ אַל־תִּירָא׃ [No book]
[58]רַבְתָּ אֲדֹנָי רִיבֵי נַפְשִׁי גָּאַלְתָּ חַיָּי׃ [No book]
[59]רָאִיתָה יְהוָה עַוָּתָתִי שָׁפְטָה מִשְׁפָּטִי׃ [No book]
[60]רָאִיתָה כָּל־נִקְמָתָם כָּל־מַחְשְׁבֹתָם לִי׃ [No book]
[61]שָׁמַעְתָּ חֶרְפָּתָם יְהוָה כָּל־מַחְשְׁבֹתָם עָלָי׃ [No book]
[62]שִׂפְתֵי קָמַי וְהֶגְיֹונָם עָלַי כָּל־הַיֹּום׃ [No book]
[63]שִׁבְתָּם וְקִימָתָם הַבִּיטָה אֲנִי מַנְגִּינָתָם׃ [No book]
[64]תָּשִׁיב לָהֶם גְּמוּל יְהוָה כְּמַעֲשֵׂה יְדֵיהֶם׃ [No book]
[65]תִּתֵּן לָהֶם מְגִנַּת־לֵב תַּאֲלָתְךָ לָהֶם׃ [No book]
[66]תִּרְדֹּף בְּאַף וְתַשְׁמִידֵם מִתַּחַת שְׁמֵי יְהוָה׃ [No book]
Source: unbound.biola.edu

See information...
Top