➖ »
«
➖ ➕
Peshitta OT
PesOT
Book of Jasher (1840)
Jas(1840)
←
Lamentations
Lam
7
→
[1]ܡܵܢܵܐ ܬܸܚܙܘܿܢ ܒܫܝܼܠܘܿܡܵܝܬܵܐ ܕܢܵܚܬܵܐ ܐܲܝܟ݂ ܚܲܕ݂ܘܼܬ̣ܵܐ: ܘܐܲܝܟ݂ ܚܲܕ݂ܘܼܬ̣ܵܐ ܕܡܲܫ̱ܪ̈ܝܵܬ̣ܵܐ ܡܵܐ ܫܲܦܝܼܪ̈ܵܢ ܪܸܓ̣ܠܹ̇ܟ̇ܝ ܒܲܡܣܵܢܹ̈ܐ ܒܲܪܬ̣ ܡܛܲܝܒ̣ܵܐ ܘܨܘܼܪܲܬ̣ ܥܲܛܡܵܬܹ̈ܟ݂ܝ ܐܲܝܟ݂ ܚܸܪ̈ܩܹܐ: ܥܒ̣ܵܕ݂ ܐܝܼܕܲܝ̈ ܐܘܼܡܵܢܵܐ. [No book]
[2]ܫܸܪܹܟ݂ܝ ܐܲܓܵܢܵܐ ܕܲܟ݂ܪܝܼܟ݂ܵܐ: ܕܠܵܐ ܚܵܣܲܪ ܒܵܗ̇ ܡܙܵܓ̣ܵܐ. ܟܲܪܣܹܟ݂ܝ ܥܪܲܡܬ̣ܵܐ ܕܚܸܛܹ̈ܐ ܕܣܝܼܓ̣ܵܐ ܒܫܘܿܫܲܢܹ̈ܐ. [No book]
[3]ܬܪܹܝܢ ܬܕܲܝ̈ܟ̇ܝ ܐܲܝܟ݂ ܬܪܹܝܢ ܥܘܼܙܲܝ̈ܠܹܐ ܬܐܵܡܹ̈ܐ ܕܲܛ̈ܒܲܝܵܐ: ܕܪܵܥܹ̇ܝܢ ܒܫܘܿܫܲܢܹ̈ܐ. [No book]
[4]ܨܵܘܪܹܟ݂ܝ ܐܲܝܟ݂ ܡܲܓܕ̇ܠܵܐ ܕܫܸܢܵܐ ܥܲܝܢܲܝ̈ܟ̇ܝ ܐܲܝܟ݂ ܝܲܡ̈ܡܵܬ̣ܵܐ ܕܚܸܫܒ̇ܘܿܢ ܥܲܠ ܬܲܪܥܵܐ ܕܒܲܪܬ̣ ܣܲܓ̇ܝܼ̈ܐܹܐ. ܢܚܝܼܪܹܟ݂ܝ ܐܲܝܟ݂ ܡܲܓ̇ܕܠܵܐ ܕܠܸܒ̣ܢܵܢ: ܕܚܵܐܲܪ ܠܐܦܲܝ̈ ܕܲܪܡܣܘܿܩ. [No book]
[5]ܪܹܫܹܟ݂ܝ ܥܠܲܝܟ̇ܝ ܐܲܝܟ݂ ܟܲܪܡܠܵܐ. ܘܲܓ̣ܕ݂ܘܿܠܹ̈ܐ ܕܪܹܫܹܟ݂ܝ ܐܲܝܟ݂ ܐܲܪܓ̇ܘܵܢܵܐ ܕܡܲܠܟܵܐ: ܕܐܲܣܝܼܪ ܒܪ̈ܲܗܛܹܐ. [No book]
[6]ܡܵܐ ܫܲܦܝܼܪܲܬ̇ܝ: ܘܡܵܐ ܒܲܣܝܼܡܲܬ̇ܝ ܐܘܿ ܪܚܝܼܡܬܵܐ: ܒܲܪܬ̣ ܦܘܼܢܵܩܹ̈ܐ. [No book]
[7]ܘܗܵܕܹܐ ܩܵܘܡܬܹܟ݂ܝ ܕܵܡ̇ܝܵܐ ܠܕܸܩܠܵܐ: ܘܲܬ̇ܕܲܝ̈ܟ̇ܝ ܠܲܣܓ̣ܘܼܠܹ̈ܐ. [No book]
[8]ܐܸܡ̇ܪܹܬ̣ ܐܸܣܲܩ ܒܕܸܩܠܵܐ: ܘܐܹܚܘܿܕ݂ ܒܣܵܘܟܵܘ̈ܗܝ. ܘܢܸܗܘܘܿܢ ܬܕܲܝ̈ܟ̇ܝ ܐܲܝܟ݂ ܣܓ̣ܘܼܠܲܝ̈ ܓܘܼܦܢܹ̈ܐ ܘܪܹܝܚ ܐܲܦܲܝ̈ܟ̇ܝ ܐܲܝܟ݂ ܚܲܙܘܼܪܹ̈ܐ. [No book]
[9]ܘܚܸܟܹ̇ܟ݂ܝ ܐܲܝܟ݂ ܚܲܡܪܵܐ ܛܵܒ̣ܵܐ: ܕܐܵܙܹ̇ܠ ܠܕ݂ܵܕ݂ܝ ܠܲܬ̣ܪܝܼܨܘܼܬ̣ܵܐ ܘܕܲܡܙܝܼܥ ܣܸܦ̈ܘܵܬ̣ܝ ܘܫܸܢܲܝ̈. [No book]
[10]ܐܸܢܵܐ ܠܕ݂ܵܕ݂ܝ: ܘܲܥܠܲܝ ܦܲܢܝܼܬܹ̇ܗ. [No book]
[11]ܬܵܐ ܕܵܕ݂ܝ: ܢܸܦܘܿܩ ܠܚܲܩܠܵܐ ܢܒ̣ܘܼܬ̣ ܒܟܲܦܪܵܐ. [No book]
[12]ܘܲܢܩܲܕܸ̇ܡ ܠܟܲܪܡܵܐ: ܘܢܸܚܙܹܐ ܐܸܢ ܦܸܪܥܲܬ̤ ܓܦܸܬܵܐ: ܘܲܢܦܲܩ̣ܘ ܣܡܵܕ݂ܪܹ̈ܐ: ܘܲܒ̣ܠܲܨܘ ܪ̈ܘܼܡܵܢܹܐ. ܬܲܡܵܢ ܐܸܬܸ̇ܠ ܠܵܟ݂ ܬܕܲܝ̈. [No book]
[13]ܝܲܒ̣ܪ̈ܘܼܚܹܐ ܝܲܗ̄ܒ̣ܘ ܪܹܝܚܵܐ ܘܥܲܠ ܬܲܪ̈ܥܝܼܢ ܟܠ ܐܲܒܵܢ̈ܝܼܢ ܚܲܕ݂ܬ̣ܝܼܢ ܘܥܲܬ̇ܝܼܩܝܼܢ: ܕܵܕ݂ܝ: ܢܸܛܪܹܬ̣ ܠܵܟ݂. [No book]
See information...
Top