➖ »
«
➖ ➕
Aleppo Codex (~920)
Alep
The Gospel of James
GspJam
←
Leviticus
Lev
13
→
[1]וידבר יהוה אל משה ואל אהרן לאמר [No book]
[2]אדם כי יהיה בעור בשרו שאת או ספחת או בהרת והיה בעור בשרו לנגע צרעת־והובא אל אהרן הכהן או אל אחד מבניו הכהנים [No book]
[3]וראה הכהן את הנגע בעור הבשר ושער בנגע הפך לבן ומראה הנגע עמק מעור בשרו־נגע צרעת הוא וראהו הכהן וטמא אתו [No book]
[4]ואם בהרת לבנה הוא בעור בשרו ועמק אין מראה מן העור ושערה לא הפך לבן־והסגיר הכהן את הנגע שבעת ימים [No book]
[5]וראהו הכהן ביום השביעי והנה הנגע עמד בעיניו לא פשה הנגע בעור־והסגירו הכהן שבעת ימים שנית [No book]
[6]וראה הכהן אתו ביום השביעי שנית והנה כהה הנגע ולא פשה הנגע בעור־וטהרו הכהן מספחת הוא וכבס בגדיו וטהר [No book]
[7]ואם פשה תפשה המספחת בעור אחרי הראתו אל הכהן לטהרתו ונראה שנית אל הכהן [No book]
[8]וראה הכהן והנה פשתה המספחת בעור־וטמאו הכהן צרעת הוא [No book]
[9]נגע צרעת כי תהיה באדם והובא אל הכהן [No book]
[10]וראה הכהן והנה שאת לבנה בעור והיא הפכה שער לבן ומחית בשר חי בשאת [No book]
[11]צרעת נושנת הוא בעור בשרו וטמאו הכהן לא יסגרנו כי טמא הוא [No book]
[12]ואם פרוח תפרח הצרעת בעור וכסתה הצרעת את כל עור הנגע מראשו ועד רגליו־לכל מראה עיני הכהן [No book]
[13]וראה הכהן והנה כסתה הצרעת את כל בשרו־וטהר את הנגע כלו הפך לבן טהור הוא [No book]
[14]וביום הראות בו בשר חי יטמא [No book]
[15]וראה הכהן את הבשר החי וטמאו הבשר החי טמא הוא צרעת הוא [No book]
[16]או כי ישוב הבשר החי ונהפך ללבן ובא אל הכהן [No book]
[17]וראהו הכהן והנה נהפך הנגע ללבן־וטהר הכהן את הנגע טהור הוא [No book]
[18]ובשר כי יהיה בו בערו שחין ונרפא [No book]
[19]והיה במקום השחין שאת לבנה או בהרת לבנה אדמדמת ונראה אל הכהן [No book]
[20]וראה הכהן והנה מראה שפל מן העור ושערה הפך לבן־וטמאו הכהן נגע צרעת הוא בשחין פרחה [No book]
[21]ואם יראנה הכהן והנה אין בה שער לבן ושפלה איננה מן העור והיא כהה־והסגירו הכהן שבעת ימים [No book]
[22]ואם פשה תפשה בעור־וטמא הכהן אתו נגע הוא [No book]
[23]ואם תחתיה תעמד הבהרת לא פשתה־צרבת השחין הוא וטהרו הכהן [No book]
[24]או בשר כי יהיה בערו מכות אש והיתה מחית המכוה בהרת לבנה אדמדמת־או לבנה [No book]
[25]וראה אתה הכהן והנה נהפך שער לבן בבהרת ומראה עמק מן העור־צרעת הוא במכוה פרחה וטמא אתו הכהן נגע צרעת הוא [No book]
[26]ואם יראנה הכהן והנה אין בבהרת שער לבן ושפלה איננה מן העור והוא כהה־והסגירו הכהן שבעת ימים [No book]
[27]וראהו הכהן ביום השביעי אם פשה תפשה בעור־וטמא הכהן אתו נגע צרעת הוא [No book]
[28]ואם תחתיה תעמד הבהרת לא פשתה בעור והוא כהה־שאת המכוה הוא וטהרו הכהן־כי צרבת המכוה הוא [No book]
[29]ואיש או אשה כי יהיה בו נגע בראש או בזקן [No book]
[30]וראה הכהן את הנגע והנה מראהו עמק מן העור ובו שער צהב דק־וטמא אתו הכהן נתק הוא צרעת הראש או הזקן הוא [No book]
[31]וכי יראה הכהן את נגע הנתק והנה אין מראהו עמק מן העור ושער שחר אין בו־והסגיר הכהן את נגע הנתק שבעת ימים [No book]
[32]וראה הכהן את הנגע ביום השביעי והנה לא פשה הנתק ולא היה בו שער צהב ומראה הנתק אין עמק מן העור [No book]
[33]והתגלח־ואת הנתק לא יגלח והסגיר הכהן את הנתק שבעת ימים שנית [No book]
[34]וראה הכהן את הנתק ביום השביעי והנה לא פשה הנתק בעור ומראהו איננו עמק מן העור־וטהר אתו הכהן וכבס בגדיו וטהר [No book]
[35]ואם פשה יפשה הנתק בעור אחרי טהרתו [No book]
[36]וראהו הכהן והנה פשה הנתק בעור־לא יבקר הכהן לשער הצהב טמא הוא [No book]
[37]ואם בעיניו עמד הנתק ושער שחר צמח בו נרפא הנתק־טהור הוא וטהרו הכהן [No book]
[38]ואיש או אשה כי יהיה בעור בשרם בהרת־בהרת לבנת [No book]
[39]וראה הכהן והנה בעור בשרם בהרת־כהות לבנת בהק הוא פרח בעור טהור הוא [No book]
[40]ואיש כי ימרט ראשו־קרח הוא טהור הוא [No book]
[41]ואם מפאת פניו ימרט ראשו־גבח הוא טהור הוא [No book]
[42]וכי יהיה בקרחת או בגבחת נגע לבן אדמדם־צרעת פרחת הוא בקרחתו או בגבחתו [No book]
[43]וראה אתו הכהן והנה שאת הנגע לבנה אדמדמת בקרחתו או בגבחתו־כמראה צרעת עור בשר [No book]
[44]איש צרוע הוא טמא הוא טמא יטמאנו הכהן בראשו נגעו [No book]
[45]והצרוע אשר בו הנגע בגדיו יהיו פרמים וראשו יהיה פרוע ועל שפם יעטה וטמא טמא יקרא [No book]
[46]כל ימי אשר הנגע בו יטמא־טמא הוא בדד ישב מחוץ למחנה מושבו [No book]
[47]והבגד כי יהיה בו נגע צרעת בבגד צמר או בבגד פשתים [No book]
[48]או בשתי או בערב לפשתים ולצמר או בעור או בכל מלאכת עור [No book]
[49]והיה הנגע ירקרק או אדמדם בבגד או בעור או בשתי או בערב או בכל כלי עור־נגע צרעת הוא והראה את הכהן [No book]
[50]וראה הכהן את הנגע והסגיר את הנגע שבעת ימים [No book]
[51]וראה את הנגע ביום השביעי כי פשה הנגע בבגד או בשתי או בערב או בעור לכל אשר יעשה העור למלאכה־צרעת ממארת הנגע טמא הוא [No book]
[52]ושרף את הבגד או את השתי או את הערב בצמר או בפשתים או את כל כלי העור אשר יהיה בו הנגע כי צרעת ממארת הוא באש תשרף [No book]
[53]ואם יראה הכהן והנה לא פשה הנגע בבגד או בשתי או בערב או בכל כלי עור [No book]
[54]וצוה הכהן וכבסו את אשר בו הנגע והסגירו שבעת ימים שנית [No book]
[55]וראה הכהן אחרי הכבס את הנגע והנה לא הפך הנגע את עינו והנגע לא פשה־טמא הוא באש תשרפנו פחתת הוא בקרחתו או בגבחתו [No book]
[56]ואם ראה הכהן והנה כהה הנגע אחרי הכבס אתו־וקרע אתו מן הבגד או מן העור או מן השתי או מן הערב [No book]
[57]ואם תראה עוד בבגד או בשתי או בערב או בכל כלי עור־פרחת הוא באש תשרפנו את אשר בו הנגע [No book]
[58]והבגד או השתי או הערב או כל כלי העור אשר תכבס וסר מהם הנגע־וכבס שנית וטהר [No book]
[59]זאת תורת נגע צרעת בגד הצמר או הפשתים או השתי או הערב או כל כלי עור־לטהרו או לטמאו [No book]
Source: unbound.biola.edu
 Translation: M.R. James (1924)
Source: www.earlychristianwritings.com
Top