|
|
| [1]Locutusque est Dominus ad Moysen et Aaron, dicens: |
[No book] |
| [2]Loquimini filiis Israël, et dicite eis: Vir, qui patitur fluxum seminis, immundus erit. |
[No book] |
| [3]Et tunc judicabitur huic vitio subjacere, cum per singula momenta adhæserit carni ejus, atque concreverit fœdus humor. |
[No book] |
| [4]Omne stratum, in quo dormierit, immundum erit, et ubicumque sederit. |
[No book] |
| [5]Si quis hominum tetigerit lectum ejus, lavabit vestimenta sua, et ipse lotus aqua, immundus erit usque ad vesperum. |
[No book] |
| [6]Si sederit ubi ille sederat, et ipse lavabit vestimenta sua: et lotus aqua, immundus erit usque ad vesperum. |
[No book] |
| [7]Qui tetigerit carnem ejus, lavabit vestimenta sua: et ipse lotus aqua, immundus erit usque ad vesperum. |
[No book] |
| [8]Si salivam hujuscemodi homo jecerit super eum qui mundus est, lavabit vestimenta sua: et lotus aqua, immundus erit usque ad vesperum. |
[No book] |
| [9]Sagma, super quo sederit, immundum erit: |
[No book] |
| [10]et quidquid sub eo fuerit, qui fluxum seminis patitur, pollutum erit usque ad vesperum. Qui portaverit horum aliquid, lavabit vestimenta sua: et ipse lotus aqua, immundus erit usque ad vesperum. |
[No book] |
| [11]Omnis, quem tetigerit qui talis est, non lotis ante manibus, lavabit vestimenta sua, et lotus aqua, immundus erit usque ad vesperum. |
[No book] |
| [12]Vas fictile quod tetigerit confringetur: vas autem ligneum lavabitur aqua. |
[No book] |
| [13]Si sanatus fuerit qui hujuscemodi sustinet passionem, numerabit septem dies post emundationem sui, et lotis vestibus et toto corpore in aquis viventibus, erit mundus. |
[No book] |
| [14]Die autem octavo sumet duos turtures, aut duos pullos columbæ, et veniet in conspectum Domini ad ostium tabernaculi testimonii, dabitque eos sacerdoti: |
[No book] |
| [15]qui faciet unum pro peccato et alterum in holocaustum: rogabitque pro eo coram Domino, ut emundetur a fluxi seminis sui. |
[No book] |
| [16]Vir de quo egreditur semen coitus, lavabit aqua omne corpus suum: et immundus erit usque ad vesperum. |
[No book] |
| [17]Vestem et pellem, quam habuerit, lavabit aqua, et immunda erit usque ad vesperum. |
[No book] |
| [18]Mulier, cum qua coierit, lavabitur aqua, et immunda erit usque ad vesperum. |
[No book] |
| [19]Mulier, quæ redeunte mense patitur fluxum sanguinis, septem diebus separabitur. |
[No book] |
| [20]Omnis qui tetigerit eam, immundus erit usque ad vesperum: |
[No book] |
| [21]et in quo dormierit vel sederit diebus separationis suæ, polluetur. |
[No book] |
| [22]Qui tetigerit lectum ejus, lavabit vestimenta sua: et ipse lotus aqua, immundus erit usque ad vesperum. |
[No book] |
| [23]Omne vas, super quo illa sederit, quisquis attigerit, lavabit vestimenta sua: et ipse lotus aqua, pollutus erit usque ad vesperum. |
[No book] |
| [24]Si coierit cum ea vir tempore sanguinis menstrualis, immundus erit septem diebus: et omne stratum, in quo dormierit, polluetur. |
[No book] |
| [25]Mulier, quæ patitur multis diebus fluxum sanguinis non in tempore menstruali, vel quæ post menstruum sanguinem fluere non cessat, quamdiu subjacet huic passioni, immunda erit quasi sit in tempore menstruo. |
[No book] |
| [26]Omne stratum, in quo dormierit, et vas in quo sederit, pollutum erit. |
[No book] |
| [27]Quicumque tetigerit ea, lavabit vestimenta sua: et ipse lotus aqua, immundus erit usque ad vesperam. |
[No book] |
| [28]Si steterit sanguis, et fluere cessaverit, numerabit septem dies purificationis suæ: |
[No book] |
| [29]et die octavo offeret pro se sacerdoti duos turtures, aut duos pullos columbarum, ad ostium tabernaculi testimonii: |
[No book] |
| [30]qui unum faciet pro peccato, et alterum in holocaustum, rogabitque pro ea coram Domino, et pro fluxu immunditiæ ejus. |
[No book] |
| [31]Docebitis ergo filios Israël ut caveant immunditiam, et non moriantur in sordibus suis, cum polluerint tabernaculum meum quod est inter eos. |
[No book] |
| [32]Ista est lex ejus, qui patitur fluxum seminis, et qui polluitur coitu, |
[No book] |
| [33]et quæ menstruis temporibus separatur, vel quæ jugi fluit sanguine, et hominis qui dormierit cum ea. |
[No book] |