|
|
| [1]Locutus est Dominus ad Moysen, dicens: |
[No book] |
| [2]Loquere filiis Israël, et dices ad eos: Ego Dominus Deus vester: |
[No book] |
| [3]juxta consuetudinem terræ Ægypti, in qua habitastis, non facietis: et juxta morem regionis Chanaan, ad quam ego introducturus sum vos, non agetis, nec in legitimis eorum ambulabitis. |
[No book] |
| [4]Facietis judicia mea, et præcepta mea servabitis, et ambulabitis in eis. Ego Dominus Deus vester. |
[No book] |
| [5]Custodite leges meas atque judicia, quæ faciens homo, vivet in eis. Ego Dominus. |
[No book] |
| [6]Omnis homo ad proximam sanguinis sui non accedet, ut revelet turpitudinem ejus. Ego Dominus. |
[No book] |
| [7]Turpitudinem patris tui, turpitudinem matris tuæ non discooperies: mater tua est: non revelabis turpitudinem ejus. |
[No book] |
| [8]Turpitudinem uxoris patris tui non discooperies: turpitudo enim patris tui est. |
[No book] |
| [9]Turpitudinem sororis tuæ ex patre sive ex matre, quæ domi vel foris genita est, non revelabis. |
[No book] |
| [10]Turpitudinem filiæ filii tui vel neptis ex filia non revelabis: quia turpitudo tua est. |
[No book] |
| [11]Turpitudinem filiæ uxoris patris tui, quam peperit patri tuo, et est soror tua, non revelabis. |
[No book] |
| [12]Turpitudinem sororis patris tui non discooperies: quia caro est patris tui. |
[No book] |
| [13]Turpitudinem sororis matris tuæ non revelabis, eo quod caro sit matris tuæ. |
[No book] |
| [14]Turpitudinem patrui tui non revelabis, nec accedes ad uxorem ejus, quæ tibi affinitate conjungitur. |
[No book] |
| [15]Turpitudinem nurus tuæ non revelabis, quia uxor filii tui est: nec discooperies ignominiam ejus. |
[No book] |
| [16]Turpitudinem uxoris fratris tui non revelabis: quia turpitudo fratris tui est. |
[No book] |
| [17]Turpitudinem uxoris tuæ et filiæ ejus non revelabis. Filiam filii ejus, et filiam filiæ illius non sumes, ut reveles ignominiam ejus: quia caro illius sunt, et talis coitus incestus est. |
[No book] |
| [18]Sororem uxoris tuæ in pellicatum illius non accipies, nec revelabis turpitudinem ejus adhuc illa vivente. |
[No book] |
| [19]Ad mulierem quæ patitur menstrua non accedes, nec revelabis fœditatem ejus. |
[No book] |
| [20]Cum uxore proximi tui non coibis, nec seminis commistione maculaberis. |
[No book] |
| [21]De semine tuo non dabis ut consecretur idolo Moloch, nec pollues nomen Dei tui. Ego Dominus. |
[No book] |
| [22]Cum masculo non commiscearis coitu femineo, quia abominatio est. |
[No book] |
| [23]Cum omni pecore non coibis, nec maculaberis cum eo. Mulier non succumbet jumento, nec miscebitur ei, quia scelus est. |
[No book] |
| [24]Nec polluamini in omnibus his quibus contaminatæ sunt universæ gentes, quas ego ejiciam ante conspectum vestrum, |
[No book] |
| [25]et quibus polluta est terra: cujus ego scelera visitabo, ut evomat habitatores suos. |
[No book] |
| [26]Custodite legitima mea atque judicia, et non faciatis ex omnibus abominationibus istis, tam indigena quam colonus qui peregrinantur apud vos. |
[No book] |
| [27]Omnes enim execrationes istas fecerunt accolæ terræ qui fuerunt ante vos, et polluerunt eam. |
[No book] |
| [28]Cavete ergo ne et vos similiter evomat, cum paria feceritis, sicut evomuit gentem, quæ fuit ante vos. |
[No book] |
| [29]Omnis anima, quæ fecerit de abominationibus his quippiam, peribit de medio populi sui. |
[No book] |
| [30]Custodite mandata mea. Nolite facere quæ fecerunt hi qui fuerunt ante vos, et ne polluamini in eis. Ego Dominus Deus vester. |
[No book] |