|
|
| [1]Locutus est Dominus ad Moysen, dicens: |
[No book] |
| [2]Loquere ad omnem cœtum filiorum Israël, et dices ad eos: Sancti estote, quia ego sanctus sum, Dominus Deus vester. |
[No book] |
| [3]Unusquisque patrem suum, et matrem suam timeat. Sabbata mea custodite. Ego Dominus Deus vester. |
[No book] |
| [4]Nolite converti ad idola, nec deos conflatiles faciatis vobis. Ego Dominus Deus vester. |
[No book] |
| [5]Si immolaveritis hostiam pacificorum Domino, ut sit placabilis, |
[No book] |
| [6]eo die quo fuerit immolata, comedetis eam, et die altero: quidquid autem residuum fuerit in diem tertium, igne comburetis. |
[No book] |
| [7]Si quis post biduum comederit ex ea, profanus erit, et impietatis reus: |
[No book] |
| [8]portabitque iniquitatem suam, quia sanctum Domini polluit, et peribit anima illa de populo suo. |
[No book] |
| [9]Cumque messueris segetes terræ tuæ, non tondebis usque ad solum superficiem terræ, nec remanentes spicas colliges, |
[No book] |
| [10]neque in vinea tua racemos et grana decidentia congregabis: sed pauperibus et peregrinis carpenda dimittes. Ego Dominus Deus vester. |
[No book] |
| [11]Non facietis furtum. Non mentiemini, nec decipiet unusquisque proximum suum. |
[No book] |
| [12]Non perjurabis in nomine meo, nec pollues nomen Dei tui. Ego Dominus. |
[No book] |
| [13]Non facies calumniam proximo tuo nec vi opprimes eum. Non morabitur opus mercenarii tui apud te usque mane. |
[No book] |
| [14]Non maledices surdo, nec coram cæco pones offendiculum: sed timebis Dominum Deum tuum, quia ego sum Dominus. |
[No book] |
| [15]Non facies quod iniquum est, nec injuste judicabis. Non consideres personam pauperis, nec honores vultum potentis. Juste judica proximo tuo. |
[No book] |
| [16]Non eris criminator, nec susurro in populo. Non stabis contra sanguinem proximi tui. Ego Dominus. |
[No book] |
| [17]Non oderis fratrem tuum in corde tuo, sed publice argue eum, ne habeas super illo peccatum. |
[No book] |
| [18]Non quæras ultionem, nec memor eris injuriæ civium tuorum. Diliges amicum tuum sicut teipsum. Ego Dominus. |
[No book] |
| [19]Leges meas custodite. Jumentum tuum non facies coire cum alterius generis animantibus. Agrum tuum non seres diverso semine. Veste, quæ ex duobus texta est, non indueris. |
[No book] |
| [20]Homo, si dormierit cum muliere coitu seminis, quæ sit ancilla etiam nubilis, et tamen pretio non redempta, nec libertate donata: vapulabunt ambo, et non morientur, quia non fuit libera. |
[No book] |
| [21]Pro delicto autem suo offeret Domino ad ostium tabernaculi testimonii arietem: |
[No book] |
| [22]orabitque pro eo sacerdos, et pro peccato ejus coram Domino, et repropitiabitur ei, dimitteturque peccatum. |
[No book] |
| [23]Quando ingressi fueritis terram, et plantaveritis in ea ligna pomifera, auferetis præputia eorum: poma, quæ germinant, immunda erunt vobis, nec edetis ex eis. |
[No book] |
| [24]Quarto autem anno omnis fructus eorum sanctificabitur, laudabilis Domino. |
[No book] |
| [25]Quinto autem anno comedetis fructus, congregantes poma, quæ proferunt. Ego Dominus Deus vester. |
[No book] |
| [26]Non comedetis cum sanguine. Non augurabimini, nec observabitis somnia. |
[No book] |
| [27]Neque in rotundum attondebitis comam, nec radetis barbam. |
[No book] |
| [28]Et super mortuo non incidetis carnem vestram, neque figuras aliquas aut stigmata facietis vobis. Ego Dominus. |
[No book] |
| [29]Ne prostituas filiam tuam, ne contaminetur terra et impleatur piaculo. |
[No book] |
| [30]Sabbata mea custodite, et sanctuarium meum metuite. Ego Dominus. |
[No book] |
| [31]Non declinetis ad magos, nec ab ariolis aliquid sciscitemini, ut polluamini per eos. Ego Dominus Deus vester. |
[No book] |
| [32]Coram cano capite consurge, et honora personam senis: et time Dominum Deum tuum. Ego Dominus. |
[No book] |
| [33]Si habitaverit advena in terra vestra, et moratus fuerit inter vos, non exprobretis ei: |
[No book] |
| [34]sed sit inter vos quasi indigena, et diligetis eum quasi vosmetipsos: fuistis enim et vos advenæ in terra Ægypti. Ego Dominus Deus vester. |
[No book] |
| [35]Nolite facere iniquum aliquid in judicio, in regula, in pondere, in mensura. |
[No book] |
| [36]Statera justa, et æqua sint pondera, justus modius, æquusque sextarius. Ego Dominus Deus vester, qui eduxi vos de terra Ægypti. |
[No book] |
| [37]Custodite omnia præcepta mea, et universa judicia, et facite ea. Ego Dominus. |
[No book] |