«
Aleppo Codex (~920)
Alep
Epistle to the Laodiceans (Latin)
Lao[LA]
[1]וידבר יהוה אל משה לאמר [No book]
[2]ואל בני ישראל תאמר איש איש מבני ישראל ומן הגר הגר בישראל אשר יתן מזרעו למלך מות יומת עם הארץ ירגמהו באבן [No book]
[3]ואני אתן את פני באיש ההוא והכרתי אתו מקרב עמו כי מזרעו נתן למלך־למען טמא את מקדשי ולחלל את שם קדשי [No book]
[4]ואם העלם יעלימו עם הארץ את עיניהם מן האיש ההוא בתתו מזרעו למלך־לבלתי המית אתו [No book]
[5]ושמתי אני את פני באיש ההוא ובמשפחתו והכרתי אתו ואת כל הזנים אחריו לזנות אחרי המלך־מקרב עמם [No book]
[6]והנפש אשר תפנה אל האבת ואל הידענים לזנת אחריהם־ונתתי את פני בנפש ההוא והכרתי אתו מקרב עמו [No book]
[7]והתקדשתם־והייתם קדשים כי אני יהוה אלהיכם [No book]
[8]ושמרתם את חקתי ועשיתם אתם אני יהוה מקדשכם [No book]
[9]כי איש איש אשר יקלל את אביו ואת אמו־מות יומת אביו ואמו קלל דמיו בו [No book]
[10]ואיש אשר ינאף את אשת איש אשר ינאף את אשת רעהו־מות יומת הנאף והנאפת [No book]
[11]ואיש אשר ישכב את אשת אביו־ערות אביו גלה מות יומתו שניהם דמיהם בם [No book]
[12]ואיש אשר ישכב את כלתו־מות יומתו שניהם תבל עשו דמיהם בם [No book]
[13]ואיש אשר ישכב את זכר משכבי אשה־תועבה עשו שניהם מות יומתו דמיהם בם [No book]
[14]ואיש אשר יקח את אשה ואת אמה־זמה הוא באש ישרפו אתו ואתהן ולא תהיה זמה בתוככם [No book]
[15]ואיש אשר יתן שכבתו בבהמה־מות יומת ואת הבהמה תהרגו [No book]
[16]ואשה אשר תקרב אל כל בהמה לרבעה אתה־והרגת את האשה ואת הבהמה מות יומתו דמיהם בם [No book]
[17]ואיש אשר יקח את אחתו בת אביו או בת אמו וראה את ערותה והיא תראה את ערותו חסד הוא־ונכרתו לעיני בני עמם ערות אחתו גלה עונו ישא [No book]
[18]ואיש אשר ישכב את אשה דוה וגלה את ערותה את מקרה הערה והוא גלתה את מקור דמיה־ונכרתו שניהם מקרב עמם [No book]
[19]וערות אחות אמך ואחות אביך לא תגלה כי את שארו הערה עונם ישאו [No book]
[20]ואיש אשר ישכב את דדתו־ערות דדו גלה חטאם ישאו ערירים ימתו [No book]
[21]ואיש אשר יקח את אשת אחיו־נדה הוא ערות אחיו גלה ערירים יהיו [No book]
[22]ושמרתם את כל חקתי ואת כל משפטי ועשיתם אתם ולא תקיא אתכם הארץ אשר אני מביא אתכם שמה לשבת בה [No book]
[23]ולא תלכו בחקת הגוי אשר אני משלח מפניכם כי את כל אלה עשו ואקץ בם [No book]
[24]ואמר לכם אתם תירשו את אדמתם ואני אתננה לכם לרשת אתה ארץ זבת חלב ודבש אני יהוה אלהיכם אשר הבדלתי אתכם מן העמים [No book]
[25]והבדלתם בין הבהמה הטהרה לטמאה ובין העוף הטמא לטהר ולא תשקצו את נפשתיכם בבהמה ובעוף ובכל אשר תרמש האדמה אשר הבדלתי לכם לטמא [No book]
[26]והייתם לי קדשים כי קדוש אני יהוה ואבדל אתכם מן העמים להיות לי [No book]
[27]ואיש או אשה כי יהיה בהם אוב או ידעני־מות יומתו באבן ירגמו אתם דמיהם בם [No book]
Source: unbound.biola.edu
Top