|
|
| [1]Et locutus est Dominus ad Moysen, dicens: |
[No book] |
| [2]Præcipe filiis Israël, ut afferant tibi oleum de olivis purissimum, ac lucidum, ad concinnandas lucernas jugiter, |
[No book] |
| [3]extra velum testimonii in tabernaculo fœderis. Ponetque eas Aaron a vespere usque ad mane coram Domino, cultu rituque perpetuo in generationibus vestris. |
[No book] |
| [4]Super candelabrum mundissimum ponentur semper in conspectu Domini. |
[No book] |
| [5]Accipies quoque similam, et coques ex ea duodecim panes, qui singuli habebunt duas decimas: |
[No book] |
| [6]quorum senos altrinsecus super mensam purissimam coram Domino statues: |
[No book] |
| [7]et pones super eos thus lucidissimum, ut sit panis in monimentum oblationis Domini. |
[No book] |
| [8]Per singula sabbata mutabuntur coram Domino suscepti a filiis Israël fœdere sempiterno: |
[No book] |
| [9]eruntque Aaron et filiorum ejus, ut comedant eos in loco sancto: quia Sanctum sanctorum est de sacrificiis Domini jure perpetuo. |
[No book] |
| [10]Ecce autem egressus filius mulieris Israëlitidis, quem peperat de viro ægyptio inter filios Israël, jurgatus est in castris cum viro Israëlita. |
[No book] |
| [11]Cumque blasphemasset nomen, et maledixisset ei, adductus est ad Moysen. (Vocabatur autem mater ejus Salumith, filia Dabri de tribu Dan.) |
[No book] |
| [12]Miseruntque eum in carcerem, donec nossent quid juberet Dominus. |
[No book] |
| [13]Qui locutus est ad Moysen, |
[No book] |
| [14]dicens: Educ blasphemum extra castra, et ponant omnes qui audierunt, manus suas super caput ejus, et lapidet eum populus universus. |
[No book] |
| [15]Et ad filios Israël loqueris: Homo, qui maledixerit Deo suo, portabit peccatum suum; |
[No book] |
| [16]et qui blasphemaverit nomen Domini, morte moriatur: lapidibus opprimet eum omnis multitudo, sive ille civis, sive peregrinus fuerit. Qui blasphemaverit nomen Domini, morte moriatur. |
[No book] |
| [17]Qui percusserit, et occiderit hominem, morte moriatur. |
[No book] |
| [18]Qui percusserit animal, reddet vicarium, id est, animam pro anima. |
[No book] |
| [19]Qui irrogaverit maculam cuilibet civium suorum, sicut fecit, sic fiet ei: |
[No book] |
| [20]fracturam pro fractura, oculum pro oculo, dentem pro dente restituet: qualem inflixerit maculam, talem sustinere cogetur. |
[No book] |
| [21]Qui percusserit jumentum, reddet aliud. Qui percusserit hominem, punietur. |
[No book] |
| [22]Æquum judicium sit inter vos, sive peregrinus, sive civis peccaverit: quia ego sum Dominus Deus vester. |
[No book] |
| [23]Locutusque est Moyses ad filios Israël: et eduxerunt eum, qui blasphemaverat, extra castra, ac lapidibus oppresserunt. Feceruntque filii Israël sicut præceperat Dominus Moysi. |
[No book] |