➖ »
«
➖ ➕
Vulgata Clementina (1592)
Vul
Vita Adae et Evae from "The Apocrypha and Pseudepigrapha of the Old Testament"
LOAE
←
Leviticus
Lev
27
   
[1]Locutusque est Dominus ad Moysen, dicens: [No book]
[2]Loquere filiis Israël, et dices ad eos: Homo qui votum fecerit, et spoponderit Deo animam suam, sub æstimatione dabit pretium. [No book]
[3]Si fuerit masculus a vigesimo anno usque ad sexagesimum annum, dabit quinquaginta siclos argenti ad mensuram sanctuarii: [No book]
[4]si mulier, triginta. [No book]
[5]A quinto autem anno usque ad vigesimum, masculus dabit viginti siclos: femina, decem. [No book]
[6]Ab uno mense usque ad annum quintum, pro masculo dabuntur quinque sicli: pro femina, tres. [No book]
[7]Sexagenarius et ultra masculus dabit quindecim siclos: femina, decem. [No book]
[8]Si pauper fuerit, et æstimationem reddere non valebit, stabit coram sacerdote: et quantum ille æstimaverit, et viderit eum posse reddere, tantum dabit. [No book]
[9]Animal autem, quod immolari potest Domino, si quis voverit, sanctum erit, [No book]
[10]et mutari non poterit, id est, nec melius malo, nec pejus bono: quod si mutaverit, et ipsum quod mutatum est, et illud pro quo mutatum est, consecratum erit Domino. [No book]
[11]Animal immundum, quod immolari Domino non potest, si quis voverit, adducetur ante sacerdotem: [No book]
[12]qui judicans utrum bonum an malum sit, statuet pretium. [No book]
[13]Quod si dare voluerit is qui offert, addet supra æstimationem quintam partem. [No book]
[14]Homo si voverit domum suam, et sanctificaverit Domino, considerabit eam sacerdos utrum bona an mala sit, et juxta pretium, quod ab eo fuerit constitutum, venundabitur: [No book]
[15]sin autem ille qui voverat, voluerit redimere eam, dabit quintam partem æstimationis supra, et habebit domum. [No book]
[16]Quod si agrum possessionis suæ voverit, et consecraverit Domino, juxta mensuram sementis æstimabitur pretium: si triginta modiis hordei seritur terra, quinquaginta siclis venundetur argenti. [No book]
[17]Si statim ab anno incipientis jubilæi voverit agrum, quanto valere potest, tanto æstimabitur. [No book]
[18]Sin autem post aliquantum temporis, supputabit sacerdos pecuniam juxta annorum, qui reliqui sunt, numerum usque ad jubilæum, et detrahetur ex pretio. [No book]
[19]Quod si voluerit redimere agrum ille qui voverat, addet quintam partem æstimatæ pecuniæ, et possidebit eum. [No book]
[20]Sin autem noluerit redimere, sed alteri cuilibet fuerit venundatus, ultra eum qui voverat redimere non poterit. [No book]
[21]Quia cum jubilæi venerit dies, sanctificatus erit Domino, et possessio consecrata ad jus pertinet sacerdotum. [No book]
[22]Si ager emptus est, et non de possessione majorum sanctificatus fuerit Domino, [No book]
[23]supputabit sacerdos juxta annorum numerum usque ad jubilæum, pretium: et dabit ille qui voverat eum, Domino. [No book]
[24]In jubilæo autem revertetur ad priorem dominum, qui vendiderat eum, et habuerat in sorte possessionis suæ. [No book]
[25]Omnis æstimatio siclo sanctuarii ponderabitur. Siclus viginti obolos habet. [No book]
[26]Primogenita, quæ ad Dominum pertinent, nemo sanctificare poterit et vovere: sive bos, sive ovis fuerit, Domini sunt. [No book]
[27]Quod si immundum est animal, redimet qui obtulit, juxta æstimationem tuam, et addet quintam partem pretii: si redimere noluerit, vendetur alteri quantocumque a te fuerit æstimatum. [No book]
[28]Omne quod Domino consecratur, sive homo fuerit, sive animal, sive ager, non vendetur, nec redimi poterit. Quidquid semel fuerit consecratum, Sanctum sanctorum erit Domino: [No book]
[29]et omnis consecratio, quæ offertur ab homine, non redimetur, sed morte morietur. [No book]
[30]Omnes decimæ terræ, sive de frugibus, sive de pomis arborum, Domini sunt, et illi sanctificantur. [No book]
[31]Si quis autem voluerit redimere decimas suas, addet quintam partem earum. [No book]
[32]Omnium decimarum bovis et ovis et capræ, quæ sub pastoris virga transeunt, quidquid decimum venerit, sanctificabitur Domino. [No book]
[33]Non eligetur nec bonum nec malum, nec altero commutabitur, si quis mutaverit: et quod mutatum est, et pro quo mutatum est, sanctificabitur Domino, et non redimetur. [No book]
[34]Hæc sunt præcepta, quæ mandavit Dominus Moysi ad filios Israël in monte Sinai. [No book]
Source: unbound.biola.edu
Top