Electronic Study Bible

➖ »	« ➖ ➕
Aleppo Codex (~920) Alep	The Biblical Antiquities of Philo (1917) Philo
← Leviticus Lev 3 →
[1]ואם זבח שלמים קרבנו־אם מן הבקר הוא מקריב אם זכר אם נקבה תמים יקריבנו לפני יהוה	[No book]
[2]וסמך ידו על ראש קרבנו ושחטו פתח אהל מועד וזרקו בני אהרן הכהנים את הדם על המזבח־סביב	[No book]
[3]והקריב מזבח השלמים אשה ליהוה־את החלב המכסה את הקרב ואת כל החלב אשר על הקרב	[No book]
[4]ואת שתי הכלית ואת החלב אשר עלהן אשר על הכסלים ואת היתרת על הכבד על הכליות יסירנה	[No book]
[5]והקטירו אתו בני אהרן המזבחה על העלה אשר על העצים אשר על האש־אשה ריח ניחח ליהוה	[No book]
[6]ואם מן הצאן קרבנו לזבח שלמים ליהוה־זכר או נקבה תמים יקריבנו	[No book]
[7]אם כשב הוא מקריב את קרבנו־והקריב אתו לפני יהוה	[No book]
[8]וסמך את ידו על ראש קרבנו ושחט אתו לפני אהל מועד וזרקו בני אהרן את דמו על המזבח־סביב	[No book]
[9]והקריב מזבח השלמים אשה ליהוה־חלבו האליה תמימה לעמת העצה יסירנה ואת החלב המכסה את הקרב ואת כל החלב אשר על הקרב	[No book]
[10]ואת שתי הכלית ואת החלב אשר עלהן אשר על הכסלים ואת היתרת על הכבד על הכלית יסירנה	[No book]
[11]והקטירו הכהן המזבחה־לחם אשה ליהוה	[No book]
[12]ואם עז קרבנו־והקריבו לפני יהוה	[No book]
[13]וסמך את ידו על ראשו ושחט אתו לפני אהל מועד וזרקו בני אהרן את דמו על המזבח־סביב	[No book]
[14]והקריב ממנו קרבנו אשה ליהוה־את החלב המכסה את הקרב ואת כל החלב אשר על הקרב	[No book]
[15]ואת שתי הכלית ואת החלב אשר עלהן אשר על הכסלים ואת היתרת על הכבד על הכלית יסירנה	[No book]
[16]והקטירם הכהן המזבחה־לחם אשה לריח ניחח כל חלב ליהוה	[No book]
[17]חקת עולם לדרתיכם בכל מושבתיכם־כל חלב וכל דם לא תאכלו	[No book]
Source: unbound.biola.edu	Author: Philo Translation: M. R. James (1917) Source: www.sacred-texts.com See information...