➖ »
«
➖ ➕
Aleppo Codex (~920)
Alep
The Second Book of Clement
2Clem
←
Leviticus
Lev
4
→
[1]וידבר יהוה אל משה לאמר [No book]
[2]דבר אל בני ישראל לאמר־נפש כי תחטא בשגגה מכל מצות יהוה אשר לא תעשינה ועשה מאחת מהנה [No book]
[3]אם הכהן המשיח יחטא לאשמת העם והקריב על חטאתו אשר חטא פר בן בקר תמים ליהוה־לחטאת [No book]
[4]והביא את הפר אל פתח אהל מועד־לפני יהוה וסמך את ידו על ראש הפר ושחט את הפר לפני יהוה [No book]
[5]ולקח הכהן המשיח מדם הפר והביא אתו אל אהל מועד [No book]
[6]וטבל הכהן את אצבעו בדם והזה מן הדם שבע פעמים לפני יהוה את פני פרכת הקדש [No book]
[7]ונתן הכהן מן הדם על קרנות מזבח קטרת הסמים לפני יהוה אשר באהל מועד ואת כל דם הפר ישפך אל יסוד מזבח העלה אשר פתח אהל מועד [No book]
[8]ואת כל חלב פר החטאת ירים ממנו־את החלב המכסה על הקרב ואת כל החלב אשר על הקרב [No book]
[9]ואת שתי הכלית ואת החלב אשר עליהן אשר על הכסלים ואת היתרת על הכבד על הכליות יסירנה [No book]
[10]כאשר יורם משור זבח השלמים והקטירם הכהן על מזבח העלה [No book]
[11]ואת עור הפר ואת כל בשרו על ראשו ועל כרעיו וקרבו ופרשו [No book]
[12]והוציא את כל הפר אל מחוץ למחנה אל מקום טהור אל שפך הדשן ושרף אתו על עצים באש על שפך הדשן ישרף [No book]
[13]ואם כל עדת ישראל ישגו ונעלם דבר מעיני הקהל ועשו אחת מכל מצות יהוה אשר לא תעשינה־ואשמו [No book]
[14]ונודעה החטאת אשר חטאו עליה־והקריבו הקהל פר בן בקר לחטאת והביאו אתו לפני אהל מועד [No book]
[15]וסמכו זקני העדה את ידיהם על ראש הפר־לפני יהוה ושחט את הפר לפני יהוה [No book]
[16]והביא הכהן המשיח מדם הפר אל אהל מועד [No book]
[17]וטבל הכהן אצבעו מן הדם והזה שבע פעמים לפני יהוה את פני הפרכת [No book]
[18]ומן הדם יתן על קרנת המזבח אשר לפני יהוה אשר באהל מועד ואת כל הדם ישפך אל יסוד מזבח העלה אשר פתח אהל מועד [No book]
[19]ואת כל חלבו ירים ממנו והקטיר המזבחה [No book]
[20]ועשה לפר־כאשר עשה לפר החטאת כן יעשה לו וכפר עלהם הכהן ונסלח להם [No book]
[21]והוציא את הפר אל מחוץ למחנה ושרף אתו כאשר שרף את הפר הראשון חטאת הקהל הוא [No book]
[22]אשר נשיא יחטא ועשה אחת מכל מצות יהוה אלהיו אשר לא תעשינה בשגגה־ואשם [No book]
[23]או הודע אליו חטאתו אשר חטא בה־והביא את קרבנו שעיר עזים זכר תמים [No book]
[24]וסמך ידו על ראש השעיר ושחט אתו במקום אשר ישחט את העלה לפני יהוה חטאת הוא [No book]
[25]ולקח הכהן מדם החטאת באצבעו ונתן על קרנת מזבח העלה ואת דמו ישפך אל יסוד מזבח העלה [No book]
[26]ואת כל חלבו יקטיר המזבחה כחלב זבח השלמים וכפר עליו הכהן מחטאתו ונסלח לו [No book]
[27]ואם נפש אחת תחטא בשגגה מעם הארץ בעשתה אחת ממצות יהוה אשר לא תעשינה־ואשם [No book]
[28]או הודע אליו חטאתו אשר חטא־והביא קרבנו שעירת עזים תמימה נקבה על חטאתו אשר חטא [No book]
[29]וסמך את ידו על ראש החטאת ושחט את החטאת במקום העלה [No book]
[30]ולקח הכהן מדמה באצבעו ונתן על קרנת מזבח העלה ואת כל דמה ישפך אל יסוד המזבח [No book]
[31]ואת כל חלבה יסיר כאשר הוסר חלב מעל זבח השלמים והקטיר הכהן המזבחה לריח ניחח ליהוה וכפר עליו הכהן ונסלח לו [No book]
[32]ואם כבש יביא קרבנו לחטאת־נקבה תמימה יביאנה [No book]
[33]וסמך את ידו על ראש החטאת ושחט אתה לחטאת במקום אשר ישחט את העלה [No book]
[34]ולקח הכהן מדם החטאת באצבעו ונתן על קרנת מזבח העלה ואת כל דמה ישפך אל יסוד המזבח [No book]
[35]ואת כל חלבה יסיר כאשר יוסר חלב הכשב מזבח השלמים והקטיר הכהן אתם המזבחה על אשי יהוה וכפר עליו הכהן על חטאתו אשר חטא ונסלח לו [No book]
Source: unbound.biola.edu
 Translation: Charles H. Hoole (1885)
Source: www.earlychristianwritings.com
Top