➖ »
«
➖ ➕
Aleppo Codex (~920)
Alep
The Gospel of James
GspJam
←
Leviticus
Lev
5
→
[1]ונפש כי תחטא ושמעה קול אלה והוא עד או ראה או ידע אם לוא יגיד ונשא עונו [No book]
[2]או נפש אשר תגע בכל דבר טמא או בנבלת חיה טמאה או בנבלת בהמה טמאה או בנבלת שרץ טמא ונעלם ממנו והוא טמא ואשם [No book]
[3]או כי יגע בטמאת אדם לכל טמאתו אשר יטמא בה ונעלם ממנו והוא ידע ואשם [No book]
[4]או נפש כי תשבע לבטא בשפתים להרע או להיטיב לכל אשר יבטא האדם בשבעה־ונעלם ממנו והוא ידע ואשם לאחת מאלה [No book]
[5]והיה כי יאשם לאחת מאלה והתודה־אשר חטא עליה [No book]
[6]והביא את אשמו ליהוה על חטאתו אשר חטא נקבה מן הצאן כשבה או שעירת עזים־לחטאת וכפר עליו הכהן מחטאתו [No book]
[7]ואם לא תגיע ידו די שה־והביא את אשמו אשר חטא שתי תרים או שני בני יונה ליהוה אחד לחטאת ואחד לעלה [No book]
[8]והביא אתם אל הכהן והקריב את אשר לחטאת ראשונה ומלק את ראשו ממול ערפו ולא יבדיל [No book]
[9]והזה מדם החטאת על קיר המזבח והנשאר בדם ימצה אל יסוד המזבח חטאת הוא [No book]
[10]ואת השני יעשה עלה כמשפט וכפר עליו הכהן מחטאתו אשר חטא ונסלח לו [No book]
[11]ואם לא תשיג ידו לשתי תרים או לשני בני יונה־והביא את קרבנו אשר חטא עשירת האפה סלת לחטאת לא ישים עליה שמן ולא יתן עליה לבנה־כי חטאת הוא [No book]
[12]והביאה אל הכהן וקמץ הכהן ממנה מלוא קמצו את אזכרתה והקטיר המזבחה על אשי יהוה חטאת הוא [No book]
[13]וכפר עליו הכהן על חטאתו אשר חטא מאחת מאלה־ונסלח לו והיתה לכהן כמנחה [No book]
[14]וידבר יהוה אל משה לאמר [No book]
[15]נפש כי תמעל מעל וחטאה בשגגה מקדשי יהוה והביא את אשמו ליהוה איל תמים מן הצאן בערכך כסף שקלים בשקל הקדש־לאשם [No book]
[16]ואת אשר חטא מן הקדש ישלם ואת חמישתו יוסף עליו ונתן אתו לכהן והכהן יכפר עליו באיל האשם־ונסלח לו [No book]
[17]ואם נפש כי תחטא ועשתה אחת מכל מצות יהוה אשר לא תעשינה ולא ידע ואשם ונשא עונו [No book]
[18]והביא איל תמים מן הצאן בערכך לאשם־אל הכהן וכפר עליו הכהן על שגגתו אשר שגג והוא לא ידע־ונסלח לו [No book]
[19]אשם הוא אשם אשם ליהוה [No book]
[20]וידבר יהוה אל משה לאמר [No book]
[21]נפש כי תחטא ומעלה מעל ביהוה וכחש בעמיתו בפקדון או בתשומת יד או בגזל או עשק את עמיתו [No book]
[22]או מצא אבדה וכחש בה ונשבע על שקר על אחת מכל אשר יעשה האדם־לחטא בהנה [No book]
[23]והיה כי יחטא ואשם־והשיב את הגזלה אשר גזל או את העשק אשר עשק או את הפקדון אשר הפקד אתו או את האבדה אשר מצא [No book]
[24]או מכל אשר ישבע עליו לשקר־ושלם אתו בראשו וחמשתיו יסף עליו לאשר הוא לו יתננו ביום אשמתו [No book]
[25]ואת אשמו יביא ליהוה איל תמים מן הצאן בערכך לאשם אל הכהן [No book]
[26]וכפר עליו הכהן לפני יהוה ונסלח לו על אחת מכל אשר יעשה לאשמה בה [No book]
Source: unbound.biola.edu
 Translation: M.R. James (1924)
Source: www.earlychristianwritings.com
Top