|
|
| [1]ܘܲܗܘܵܐ ܒܝܵܘܡܵܐ ܬܡܝܼܢܵܝܵܐ: ܩܪܵܐ ܡܘܼܫܹܐ ܠܐܲܗܪܘܿܢ ܘܠܲܒ݂ܢܵܘܗܝ: ܘܲܠܣܵܒܹܐ ܕܲܒ݂ܢܲܝ ܝܼܣܪܵܝܹܠ. |
[No book] |
| [2]ܘܐܸܡܲܪ ܠܐܲܗܪܘܿܢ: ܣܲܒ݂ ܠܵܟ݂ ܥܸܓ݂ܠܵܐ ܚܲܕ݂ ܒܲܪ ܒܲܩܪܵܐ ܠܲܚܛܵܗܵܐ: ܘܕܸܟ݂ܪܵܐ ܕܲܕ݂ܟܹܐ ܡܼܢ ܡܘܼܡܵܐ ܠܝܲܩܕܵܐ ܫܲܠܡܵܐ: ܘܩܲܪܸܒ ܩܕ݂ܵܡ ܡܵܪܝܵܐ. |
[No book] |
| [3]ܘܐܸܡܲܪ ܠܲܒ݂ܢܲܝ ܝܼܣܪܵܝܹܠ: ܣܲܒ݂ܘ ܠܟ݂ܘܿܢ ܨܸܦܪܵܝܵܐ ܕܥܸܙܹ̈ܐ ܠܲܚܛܵܗܵܐ: ܘܥܸܓ݂ܠܵܐ: ܘܐܸܡܪܵܐ: ܒܢܲܝ ܫܲܢ̄ܬܵܐ ܕܠܲܝܬ ܒܗܘܿܢ ܡܘܼܡܵܐ: ܠܝܲܩܕܵܐ ܕܲܥܠܵܬ݂ܵܐ. |
[No book] |
| [4]ܘܬ݂ܵܘܪܵܐ: ܘܕܸܟ݂ܪܵܐ: ܠܕܸܒ݂ܚܵܐ ܫܲܠܡܵܐ ܩܕ݂ܵܡ ܡܵܪܝܵܐ: ܘܲܣܡܝܼܕ݂ܵܐ ܕܦܝܼܠ ܒܡܸܫܚܵܐ: ܡܸܛܠ ܕܝܵܘܡܵܢܵܐ ܡܸܬ݂ܚܙܸܐ ܠܟ݂ܘܿܢ ܡܵܪܝܵܐ. |
[No book] |
| [5]ܘܲܢܣܲܒ݂ܘ ܟܠ ܡܸܕܸܿܡ ܕܦܲܩܸܕ݂ ܐܸܢܘܿܢ ܡܘܼܫܹܐ: ܘܐܸܬ݂ܵܘ ܩܕ݂ܵܡ ܡܲܫܟܲܢ ܙܲܒ݂ܢܵܐ: ܘܩܸܪܒܲܬ݂ ܟܠܵܗ ܟܢܘܼܫܬܵܐ ܘܩܵܡܘ ܩܕ݂ܵܡ ܡܵܪܝܵܐ. |
[No book] |
| [6]ܘܐܸܡܲܪ ܡܘܼܫܹܐ: ܗܵܢܵܘ ܦܸܬ݂ܓ݂ܵܡܵܐ ܕܦܲܩܸܕ݂ ܡܵܪܝܵܐ ܕܬܸܥܒܿܕ݂ܘܼܢ: ܘܢܸܬ݂ܓܿܠܸܐ ܥܠܲܝܟܿܘܿܢ ܫܘܼܒ݂ܚܹܗ ܕܡܵܪܝܵܐ. |
[No book] |
| [7]ܘܐܸܡܲܪ ܡܘܼܫܹܐ ܠܐܲܗܪܘܿܢ: ܩܪܘܿܒ݂ ܩܕ݂ܵܡ ܡܲܕ݂ܒܿܚܵܐ: ܘܩܲܪܸܒ݂ ܚܛܵܗܵܟ݂: ܘܝܲܩܕܵܟ݂ ܫܲܠܡܵܐ: ܘܚܲܣܵܐ ܥܠܲܝܟ ܘܥܲܠ ܥܲܡܵܐ: ܘܩܲܪܸܒ݂ ܩܘܼܪܒܵܢܵܐ ܕܥܲܡܵܐ: ܘܚܲܣܵܐ ܥܠܲܝܗܘܿܢ ܐܲܝܟܲܢܵܐ ܕܦܲܩܸܕ݂ ܡܵܪܝܵܐ. |
[No book] |
| [8]ܘܲܩܪܸܒ݂ ܐܲܗܪܘܿܢ ܠܘܵܬ݂ ܡܲܕ݂ܒܿܚܵܐ: ܘܲܢܟܲܣ ܥܸܓ݂ܠܵܐ ܕܲܚܛܵܗܵܐ ܕܝܼܠܹܗ. |
[No book] |
| [9]ܘܩܲܪܸܒ݂ܘ ܠܹܗ ܕܡܵܐ ܒܢܵܘܗܝ ܕܐܲܗܪܘܿܢ: ܘܲܨܒܲܥ ܨܸܒ݂ܥܹܗ ܒܲܕ݂ܡܵܐ: ܘܪܲܣ ܥܲܠ ܩܲܪܢܵܬܹܗ ܕܡܲܕ݂ܒܿܚܵܐ: ܘܲܕ݂ܡܵܐ ܐܸܫܲܕ݂ ܥܲܠ ܫܦܘܿܠܵܘܗܝ ܕܡܲܕ݂ܒܚܵܐ. |
[No book] |
| [10]ܘܬܲܪܒܵܐ ܘܟ݂ܘܼܠܝܵܬ݂ܵܐ ܘܲܚܨܵܪ ܟܲܒ݂ܕܵܐ ܡܼܢ ܚܛܵܗܵܐ ܐܲܣܸܩ ܠܡܲܕ݂ܒܚܵܐ: ܐܲܝܟ݂ ܕܦܲܩܸܕ݂ ܡܵܪܝܵܐ ܠܡܘܼܫܹܐ. |
[No book] |
| [11]ܘܒܸܣܪܵܐ ܘܡܸܫܟܵܐ ܐܵܘܩܸܕ݂ ܒܢܘܼܪܵܐ ܠܒܲܪ ܡܼܢ ܡܲܫܪܝܼܬ݂ܵܐ. |
[No book] |
| [12]ܘܲܢܟܲܣ ܝܲܩܕܵܐ ܫܲܠܡܵܐ: ܘܡܲܛܝܼܘ ܠܹܗ ܕܡܵܐ ܒܢܲܝ ܐܲܗܪܘܿܢ: ܘܪܲܣܹܗ ܥܲܠ ܡܲܕ݂ܒܚܵܐ ܟܲܕ݂ ܚܵܕܲܪ. |
[No book] |
| [13]ܘܝܲܩܕܵܐ ܫܲܠܡܵܐ ܡܲܛܝܼܘ ܠܹܗ: ܘܦܲܫܚܹܗ ܗܲܕܵܡ ܗܲܕܵܡ: ܘܪܹܫܵܐ ܐܲܣܸܩ ܠܡܲܕ݂ܒܚܵܐ. |
[No book] |
| [14]ܘܐܲܫܝܼܓ݂ ܓܘܵܝܵܐ ܘܲܟ݂ܪܵܥܵܐ: ܘܐܲܣܸܩ ܝܲܩܕܵܐ ܫܲܠܡܵܐ ܥܲܠ ܡܲܕ݂ܒܚܵܐ. |
[No book] |
| [15]ܘܩܲܪܸܒ݂ ܩܘܼܪܒܵܢܵܐ ܕܥܲܡܵܐ: ܘܲܢܣܲܒ݂ ܨܸܦܪܵܝܵܐ ܕܲܚܛܵܗܵܐ ܕܥܲܡܵܐ: ܘܢܲܟ݂ܣܹܗ: ܘܕܲܟ݂ܝܹܗ: ܐܲܝܟ݂ ܩܲܕ݂ܡܵܝܵܐ. |
[No book] |
| [16]ܘܩܲܪܸܒ݂ ܝܲܩܕܵܐ ܫܲܠܡܵܐ: ܘܥܲܒܕܹܿܗ ܐܲܝܟ݂ ܙܸܕ݂ܩܹܗ. |
[No book] |
| [17]ܘܩܲܪܸܒ݂ ܣܡܝܼܕ݂ܵܐ: ܘܲܡܠܵܐ ܐܝܼܕܹܗ ܡܸܢܹܗ ܘܐܲܣܸܩ ܥܲܠ ܡܲܕ݂ܒܚܵܐ: ܠܒܲܪ ܡܼܢ ܝܲܩܕܵܐ ܫܲܠܡܵܐ ܕܨܸܦܪܵܝܵܐ. |
[No book] |
| [18]ܘܲܢܟܲܣ ܠܬ݂ܵܘܪܵܐ: ܘܲܠܕܸܟ݂ܪܵܐ: ܕܸܒ݂ܚܵܐ ܫܲܠܡܵܐ ܕܥܲܡܵܐ: ܘܡܲܛܝܼܘ ܠܹܗ ܒ̈ܢܲܝ ܐܲܗܪܘܿܢ ܕܡܵܐ: ܘܪܲܣܹܗ ܥܲܠ ܡܲܕ݂ܒܚܵܐ ܟܲܕ݂ ܚܵܕܲܪ. |
[No book] |
| [19]ܘܬܲܪܒܵܐ ܕܬ݂ܵܘܪܵܐ: ܘܲܕܿܕܸܟ݂ܪܵܐ: ܘܐܲܠܝܼܬ݂ܵܐ: ܘܲܩܪܵܡܵܐ ܕܲܓ݂ܘܵܝܵܐ: ܘܟ݂ܘܼܠܝܵܬ݂ܵܐ: ܘܲܚܨܵܪ ܟܲܒ݂ܕܵܐ. |
[No book] |
| [20]ܘܣܵܡ ܬܲܪܒܵܐ ܥܲܠ ܚܕ݂ܵܘܵܬ݂ܵܐ: ܘܐܲܣܸܩ ܬܲܪܒܵܐ ܠܡܲܕ݂ܒܚܵܐ. |
[No book] |
| [21]ܘܲܚܕ݂ܵܘܵܬ݂ܵܐ ܘܫܵܩܵܐ ܕܝܲܡܝܼܢܵܐ: ܦܪܲܫ ܐܲܗܪܘܿܢ ܦܘܼܪܫܵܢܵܐ ܩܕ݂ܵܡ ܡܵܪܝܵܐ ܐܲܝܟ݂ ܕܐܸܬ݂ܦܲܩܲܕ ܡܘܼܫܹܐ. |
[No book] |
| [22]ܘܐܲܪܝܼܡ ܐܲܗܪܘܿܢ ܐܝܼܕ݂ܵܘܗܝ ܥܲܠ ܥܲܡܵܐ: ܘܒܲܪܸܟ݂ ܐܸܢܘܿܢ: ܘܲܢܚܸܬ݂ ܟܲܕ݂ ܩܲܪܸܒ ܚܛܵܗܵܐ: ܘܝܲܩܕܵܐ ܫܲܠܡܵܐ: ܘܕܸܒ݂ܚܵܐ ܫܲܠܡܵܐ. |
[No book] |
| [23]ܘܥܲܠܘ ܡܘܼܫܹܐ ܘܐܲܗܪܘܿܢ ܠܡܲܫܟܲܢ ܙܲܒ݂ܢܵܐ: ܘܲܢܦܲܩܘ ܒܲܪܟ݂ܘܼܗܝ ܠܥܲܡܵܐ: ܘܐܸܬ݂ܓܿܠܝܼ ܫܘܼܒ݂ܚܹܗ ܕܡܵܪܝܵܐ ܩܕ݂ܵܡ ܟܠܹܗ ܥܲܡܵܐ. |
[No book] |
| [24]ܘܢܸܦܩܲܬ݂ ܢܘܼܪܵܐ ܡܼܢ ܩܕ݂ܵܡ ܡܵܪܝܵܐ: ܘܐܸܟ݂ܠܲܬ݂ ܥܲܠ ܡܲܕ݂ܒܚܵܐ: ܬܲܪܒܵܐ: ܘܝܲܩܕܵܐ ܫܲܠܡܵܐ: ܘܲܚܙܵܐ ܟܠܹܗ ܥܲܡܵܐ ܘܫܲܒܲܚܘ: ܘܲܢܦܲܠܘ ܥܲܠ ܐܲܦܲܝܗܘܿܢ. |
[No book] |