|
|
| [1]Facto autem octavo die, vocavit Moyses Aaron, et filios ejus, ac majores natu Israël, dixitque ad Aaron: |
[No book] |
| [2]Tolle de armento vitulum pro peccato, et arietem in holocaustum, utrumque immaculatum, et offer illos coram Domino. |
[No book] |
| [3]Et ad filios Israël loqueris: Tollite hircum pro peccato, et vitulum, atque agnum, anniculos, et sine macula in holocaustum, |
[No book] |
| [4]bovem et arietem pro pacificis: et immolate eos coram Domino, in sacrificio singulorum similam conspersam oleo offerentes: hodie enim Dominus apparebit vobis. |
[No book] |
| [5]Tulerunt ergo cuncta quæ jusserat Moyses ad ostium tabernaculi: ubi cum omnis multitudo astaret, |
[No book] |
| [6]ait Moyses: Iste est sermo, quem præcepit Dominus: facite, et apparebit vobis gloria ejus. |
[No book] |
| [7]Et dixit ad Aaron: Accede ad altare, et immola pro peccato tuo: offer holocaustum, et deprecare pro te et pro populo: cumque mactaveris hostiam populi, ora pro eo, sicut præcepit Dominus. |
[No book] |
| [8]Statimque Aaron accedens ad altare, immolavit vitulum pro peccato suo: |
[No book] |
| [9]cujus sanguinem obtulerunt ei filii sui: in quo tingens digitum, tetigit cornua altaris, et fudit residuum ad basim ejus. |
[No book] |
| [10]Adipemque, et renunculos, ac reticulum jecoris, quæ sunt pro peccato, adolevit super altare, sicut præceperat Dominus Moysi: |
[No book] |
| [11]carnes vero et pellem ejus extra castra combussit igni. |
[No book] |
| [12]Immolavit et holocausti victimam: obtuleruntque ei filii sui sanguinem ejus, quem fudit per altaris circuitum. |
[No book] |
| [13]Ipsam etiam hostiam in frusta concisam, cum capite et membris singulis obtulerunt; quæ omnia super altare cremavit igni, |
[No book] |
| [14]lotis aqua prius intestinis et pedibus. |
[No book] |
| [15]Et pro peccato populi offerens, mactavit hircum: expiatoque altari, |
[No book] |
| [16]fecit holocaustum, |
[No book] |
| [17]addens in sacrificio libamenta, quæ pariter offeruntur, et adolens ea super altare, absque cæremoniis holocausti matutini. |
[No book] |
| [18]Immolavit et bovem atque arietem, hostias pacificas populi: obtuleruntque ei filii sui sanguinem, quem fudit super altare in circuitum. |
[No book] |
| [19]Adipem autem bovis, et caudam arietis, renunculosque cum adipibus suis, et reticulum jecoris, |
[No book] |
| [20]posuerunt super pectora: cumque cremati essent adipes super altare, |
[No book] |
| [21]pectora eorum, et armos dextros separavit Aaron, elevans coram Domino, sicut præceperat Moyses. |
[No book] |
| [22]Et extendens manus ad populum, benedixit ei. Sicque completis hostiis pro peccato, et holocaustis, et pacificis, descendit. |
[No book] |
| [23]Ingressi autem Moyses et Aaron in tabernaculum testimonii, et deinceps egressi, benedixerunt populo. Apparuitque gloria Domini omni multitudini: |
[No book] |
| [24]et ecce egressus ignis a Domino, devoravit holocaustum, et adipes qui erant super altare. Quod cum vidissent turbæ, laudaverunt Dominum, ruentes in facies suas. |
[No book] |