➕
←
Luke
Luk
12
→
[1]וכד אתכנשׁו רבותא דכנשׁא סגיאא איכנא דנדישׁונ חד לחד שׁרי ישׁוע למאמר לתלמידוהי לוקדמ אזדהרו בנפשׁכונ מנ חמירא דפרישׁא דאיתוהי מסב באפא [2]לית דינ מדמ דכסא דלא נתגלא ולא דמטשׁי דלא נתידע [3]כל גיר דבחשׁוכא אמרתונ בנהירא נשׁתמע ומדמ דבתונא באדנא לחשׁתונ על אגרא נתכרז [4]אמר אנא לכונ דינ לרחמי לא תדחלונ מנ אילינ דקטלינ פגרא ומנ בתרכנ לית להונ מדמ יתיר למעבד [5]אחויכונ דינ מנ מנ תדחלונ מנ הו דמנ בתר דקטל שׁליט למרמיו בגהנא אינ אמר אנא לכונ דמנ הנא דחלו [6]לא חמשׁ צפרינ מזדבננ בתרינ אסרינ וחדא מנהינ לא טעיא קדמ אלהא [7]דילכונ דינ אפ מנא דסערא דרשׁכונ כלהינ מנינ אנינ לא הכיל תדחלונ דמנ סוגאא דצפרא מיתרינ אנתונ [8]אמר אנא לכונ דינ דכל דנודא בי קדמ בנינשׁא אפ ברה דאנשׁא נודא בה קדמ מלאכוהי דאלהא [9]אינא דינ דכפר בי קדמ בנינשׁא נתכפר בה קדמ מלאכוהי דאלהא [10]וכל דנאמר מלתא על ברה דאנשׁא נשׁתבק לה מנ דעל רוחא דינ דקודשׁא נגדפ לא נשׁתבק לה [11]מא דמקרבינ לכונ דינ לכנושׁתא קדמ רשׁא ושׁליטנא לא תאצפונ איכנא תפקונ רוחא או מנא תאמרונ [12]רוחא גיר דקודשׁא נלפכונ בהי שׁעתא מדמ דולא דתאמרונ [13]אמר לה דינ אנשׁ מנ הו כנשׁא מלפנא אמר לאחי פלג עמי ירתותא [14]ישׁוע דינ אמר לה גברא מנו אקימני עליכונ דינא ומפלגנא [15]ואמר לתלמידוהי אזדהרו מנ כלה יענותא מטל דלא הוא ביתירותא דנכסא אית חיא [16]ואמר מתלא לותהונ גברא חד עתירא אעלת לה ארעה עללתא סגיאתא [17]ומתחשׁב הוא בנפשׁה ואמר מנא אעבד דלית לי איכא דאחמול עללתי [18]ואמר הדא אעבד אסתור בית קפסי ואבנא ואורב אנונ ואחמול תמנ כלה עבורי וטבתי [19]ואמר לנפשׁי נפשׁי אית לכי טבתא סגיאתא דסימנ לשׁניא סגיאתא אתתניחי אכולי אשׁתי אתבסמי [20]אמר לה דינ אלהא חסיר רעינא בהנא לליא נפשׁכ תבעינ לה מנכ והלינ דטיבת למנ נהוינ [21]הכנא הו מנ דסאמ לה סימתא ובאלהא לא עתיר [22]ואמר לתלמידוהי מטל הנא לכונ אמר אנא לא תאצפונ לנפשׁכונ מנא תאכלונ ולא לפגרכונ מנא תלבשׁונ [23]נפשׁא גיר יתירא מנ סיברתא ופגרא מנ לבושׁא [24]אתבקו בנעבא דלא זרעינ ולא חצדינ ולית להונ תונא ובית קפסא ואלהא מתרסא להונ כמא הכיל אנתונ יתירינ אנתונ מנ פרחתא [25]אינא דינ מנכונ כד יצפ משׁכח למוספו על קומתה אמתא חדא [26]אנ דינ אפ לא זעורתא משׁכחינ אנתונ מנא על שׁרכא יצפינ אנתונ [27]אתבקו בשׁושׁנא איכנא רבינ דלא לאינ ולא עזלנ אמר אנא לכונ דינ דאפ לא שׁלימונ בכלה שׁובחה אתכסי איכ חדא מנ הלינ [28]אנ דינ לעמירא דיומנא איתוהי בחקלא ומחר נפל בתנורא אלהא הכנא מלבשׁ כמא יתיר לכונ זעורי הימנותא [29]ואנתונ לא תבעונ מנא תאכלונ ומנא תשׁתונ ולא נפהא רעינכונ בהלינ [30]הלינ גיר כלהינ עממא הו דעלמא בעינ אפ לכונ דינ אבוכונ ידע דמתבעינ לכונ הלינ [31]ברמ בעו מלכותה דאלהא והלינ כלהינ מתתוספנ לכונ [32]לא תדחל גזרא זעורא דצבא אבוכונ דנתל לכונ מלכותא [33]זבנו קנינכונ והבו זדקתא עבדו לכונ כיסא דלא בלינ וסימתא דלא גיזא בשׁמיא איכא דגנבא לא קרב וססא לא מחבל [34]איכא גיר דאיתיה סימתכונ תמנ נהוא אפ לבכונ [35]נהוונ אסירינ חציכונ ומנהרינ שׁרגיכונ [36]והוו דמינ לאנשׁא דמסכינ למרהונ דאמתי נפנא מנ בית משׁתותא דמא דאתא ונקשׁ מחדא נפתחונ לה [37]טוביהונ לעבדא הנונ אילינ דנאתא מרהונ ונשׁכח אנונ כד עירינ אמינ אמר אנא לכונ דנאסור חצוהי ונסמכ אנונ ונעבר נשׁמשׁ אנונ [38]ואנ במטרתא דתרתינ או דתלת נאתא ונשׁכח הכנא טוביהונ לעבדא הנונ [39]הדא דינ דעו דאלו ידע הוא מרא ביתא באידא מטרתא אתא גנבא מתתעיר הוא ולא שׁבק הוא דנתפלשׁ ביתה [40]אפ אנתונ הכיל הוו מטיבא דבהי שׁעתא דלא סברינ אנתונ אתא ברה דאנשׁא [41]אמר לה שׁמעונ כאפא מרנ לותנ אמר אנת לה למתלא הנא או אפ לות כלנשׁ [42]אמר לה ישׁוע מנו כי אית רביתא מהימנא וחכימא דנקימיוהי מרה על תשׁמשׁתה דנתל פרסא בזבנה [43]טובוהי להו עבדא דנאתא מרה נשׁכחיוהי דעבד הכנא [44]שׁריראית אמר אנא לכונ דנקימיוהי על כלה קנינה [45]אנ דינ נאמר עבדא הו בלבה דמרי מוחר למאתא ונשׁרא לממחא לעבדא ולאמהתא דמרה ונשׁרא למלעס ולמשׁתא ולמרוא [46]נאתא מרה דעבדא הו ביומא דלא סבר ובשׁעתא דלא ידע ונפלגיוהי ונסימ מנתה עמ הנונ דלא מהימנינ [47]עבדא דינ אינא דידע צבינא דמרה ולא טיב לה איכ צבינה נבלע סגיאתא [48]הו דינ דלא ידע ועבד מדמ דשׁוא למחותא נבלע מחותא זעוריתא כל גיר דאתיהב לה סגי סגי נתתבע מנה ולהו דאגעלו לה סגי יתיראית נתבעונ באידה [49]נורא אתית דארמא בארעא וצבא אנא אלו מנ כדו חבת [50]ומעמודיתא אית לי דאעמד וסגי אליץ אנא עדמא דתשׁתמלא [51]סברינ אנתונ דשׁינא אתית דארמא בארעא אמר אנא לכונ דלא אלא פלגותא [52]מנ השׁא גיר נהוונ חמשׁא בביתא חד דפליגינ תלתא על תרינ ותרינ על תלתא [53]נתפלג גיר אבא על ברה וברא על אבוהי אמא על ברתה וברתא על אמה חמתא על כלתה וכלתא על חמתה [54]ואמר לכנשׁא מא דחזיתונ עננא דדנחא מנ מערבא מחדא אמרינ אנתונ מטרא אתא והוא הכנא [55]ומא דנשׁבא תימנא אמרינ אנתונ חומא הוא והוא [56]נסבי באפא פרצופא דארעא ודשׁמיא ידעינ אנתונ דתפרשׁונ זבנא דינ הנא איכנא לא פרשׁינ אנתונ [57]למנא דינ מנ נפשׁכונ לא דינינ אנתונ קושׁתא [58]מא גיר דאזל אנת עמ בעלדינכ לות ארכונא עד באורחא אנת הב תאגורתא ותתפרק מנה דלמא נובלכ לות דינא ודינא נשׁלמכ לגביא וגביא נרמיכ בית אסירא [59]ואמר אנא לכ דלא תפוק מנ תמנ עדמא דתתל שׁמונא אחריא
 
Top