|
|
| [1]Et factum est deinceps, et ipse iter faciebat per civitates, et castella prædicans, et evangelizans regnum Dei: et duodecim cum illo, |
[No book] |
| [2]et mulieres aliquæ, quæ erant curatæ a spiritibus malignis et infirmatibus: Maria, quæ vocatur Magdalene, de qua septem dæmonia exierant, |
[No book] |
| [3]et Joanna uxor Chusæ procuratoris Herodis, et Susanna, et aliæ multæ, quæ ministrabant ei de facultatibus suis. |
[No book] |
| [4]Cum autem turba plurima convenirent, et de civitatibus properarent ad eum, dixit per similitudinem: |
[No book] |
| [5]Exiit qui seminat, seminare semen suum. Et dum seminat, aliud cecidit secus viam, et conculcatum est, et volucres cæli comederunt illud. |
[No book] |
| [6]Et aliud cecidit supra petrum: et natum aruit, quia non habebat humorem. |
[No book] |
| [7]Et aliud cecidit inter spinas, et simul exortæ spinæ suffocaverunt illud. |
[No book] |
| [8]Et aliud cecidit in terram bonam: et ortum fecit fructum centuplum. Hæc dicens clamabat: Qui habet aures audiendi, audiat. |
[No book] |
| [9]Interrogabant autem eum discipuli ejus, quæ esset hæc parabola. |
[No book] |
| [10]Quibus ipse dixit: Vobis datum est nosse mysterium regni Dei, ceteris autem in parabolis: ut videntes non videant, et audientes non intelligant. |
[No book] |
| [11]Est autem hæc parabola: Semen est verbum Domini. |
[No book] |
| [12]Qui autem secus viam, hi sunt qui audiunt: deinde venit diabolus, et tollit verbum de corde eorum, ne credentes salvi fiant. |
[No book] |
| [13]Nam qui supra petram, qui cum audierint, cum gaudio suscipiunt verbum: et hi radices non habent: qui ad tempus credunt, et in tempore tentationis recedunt. |
[No book] |
| [14]Quod autem in spinas cecidit: hi sunt qui audierunt, et a sollicitudinibus, et divitiis, et voluptatibus vitæ euntes, suffocantur, et non referunt fructum. |
[No book] |
| [15]Quod autem in bonam terram: hi sunt qui in corde bono et optimo audientes verbum retinent, et fructum afferunt in patientia. |
[No book] |
| [16]Nemo autem lucernam accendens, operit eam vase, aut subtus lectum ponit: sed supra candelabrum ponit, ut intrantes videant lumen. |
[No book] |
| [17]Non est enim occultum, quod non manifestetur: nec absconditum, quod non cognoscatur, et in palam veniat. |
[No book] |
| [18]Videte ergo quomodo audiatis? Qui enim habet, dabitur illi: et quicumque non habet, etiam quod putat se habere, auferetur ab illo. |
[No book] |
| [19]Venerunt autem ad illum mater et fratres ejus, et non poterant adire eum præ turba. |
[No book] |
| [20]Et nuntiatum est illi: Mater tua et fratres tui stant foris, volentes te videre. |
[No book] |
| [21]Qui respondens, dixit ad eos: Mater mea et fratres mei hi sunt, qui verbum Dei audiunt et faciunt. |
[No book] |
| [22]Factum est autem in una dierum: et ipse ascendit in naviculam, et discipuli ejus, et ait ad illos: Transfretemus trans stagnum. Et ascenderunt. |
[No book] |
| [23]Et navigantibus illis, obdormivit, et descendit procella venti in stagnum, et complebantur, et periclitabantur. |
[No book] |
| [24]Accedentes autem suscitaverunt eum, dicentes: Præceptor, perimus. At ille surgens, increpavit ventum, et tempestatem aquæ, et cessavit: et facta est tranquillitas. |
[No book] |
| [25]Dixit autem illis: Ubi est fides vestra? Qui timentes, mirati sunt ad invicem, dicentes: Quis putas hic est, quia et ventis, et mari imperat, et obediunt ei? |
[No book] |
| [26]Et navigaverunt ad regionem Gerasenorum, quæ est contra Galilæam. |
[No book] |
| [27]Et cum egressus esset ad terram, occurrit illi vir quidam, qui habebat dæmonium jam temporibus multis, et vestimento non induebatur, neque in domo manebat, sed in monumentis. |
[No book] |
| [28]Is, ut vidit Jesum, procidit ante illum: et exclamans voce magna, dixit: Quid mihi et tibi est, Jesu Fili Dei Altissimi? obsecro te, ne me torqueas. |
[No book] |
| [29]Præcipiebat enim spiritui immundo ut exiret ab homine. Multis enim temporibus arripiebat illum, et vinciebatur catenis, et compedibus custoditus. Et ruptis vinculis agebatur a dæmonio in deserta. |
[No book] |
| [30]Interrogavit autem illum Jesus, dicens: Quod tibi nomen est? At ille dixit: Legio: quia intraverant dæmonia multa in eum. |
[No book] |
| [31]Et rogabant illum ne imperaret illis ut in abyssum irent. |
[No book] |
| [32]Erat autem ibi grex porcorum multorum pascentium in monte: et rogabant eum, ut permitteret eis in illos ingredi. Et permisit illis. |
[No book] |
| [33]Exierunt ergo dæmonia ab homine, et intraverunt in porcos: et impetu abiit grex per præceps in stagnum, et suffocatus est. |
[No book] |
| [34]Quod ut viderunt factum qui pascebant, fugerunt, et nuntiaverunt in civitatem et in villas. |
[No book] |
| [35]Exierunt autem videre quod factum est, et venerunt ad Jesum, et invenerunt hominem sedentem, a quo dæmonia exierant, vestitum ac sana mente, ad pedes ejus, et timuerunt. |
[No book] |
| [36]Nuntiaverunt autem illis et qui viderant, quomodo sanus factus esset a legione: |
[No book] |
| [37]et rogaverunt illum omnis multitudo regionis Gerasenorum ut discederet ab ipsis: quia magno timore tenebantur. Ipse autem ascendens navim, reversus est. |
[No book] |
| [38]Et rogabat illum vir, a quo dæmonia exierant, ut cum eo esset. Dimisit autem eum Jesus, dicens: |
[No book] |
| [39]Redi in domum tuam, et narra quanta tibi fecit Deus. Et abiit per universam civitatem, prædicans quanta illi fecisset Jesus. |
[No book] |
| [40]Factum est autem cum rediisset Jesus, excepit illum turba: erunt enim omnes exspectantes eum. |
[No book] |
| [41]Et ecce venit vir, cui nomen Jairus, et ipse princeps synagogæ erat: et cecidit ad pedes Jesu, rogans eum ut intraret in domum ejus, |
[No book] |
| [42]quia unica filia erat ei fere annorum duodecim, et hæc moriebatur. Et contigit, dum iret, a turba comprimebatur. |
[No book] |
| [43]Et mulier quædam erat in fluxu sanguinis ab annis duodecim, quæ in medicos erogaverat omnem substantiam suam, nec ab ullo potuit curari: |
[No book] |
| [44]accessit retro, et tetigit fimbriam vestimenti ejus: et confestim stetit fluxus sanguinis ejus. |
[No book] |
| [45]Et ait Jesus: Quis est, qui me tetigit? Negantibus autem omnibus, dixit Petrus, et qui cum illo erant: Præceptor, turbæ te comprimunt, et affligunt, et dicis: Quis me tetigit? |
[No book] |
| [46]Et dicit Jesus: Tetigit me aliquis: nam ego novi virtutem de me exiisse. |
[No book] |
| [47]Videns autem mulier, quia non latuit, tremens venit, et procidit ante pedes ejus: et ob quam causam tetigerit eum, indicavit coram omni populo: et quemadmodum confestim sanata sit. |
[No book] |
| [48]At ipse dixit ei: Filia, fides tua salvam te fecit: vade in pace. |
[No book] |
| [49]Adhuc illo loquente, venit quidam ad principem synagogæ, dicens ei: Quia mortua est filia tua, noli vexare illum. |
[No book] |
| [50]Jesus autem, audito hoc verbo, respondit patri puellæ: Noli timere, crede tantum, et salva erit. |
[No book] |
| [51]Et cum venisset domum, non permisit intrare secum quemquam, nisi Petrum, et Jacobum, et Joannem, et patrem, et matrem puellæ. |
[No book] |
| [52]Flebant autem omnes, et plangebant illam. At ille dixit: Nolite flere: non est mortua puella, sed dormit. |
[No book] |
| [53]Et deridebant eum, scientes quod mortua esset. |
[No book] |
| [54]Ipse autem tenens manum ejus clamavit, dicens: Puella, surge. |
[No book] |
| [55]Et reversus est spiritus ejus, et surrexit continuo. Et jussit illi dari manducare. |
[No book] |
| [56]Et stupuerunt parentes ejus, quibus præcepit ne alicui dicerent quod factum erat. |
[No book] |