|
|
| [1]ܡܸܟܹ̇ܝܠ ܦܘܼܩܕܵܢܵܐ ܗܵܢܵܐ ܥܠܲܝܟ̇ܘܿܢ ܗ̄ܘܼ ܟܵܗ̈ܢܹܐ. |
[No book] |
| [2]ܐܸܢ ܠܵܐ ܬܸܫ̱ܡܥܘܼܢ ܘܐܸܢ ܠܵܐ ܬܣܝܼܡܘܼܢ ܒܠܸܒ̇ܟ݂ܘܿܢ: ܠܡܸܬܲܠ ܐܝܼܩܵܪܵܐ ܠܫܹܡܝ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ: ܐܹܫܲܕܲܪ ܥܠܲܝܟ̇ܘܿܢ ܠܵܘ̈ܛܵܬ̣ܵܐ: ܘܐܹܠܘܼܛ ܒܘܼܪ̈ܟܵܬ̣ܟ݂ܘܿܢ: ܡܸܛܠ ܕܠܵܐ ܣܵܝܡ̇ܝܼܬ̇ܘܿܢ ܒܠܸܒ̇ܟ݂ܘܿܢ. |
[No book] |
| [3]ܗܵܐ ܓܵܥܲܪ ܐ̄ܢܵܐ ܒܙܲܪܥܵܐ ܕܐܲܪܥܵܐ: ܘܐܸܕ݂ܪܸܐ ܦܸܪܬܲܐ ܥܲܠ ܐܲܦܲܝ̈ܟ̇ܘܿܢ: ܘܦܸܪܬ̣ܵܐ ܥܲܠ ܥܲܕ݂ܥܹܕܲܝ̈ܟ̇ܘܿܢ: ܘܐܸܫܩܘܿܠܟ݂ܘܿܢ ܒܵܗ̇. |
[No book] |
| [4]ܘܬܸܕ̇ܥܘܼܢ ܕܫܲܕ̇ܪܹܬ̣ ܠܟ݂ܘܿܢ ܦܘܼܩܕܵܢܵܐ ܗܵܢܵܐ: ܕܬܸܗܘܹܐ ܕܝܵܬܹܩܹܐ ܥܲܡ ܠܹܘܝܼ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ. |
[No book] |
| [5]ܩܝܵܡܝ ܗܘ̤ܵܐ ܥܲܡܹܗ: ܚܲܝܹ̈ܐ ܘܲܫܠܵܡܵܐ ܝܸܗ̄ܒܹ̇ܬ̣ ܐܸܢܘܿܢ ܠܹܗ: ܕܸܚ̱ܠܬ̣ܵܐ ܕܚܸܠ̣ ܡܹܢܝ: ܘܡ̣ܢ ܩܕ݂ܵܡ ܫܹܡܝ ܙܵܐܲܥ̇ ܗ̄ܘܼܵܐ. |
[No book] |
| [6]ܢܵܡܘܿܣܵܐ ܕܩܘܼܫܬܵܐ ܗܘ̤ܵܐ ܒܦܘܼܡܹܗ: ܘܥܵܘܼܠܵܐ ܠܵܐ ܐܸܫܬ̇ܟܲܚ ܒܣܸܦ̈ܘܵܬܹܗ: ܒܲܫܠܵܡܵܐ ܘܒܲܬ̣ܪܝܼܨܘܼܬ̣ܵܐ ܗܲܠܸܟ݂ ܥܲܡܝ: ܘܣܲܓ̇ܝܼ̈ܐܹܐ ܐܲܗܦܸܟ݂ ܡ̣ܢ ܥܵܘܼܠܵܐ. |
[No book] |
| [7]ܡܸܛܠ ܕܣܸܦ̈ܘܵܬܹܗ ܕܟ݂ܵܗܢܵܐ ܢܸܛܪ̈ܵܢ ܝܑܼܕܲܥܬ̣ܵܐ: ܘܢܵܡܘܿܣܵܐ ܫܵܐ̇ܠܝܼܢ ܡ̣ܢ ܦܘܼܡܹܗ: ܡܸܛܠ ܕܡܲܠܲܐܟܹܗ ܗ̄ܘܼ ܕܡܵܪܝܵܐ ܚܲܝܠܬ̣ܵܢܵܐ. |
[No book] |
| [8]ܐܲܢ̄ܬ̇ܘܿܢ ܕܹܝܢ ܣܛܲܝܬ̇ܘܿܢ ܡ̣ܢ ܐܘܼܪܚܵܐ: ܘܐܲܟ݂ܫܸܠܬ̇ܘܿܢ ܠܣܲܓ̇ܝܼ̈ܐܹܐ ܡ̣ܢ ܢܵܡܘܿܣܵܐ: ܘܚܲܒܸ̇ܠ̣ܬ̇ܘܿܢ ܩܝܵܡܵܐ ܕܠܹܘܝܼ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ. |
[No book] |
| [9]ܐܵܦ ܐܸܢܵܐ ܝܲܗ̄ܒ̣ܬ̇ܟ݂ܘܿܢ ܫܝܼܛܝܼܢ ܘܡܲܟ̇ܝܼܟ݂ܝܼܢ ܒܟ݂ܠ ܥܲܡ: ܥܲܠ ܕܠܵܐ ܢܛܲܪܬ̇ܘܿܢ ܐܘܼܪ̈ܚܵܬ̣ܝ: ܘܲܢ̣ܣܲܒ̣ܬ̇ܘܿܢ ܒܐܲܦܹ̈ܐ ܒܢܵܡܘܿܣܵܐ. |
[No book] |
| [10]ܕܲܠܡܵܐ ܠܵܐ ܗ̄ܘܼܵܐ ܚܲܕ݂ ܐܲܒ̣ܵܐ ܠܟ݂ܠܲܢ: ܐܵܘ ܠܵܐ ܗ̄ܘܼܵܐ ܚܲܕ݂ ܐܲܠܵܗܵܐ ܒܪܵܢ: ܠܡܵܢܵܐ ܡܕܲܓ̇ܠܝܼܢܲܢ ܓܒܲܪ ܒܐܲܚܘܼܗܝ: ܘܲܡܛܲܢܦܝܼܢܲܢ ܩܝܵܡܵܐ ܕܐܲܒ̣ܵܗܲܝ̈ܢ. |
[No book] |
| [11]ܕܲܓܸ̇ܠ̣ ܝܑܼܗܘܼܕ݂ܵܐ: ܘܛܲܢܦܘܼܬ̣ܵܐ ܐܸܬ̣ܥܲܒ̣ܕܲܬ̣ ܒܝܼܣܪܵܝܹܠ: ܘܒ̣ܐܘܿܪܸܫܠܸܡ: ܡܸܛܠ ܕܛܲܢܸܦ ܝܑܼܗܘܼܕ݂ܵܐ ܩܘܼܕ݂ܫܹܗ ܕܡܵܪܝܵܐ ܚܲܝܠܬ̣ܵܢܵܐ: ܘܲܪܚܸܡ ܘܲܦ̣ܠܲܚ ܠܐܲܠܵܗܹ̈ܐ ܢܘܼܟ݂ܪ̈ܵܝܹܐ. |
[No book] |
| [12]ܢܵܘܒܸ̇ܕ݂ ܡܵܪܝܵܐ ܠܓܲܒ̣ܪܵܐ ܕܢܸܥܒܸ̇ܕ݂ ܗܵܕܹܐ: ܘܠܲܒ̣ܪܹܗ ܘܲܠܒܲܪ ܒܪܹܗ ܡ̣ܢ ܡܲܫܟ̇ܢܹܗ ܕܝܲܥܩܘܿܒ̣: ܘܠܵܐ ܢܸܗܘܹܐ ܠܹܗ ܕܲܡܩܲܪܸܒ̣ ܩܘܼܪܒܵܢܵܐ ܠܡܵܪܝܵܐ ܚܝܠܬ̣ܵܢܵܐ. |
[No book] |
| [13]ܘܗܵܕܹܐ ܐ̄ܚܪܹܬ̣ܵܐ ܕܲܥ̣ܒܲܕ̇ܬ̇ܘܿܢ: ܟܲܣܝܲܬ̤ ܕܸܡ̱ܥܬ̣ܵܐ ܠܒܲܝܬܹ̇ܗ ܕܡܵܪܝܵܐ: ܘܲܒ̣ܟ݂ܵܬ̣ܵܐ ܘܬܸܢ̈ܚܵܬ̣ܵܐ: ܡܸܛܠ ܕܠܵܐ ܡܸܬ̣ܦܢܸܐ ܥܲܠ ܩܘܼܪ̈ܒܵܢܲܝܟ̇ܘܿܢ: ܘܠܵܐ ܡܩܲܒܸ̇ܠ ܠܹܗ ܠܨܸܒ̣ܝܵܢܵܐ ܡ̣ܢ ܐܝܼܕܲܝ̈ܟ̇ܘܿܢ. |
[No book] |
| [14]ܘܐܸܢ ܐܵܡ̇ܪܝܼܬ̇ܘܿܢ ܥܲܠ ܡܵܢܵܐ: ܥܲܠ ܕܐܲܣܗܸܕ݂ ܡܵܪܝܵܐ ܒܲܝܢܲܝܟ ܠܐܲܢ̄ܬܲܬ̣ ܛܲܠܝܘܼܬ̣ܵܟ݂ ܕܐܲܢ̄ܬ̇ ܕܲܓܸ̇ܠ̣ܬ̇ ܒܵܗ̇: ܘܗ̤ܝ ܫܵܘܬܵܦܬܵܟ݂ ܘܐܲܢ̄ܬܲܬ̣ ܩܝܵܡܵܟ݂. |
[No book] |
| [15]ܕܲܠܡܵܐ ܠܵܐ ܗ̄ܘܼܵܐ ܚܲܕ݂ ܓܒܲܪ: ܘܫܲܪܟܵܐ ܕܪ̈ܘܼܚܵܬ̣ܵܐ ܕܝܼܠܹܗ ܗ̄ܘܼ: ܚܲܕ݂ ܒܥ̣ܵܐ ܙܲܪܥܵܐ ܡ̣ܢ ܐܲܠܵܗܵܐ: ܐܸܙܕܲܗ̄ܪܘ ܒܪܘܼܚܟ݂ܘܿܢ: ܘܐ̄ܢܵܫ ܒܐܲܢ̄ܬܲܬ̣ ܛܲܠܝܘܼܬܹܗ ܠܵܐ ܢܕ̇ܓܸ̇ܠ. |
[No book] |
| [16]ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ ܐܲܠܵܗܵܐ ܕܝܼܣܪܵܝܹܠ: ܘܥܵܘܼܠܵܐ ܒܡܲܪܛܘܼܛܹܗ ܠܵܐ ܢܟܲܣܸܐ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ: ܐܸܙܕܲܗ̄ܪܘ ܒܪܘܼܚܟ݂ܘܿܢ ܘܠܵܐ ܬܕܲܓ̇ܠܘܼܢ. |
[No book] |
| [17]ܐܲܠܐܝܼܬ̇ܘܿܢ ܠܡܵܪܝܵܐ ܒܦܸܬ̣ܓ̣ܵܡܲܝ̈ܟ̇ܘܿܢ: ܘܐܸܢ ܐܵܡ̇ܪܝܼܢ ܐ̄ܢܬ̇ܘܿܢ ܒܡܵܢܵܐ ܐܲܠܐܝܼܢܵܝܗܝ: ܒܕ݂ܵܐܡ̇ܪܝܼܢ ܐ̄ܢܬ̇ܘܿܢ ܕܟ݂ܠ ܕܥܵܒܹ̇ܕ݂ ܕܒ̣ܝܼܫ ܫܲܦܝܼܪ ܒܥܲܝ̈ܢܲܝ ܡܵܪܝܵܐ: ܘܲܒ̣ܗܘܿܢ ܗ̄ܘܼ ܨܵܒܹ̇ܐ. ܘܐܸܢ ܠܵܐ: ܐܲܝܟܵܘ ܐܲܠܵܗܵܐ ܕܕ݂ܵܐܹ̇ܢ ܕܝܼܢܹ̈ܐ. |
[No book] |