➕
←
Mark
Mar
13
→
[1]וכד נפק ישׁוע מנ היכלא אמר לה חד מנ תלמידוהי מלפנא הא חזי אילינ כאפא ואילינ בנינא [2]ישׁוע דינ אמר לה חזא אנת הלינ בנינא רורבא לא משׁתבקא הרכא כאפ על כאפ דלא מסתתרא [3]וכד יתב ישׁוע בטורא דזיתא לוקבל היכלא שׁאלוהי כאפא ויעקוב ויוחננ ואנדראוס בלחודיהונ [4]אמר לנ אמתי הלינ נהוינ ומנא אתא מא דקריבנ הלינ כלהינ למשׁתלמו [5]הו דינ ישׁוע שׁרי למאמר להונ חזו דלמא אנשׁ נטעיכונ [6]סגיאא גיר נאתונ בשׁמי ונאמרונ דאנא אנא ולסגיאא נטעונ [7]מא דינ דשׁמעתונ קרבא וטבא דקארסא לא תדחלונ עתיד הו גיר דנהוא אלא לא עדכיל חרתא [8]נקומ גיר עמא על עמא ומלכו על מלכו ונהוונ זועא בדוכא דוכא ונהוונ כפנא ושׁגושׁיא הלינ רשׁא אנינ דחבלא [9]חזו דינ אנתונ נפשׁכונ נשׁלמונכונ גיר לדינא ובכנושׁתהונ תתנגדונ וקדמ מלכא והגמונא תקומונ מטלתי לסהדותהונ [10]לוקדמ דינ עתידא דתתכרז סברתי בכלהונ עממא [11]מא דמקרבינ לכונ דינ דנשׁלמונכונ לא תקדמונ תאצפונ מנא תמללונ ולא תרנונ אלא מדמ דמתיהב לכונ בהי שׁעתא הו מללו לא הוא גיר אנתונ ממללינ אלא רוחא דקודשׁא [12]נשׁלמ דינ אחא לאחוהי למותא ואבא לברה ונקומונ בניא על אבהיהונ ונמיתונ אנונ [13]ותהוונ סניאינ מנ כל אנשׁ מטל שׁמי מנ דינ דנסיבר עדמא לחרתא הו נחא [14]מא דינ דחזיתונ אתא טנפתא דחורבא הי דאמירא בדניאיל נביא דקימא איכא דלא ולא הו דקרא נסתכל הידינ אילינ דביהוד אנונ נערקונ לטורא [15]ומנ דבאגרא הו לא נחות ולא נעול למשׁקל מדמ מנ ביתה [16]ומנ דבחקלא הו לא נתהפכ לבסתרה דנשׁקול לבשׁה [17]וי דינ לבטנתא ולאילינ דמינקנ בהנונ יומתא [18]צלו דינ דלא נהוא ערוקיכונ בסתוא [19]נהוא גיר ביומתא הנונ אולצנא דלא הוא אכותה מנ רישׁ בריתא דברא אלהא עדמא להשׁא ולא נהוא [20]ואלו לא מריא דכרי יומתא הנונ לא חיא הוא כל בסר אלא מטל גביא דגבא כרי יומתא הנונ [21]הידינ אנ אנשׁ נאמר לכונ דהא הרכא הו משׁיחא והא הרתמנ לא תהימנונ [22]נקומונ גיר משׁיחא דדגלותא ונביא דכדבותא ונתלונ אתותא ותדמרתא ונטעונ אנ משׁכחא אפ לגביא [23]אנתונ דינ אזדהרו הא קדמת אמרת לכונ כל מדמ [24]בהנונ דינ יומתא בתר אולצנא הו שׁמשׁא נחשׁכ וסהרא לא נתל נוהרה [25]וכוכבא נפלונ מנ שׁמיא וחילותא דשׁמיא נתתזיעונ [26]והידינ נחזוניהי לברה דאנשׁא כד אתא בעננא עמ חילא רבא ועמ שׁובחא [27]והידינ נשׁדר מלאכוהי ונכנשׁ לגבוהי מנ ארבעתיהינ רוחא מנ רשׁה דארעא ועדמא לרשׁה דשׁמיא [28]מנ תתא דינ ילפו פלאתא דמא דרכ סוכיה ופרעו טרפיה ידעינ אנתונ דמטא קיטא [29]הכנא אפ אנתונ מא דחזיתונ הלינ דהוינ דעו דקריבא הי על תרעא [30]אמינ אמר אנא לכונ דלא תעבר שׁרבתא הדא עדמא דהלינ כלהינ נהוינ [31]שׁמיא וארעא נעברונ ומלי לא נעברנ [32]על דינ יומא הו ועל שׁעתא הי אנשׁ לא ידע אפ לא מלאכא דבשׁמיא ולא ברא אלא אנ אבא [33]חזו אתתעירו וצלו לא גיר ידעינ אנתונ אמתי הו זבנא [34]איכ גברא הו גיר דחזק ושׁבק ביתה ויהב שׁולטנא לעבדוהי ולאנשׁ אנשׁ עבדה ולתרעא פקד דנהוא עיר [35]אתתעירו הכיל דלא ידעינ אנתונ אמתי אתא מרה דביתא ברמשׁא או בפלגה דלליא או במקרא תרנגלא או בצפרא [36]דלמא נאתא מנ שׁליא ונשׁכחכונ כד דמכינ אנתונ [37]מדמ דלכונ דינ אמר אנא לכלכונ הו אמר אנא הויתונ עירינ
 
Top