|
|
| [1]And anoon in the morewtid the hiyeste prestis maden a counsel with the elder men, and the scribis, and with al the counsel, and bounden Jhesu and ledden, and bitoken hym to Pilat. |
[No book] |
| [2]And Pilat axide hym, Art thou kynge of Jewis? And Jhesus answeride, and seide to hym, Thou seist. |
[No book] |
| [3]And the hieste prestis accusiden hym in many thingis. |
[No book] |
| [4]But Pilat eftsoone axide hym, and seide, Answerist thou no thing? Seest thou in hou many thingis thei accusen thee? |
[No book] |
| [5]But Jhesus answeride no more, so that Pilat wondride. |
[No book] |
| [6]But bi the feeste dai he was wont to leeue to hem oon of men boundun, whom euer thei axiden. |
[No book] |
| [7]And `oon ther was that was seid Barabas, that was boundun with men of dissencioun, that hadden don manslauytir in seducioun. |
[No book] |
| [8]And whanne the puple was gon vp, he bigan to preie, as he euer more dide to hem. |
[No book] |
| [9]And Pilat answeride `to hem, and seide, Wolen ye Y leeue to you the kyng of Jewis? |
[No book] |
| [10]For he wiste, that the hiyeste prestis hadden takun hym bi enuye. |
[No book] |
| [11]But the bischopis stireden the puple, that he schulde rather leeue to hem Barabas. |
[No book] |
| [12]And eftsoone Pilat answerde, and seide to hem, What thanne wolen ye that Y schal do to the kyng of Jewis? |
[No book] |
| [13]And thei eftsoone crieden, Crucifie hym. |
[No book] |
| [14]But Pilat seide to hem, What yuel hath he don? And thei crieden the more, Crucifie hym. |
[No book] |
| [15]And Pilat, willynge to make aseeth to the puple, lefte to hem Barabas, and bitok to hem Jhesu, betun with scourgis, to be crucified. |
[No book] |
| [16]And knyytis ledden hym with ynneforth, in to the porche of the mote halle. And thei clepiden togidir al the cumpany of knyytis, |
[No book] |
| [17]and clothiden hym with purpur. And thei writhen a coroun of thornes, and puttiden on hym. |
[No book] |
| [18]And thei bigunnen to grete hym, and seiden, Heile, thou kyng of Jewis. |
[No book] |
| [19]And thei smyten his heed with a reed, and bispatten hym; and thei kneliden, and worschipiden hym. |
[No book] |
| [20]And aftir that thei hadden scorned him, thei vnclothiden hym of purpur, and clothiden hym with hise clothis, and ledden out hym, to crucifie hym. |
[No book] |
| [21]And thei compelliden a man that passide the weie, that cam fro the toun, Symount of Syrenen, the fader of Alisaundir and of Rufe, to bere his cross. |
[No book] |
| [22]And thei ledden hym in to a place Golgatha, that is to seie, the place of Caluari. |
[No book] |
| [23]And thei yauen to hym to drynke wyn meddlid with mirre, and he took not. |
[No book] |
| [24]And thei crucifieden him, and departiden hise clothis, and kesten lot on tho, who schulde take what. |
[No book] |
| [25]And it was the thridde our, and thei crucifieden hym. |
[No book] |
| [26]And the titil of his cause was writun, Kyng of Jewis. |
[No book] |
| [27]And thei crucifien with hym twei theues, oon `at the riythalf and oon at his lefthalf. |
[No book] |
| [28]And the scripture was fulfillid that seith, And he is ordeyned with wickid men. |
[No book] |
| [29]And as thei passiden forth, thei blasfemyden hym, mouynge her heedis, and seiynge, Vath! thou that distriest the temple of God, and in `thre daies bildist it ayen; |
[No book] |
| [30]come adoun fro the crosse, and make thi silf saaf. |
[No book] |
| [31]Also the hiyeste prestis scorneden hym ech to othir with the scribis, and seiden, He made othir men saaf, he may not saue hym silf. |
[No book] |
| [32]Crist, kyng of Israel, come doun now fro the cross, that we seen, and bileuen. And thei that weren crucified with hym, dispiseden hym. |
[No book] |
| [33]And whanne the sixte hour was come, derknessis weren made on al the erthe til in to the nynthe our. |
[No book] |
| [34]And in the nynthe our Jhesus criede with a greet vois, and seide, Heloy, Heloy, lamasabatany, that is to seie, My God, my God, whi hast thou forsakun me? |
[No book] |
| [35]And summe of men that stoden aboute herden, and seiden, Lo! he clepith Helye. |
[No book] |
| [36]And oon ranne, and fillide a spounge with vynegre, and puttide aboute to a reede, and yaf to hym drynke, and seide, Suffre ye, se we, if Helie come to do hym doun. |
[No book] |
| [37]And Jhesus yaf out a greet cry, and diede. |
[No book] |
| [38]And the veil of the temple was rent atwo fro the hiyeste to bynethe. |
[No book] |
| [39]But the centurien that stood forn ayens siy, that he so criynge hadde diede, and seide, Verili, this man was Goddis sone. |
[No book] |
| [40]And ther weren also wymmen biholdynge fro afer, among whiche was Marie Maudeleyn, and Marie, the modir of James the lesse, and of Joseph, and of Salome. |
[No book] |
| [41]And whanne Jhesus was in Galilee, thei folewiden hym, and mynystriden to hym, and many othere wymmen, that camen vp togidir with him to Jerusalem. |
[No book] |
| [42]And whanne euentid was come, for it was the euentid which is bifor the sabat, |
[No book] |
| [43]Joseph of Armathie, the noble decurioun, cam, and he abood the rewme of God; and booldli he entride to Pilat, and axide the bodi of Jhesu. |
[No book] |
| [44]But Pilat wondride, if he were now deed. |
[No book] |
| [45]And whanne the centurion was clepid, he axide hym, if he were deed; and whanne he knewe of the centurion, he grauntide the bodi of Jhesu to Joseph. |
[No book] |
| [46]And Joseph bouyte lynnen cloth, and took hym doun, and wlappide in the lynnen cloth, and leide hym in a sepulcre that was hewun of a stoon, and walewide a stoon to the dore of the sepulcre. |
[No book] |
| [47]And Marie Maudeleyne and Marie of Joseph bihelden, where he was leid. |
[No book] |