➕
←
Mark
Mar
2
→
[1]ועל תוב ישׁוע לכפרנחומ ליומתא וכד שׁמעו דבביתא הו [2]אתכנשׁו סגיאא איכנא דלא אשׁכח אחד אנונ אפלא קדמ תרעא וממלל הוא עמהונ מלתא [3]ואתו לותה ואיתיו לה משׁריא כד שׁקילינ לה בית ארבעא [4]ודלא אשׁכחו למתקרבו לותה מטל כנשׁא סלקו להונ לאגרא וארימו תטלילא דאתר דאיתוהי הוא ישׁוע ושׁבוה ערסא דרמא הוא בה משׁריא [5]כד חזא דינ ישׁוע הימנותהונ אמר להו משׁריא ברי שׁביקינ לכ חטהיכ [6]אית הוו דינ תמנ מנ ספרא ופרישׁא דיתבינ ומתרעינ הוו בלבהונ [7]דמנא הנא ממלל גודפא מנו משׁכח למשׁבק חטהא אלא אנ חד אלהא [8]ישׁוע דינ ידע ברוחה דהלינ מתרעינ בנפשׁהונ ואמר להונ מנא מתרעינ אנתונ הלינ בלבכונ [9]אידא פשׁיקא למאמר למשׁריא דשׁביקינ לכ חטהיכ או למאמר דקומ שׁקול ערסכ והלכ [10]דתדעונ דינ דשׁליט הו ברה דאנשׁא בארעא למשׁבק חטהא אמר למשׁריא [11]לכ אמר אנא קומ שׁקול ערסכ וזל לביתכ [12]וקמ בר שׁעתה ושׁקל ערסה ונפק לעינ כלהונ איכנא דנתדמרונ כלהונ ונשׁבחונ לאלהא כד אמרינ דלא ממתומ חזינ הכנא [13]ונפק תוב לות ימא וכלה כנשׁא אתינ הוו לותה ומלפ הוא להונ [14]וכד עבר חזא ללוי בר חלפי דיתב בית מכסא ואמר לה תא בתרי וקמ אזל בתרה [15]והוא דכד סמיכ בביתה סגיאא מכסא וחטיא סמיכינ הוו עמ ישׁוע ועמ תלמידוהי איתיהונ הוו גיר סגיאא ואתו בתרה [16]וספרא ופרישׁא כד חזאוהי דלעס עמ מכסא ועמ חטיא אמרו לתלמידוהי מנו עמ מכסא וחטיא אכל ושׁתא [17]כד שׁמע דינ ישׁוע אמר להונ לא סניקינ חלימא על אסיא אלא אילינ דבישׁ בישׁ עבידינ לא אתית דאקרא לזדיקא אלא לחטיא [18]תלמידוהי דינ דיוחננ ופרישׁא צימינ הוו ואתו ואמרינ לה למנא תלמידוהי דיוחננ ודפרישׁא צימינ ותלמידיכ דילכ לא צימינ [19]אמר להונ ישׁוע למא משׁכחינ בנוהי דגנונא כמא דחתנא עמהונ הו דנצומונ לא [20]נאתונ דינ יומתא דמא דאשׁתקל מנהונ חתנא הידינ נצומונ בהו יומא [21]לא אנשׁ רמא אורקעתא חדתא וחאט על מאנא בליא דלא נסבא מליותה הי חדתא מנ בליא והוא סדקא יתירא [22]ולא אנשׁ רמא חמרא חדתא בזקא בליתא דלא חמרא מצרא לזקא וזקא אבדנ וחמרא מתאשׁד אלא רמינ חמרא חדתא בזקא חדתתא [23]והוא דכד אזל ישׁוע בשׁבתא בית זרעא תלמידוהי מהלכינ הוו ומלגינ שׁבלא [24]ואמרינ לה פרישׁא חזי מנא עבדינ בשׁבתא מדמ דלא שׁליט [25]אמר להונ ישׁוע לא ממתומ קריתונ מנא עבד דויד כד אסתנק וכפנ הו ודעמה [26]איכנא על לביתה דאלהא כד אביתר רב כהנא ולחמא דפתורה דמריא אכל הו דלא שׁליט למאכל אלא אנ לכהנא ויהב אפ לאילינ דעמה הוו [27]ואמר להונ דשׁבתא מטל ברנשׁא אתברית ולא הוא ברנשׁא מטל שׁבתא [28]מרה הו הכיל ואפ דשׁבתא ברה דאנשׁא
 
Top