|
|
| [1]Et post dies sex assumit Jesus Petrum, et Jacobum, et Joannem, et ducit illos in montem excelsum seorsum solos, et transfiguratus est coram ipsis. |
[No book] |
| [2]Et vestimenta ejus facta sunt splendentia, et candida nimis velut nix, qualia fullo non potest super terram candida facere. |
[No book] |
| [3]Et apparuit illis Elias cum Moyse: et erant loquentes cum Jesu. |
[No book] |
| [4]Et respondens Petrus, ait Jesu: Rabbi, bonum est nos hic esse: et faciamus tria tabernacula, tibi unum, et Moysi unum, et Eliæ unum. |
[No book] |
| [5]Non enim sciebat quid diceret: erant enim timore exterriti. |
[No book] |
| [6]Et facta est nubes obumbrans eos: et venit vox de nube, dicens: Hic est Filius meus carissimus: audite illum. |
[No book] |
| [7]Et statim circumspicientes, neminem amplius viderunt, nisi Jesum tantum secum. |
[No book] |
| [8]Et descendentibus illis de monte, præcepit illis ne cuiquam quæ vidissent, narrarent: nisi cum Filius hominis a mortuis resurrexerit. |
[No book] |
| [9]Et verbum continuerunt apud se: conquirentes quid esset, cum a mortuis resurrexerit. |
[No book] |
| [10]Et interrogabant eum, dicentes: Quid ergo dicunt pharisæi et scribæ, quia Eliam oportet venire primum? |
[No book] |
| [11]Qui respondens, ait illis: Elias cum venerit primo, restituet omnia: et quomodo scriptum est in Filium hominis, ut multa patiatur et contemnatur. |
[No book] |
| [12]Sed dico vobis quia et Elias venit (et fecerunt illi quæcumque voluerunt) sicut scriptum est de eo. |
[No book] |
| [13]Et veniens ad discipulos suos, vidit turbam magnam circa eos, et scribas conquirentes cum illis. |
[No book] |
| [14]Et confestim omnis populus videns Jesum, stupefactus est, et expaverunt, et accurrentes salutabant eum. |
[No book] |
| [15]Et interrogavit eos: Quid inter vos conquiritis? |
[No book] |
| [16]Et respondens unus de turba, dixit: Magister, attuli filium meum ad te habentem spiritum mutum: |
[No book] |
| [17]qui ubicumque eum apprehenderit, allidit illum, et spumat, et stridet dentibus, et arescit: et dixi discipulis tuis ut ejicerent illum, et non potuerunt. |
[No book] |
| [18]Qui respondens eis, dixit: O generatio incredula, quamdiu apud vos ero? quamdiu vos patiar? afferte illum ad me. |
[No book] |
| [19]Et attulerunt eum. Et cum vidisset eum, statim spiritus conturbavit illum: et elisus in terram, volutabatur spumans. |
[No book] |
| [20]Et interrogavit patrem ejus: Quantum temporis est ex quo ei hoc accidit? At ille ait: Ab infantia: |
[No book] |
| [21]et frequenter eum in ignem, et in aquas misit ut eum perderet: sed si quid potes, adjuva nos, misertus nostri. |
[No book] |
| [22]Jesus autem ait illi: Si potes credere, omnia possibilia sunt credenti. |
[No book] |
| [23]Et continuo exclamans pater pueri, cum lacrimis aiebat: Credo, Domine; adjuva incredulitatem meam. |
[No book] |
| [24]Et cum videret Jesus concurrentem turbam, comminatus est spiritui immundo, dicens illi: Surde et mute spiritus, ego præcipio tibi, exi ab eo: et amplius ne introëas in eum. |
[No book] |
| [25]Et exclamans, et multum discerpens eum, exiit ab eo, et factus est sicut mortuus, ita ut multi dicerent: Quia mortuus est. |
[No book] |
| [26]Jesus autem tenens manum ejus elevavit eum, et surrexit. |
[No book] |
| [27]Et cum introisset in domum, discipuli ejus secreto interrogabant eum: Quare nos non potuimus ejicere eum? |
[No book] |
| [28]Et dixit illis: Hoc genus in nullo potest exire, nisi in oratione et jejunio. |
[No book] |
| [29]Et inde profecti prætergrediebantur Galilæam: nec volebat quemquam scire. |
[No book] |
| [30]Docebat autem discipulos suos, et dicebat illis: Quoniam Filius hominis tradetur in manus hominum, et occident eum, et occisus tertia die resurget. |
[No book] |
| [31]At illi ignorabant verbum: et timebant interrogare eum. |
[No book] |
| [32]Et venerunt Capharnaum. Qui cum domi essent, interrogabat eos: Quid in via tractabatis? |
[No book] |
| [33]At illi tacebant: siquidem in via inter se disputaverunt: quis eorum major esset. |
[No book] |
| [34]Et residens vocavit duodecim, et ait illis: Si quis vult primus esse, erit omnium novissimus, et omnium minister. |
[No book] |
| [35]Et accipiens puerum, statuit eum in medio eorum: quem cum complexus esset, ait illis: |
[No book] |
| [36]Quisquis unum ex hujusmodi pueris receperit in nomine meo, me recipit: et quicumque me susceperit, non me suscipit, sed eum qui misit me. |
[No book] |
| [37]Respondit illi Joannes, dicens: Magister, vidimus quemdam in nomine tuo ejicientem dæmonia, qui non sequitur nos, et prohibuimus eum. |
[No book] |
| [38]Jesus autem ait: Nolite prohibere eum: nemo est enim qui faciat virtutem in nomine meo, et possit cito male loqui de me: |
[No book] |
| [39]qui enim non est adversum vos, pro vobis est. |
[No book] |
| [40]Quisquis enim potum dederit vobis calicem aquæ in nomine meo, quia Christi estis: amen dico vobis, non perdet mercedem suam. |
[No book] |
| [41]Et quisquis scandalizaverit unum ex his pusillis credentibus in me: bonum est ei magis si circumdaretur mola asinaria collo ejus, et in mare mitteretur. |
[No book] |
| [42]Et si scandalizaverit te manus tua, abscide illam: bonum est tibi debilem introire in vitam, quam duas manus habentem ire in gehennam, in ignem inextinguibilem, |
[No book] |
| [43]ubi vermis eorum non moritur, et ignis non extinguitur. |
[No book] |
| [44]Et si pes tuus te scandalizat, amputa illum: bonum est tibi claudum introire in vitam æternam, quam duos pedes habentem mitti in gehennam ignis inextinguibilis, |
[No book] |
| [45]ubi vermis eorum non moritur, et ignis non extinguitur. |
[No book] |
| [46]Quod si oculus tuus scandalizat te, ejice eum: bonum est tibi luscum introire in regnum Dei, quam duos oculos habentem mitti in gehennam ignis, |
[No book] |
| [47]ubi vermis eorum non moritur, et ignis non extinguitur. |
[No book] |
| [48]Omnis enim igne salietur, et omnis victima sale salietur. |
[No book] |
| [49]Bonum est sal: quod si sal insulsum fuerit, in quo illud condietis? Habete in vobis sal, et pacem habete inter vos. |
[No book] |