|
|
| [1]Liber generationis Jesu Christi filii David, filii Abraham. |
[No book] |
| [2]Abraham genuit Isaac. Isaac autem genuit Jacob. Jacob autem genuit Judam, et fratres ejus. |
[No book] |
| [3]Judas autem genuit Phares, et Zaram de Thamar. Phares autem genuit Esron. Esron autem genuit Aram. |
[No book] |
| [4]Aram autem genuit Aminadab. Aminadab autem genuit Naasson. Naasson autem genuit Salmon. |
[No book] |
| [5]Salmon autem genuit Booz de Rahab. Booz autem genuit Obed ex Ruth. Obed autem genuit Jesse. Jesse autem genuit David regem. |
[No book] |
| [6]David autem rex genuit Salomonem ex ea quæ fuit Uriæ. |
[No book] |
| [7]Salomon autem genuit Roboam. Roboam autem genuit Abiam. Abias autem genuit Asa. |
[No book] |
| [8]Asa autem genuit Josophat. Josophat autem genuit Joram. Joram autem genuit Oziam. |
[No book] |
| [9]Ozias autem genuit Joatham. Joatham autem genuit Achaz. Achaz autem genuit Ezechiam. |
[No book] |
| [10]Ezechias autem genuit Manassen. Manasses autem genuit Amon. Amon autem genuit Josiam. |
[No book] |
| [11]Josias autem genuit Jechoniam, et fratres ejus in transmigratione Babylonis. |
[No book] |
| [12]Et post transmigrationem Babylonis: Jechonias genuit Salathiel. Salathiel autem genuit Zorobabel. |
[No book] |
| [13]Zorobabel autem genuit Abiud. Abiud autem genuit Eliacim. Eliacim autem genuit Azor. |
[No book] |
| [14]Azor autem genuit Sadoc. Sadoc autem genuit Achim. Achim autem genuit Eliud. |
[No book] |
| [15]Eliud autem genuit Eleazar. Eleazar autem genuit Mathan. Mathan autem genuit Jacob. |
[No book] |
| [16]Jacob autem genuit Joseph virum Mariæ, de qua natus est Jesus, qui vocatur Christus. |
[No book] |
| [17]Omnes itaque generationes ab Abraham usque ad David, generationes quatuordecim: et a David usque ad transmigrationem Babylonis, generationes quatuordecim: et a transmigratione Bayblonis usque ad Christum, generationes quatuordecim. |
[No book] |
| [18]Christi autem generatio sic erat: cum esset desponsata mater ejus Maria Joseph, antequam convenirent inventa est in utero habens de Spiritu Sancto. |
[No book] |
| [19]Joseph autem vir ejus cum esset justus, et nollet eam traducere, voluit occulte dimittere eam. |
[No book] |
| [20]Hæc autem eo cogitante, ecce angelus Domini apparuit in somnis ei, dicens: Joseph, fili David, noli timere accipere Mariam conjugem tuam: quod enim in ea natum est, de Spiritu Sancto est. |
[No book] |
| [21]Pariet autem filium: et vocabis nomen ejus Jesum: ipse enim salvum faciet populum suum a peccatis eorum. |
[No book] |
| [22]Hoc autem totum factum est, ut adimpleretur quod dictum est a Domino per prophetam dicentem: |
[No book] |
| [23]Ecce virgo in utero habebit, et pariet filium: et vocabunt nomen ejus Emmanuel, quod est interpretatum Nobiscum Deus. |
[No book] |
| [24]Exsurgens autem Joseph a somno, fecit sicut præcepit ei angelus Domini, et accepit conjugem suam. |
[No book] |
| [25]Et non cognoscebat eam donec peperit filium suum primogenitum: et vocavit nomen ejus Jesum. |
[No book] |