|
|
| [1]Et accesserunt ad eum pharisæi et sadducæi tentantes: et rogaverunt eum ut signum de cælo ostenderet eis. |
[No book] |
| [2]At ille respondens, ait illis: Facto vespere dicitis: Serenum erit, rubicundum est enim cælum. |
[No book] |
| [3]Et mane: Hodie tempestas, rutilat enim triste cælum. |
[No book] |
| [4]Faciem ergo cæli dijudicare nostis: signa autem temporum non potestis scire? Generatio mala et adultera signum quærit: et signum non dabitur ei, nisi signum Jonæ prophetæ. Et relictis illis, abiit. |
[No book] |
| [5]Et cum venissent discipuli ejus trans fretum, obliti sunt panes accipere. |
[No book] |
| [6]Qui dixit illis: Intuemini, et cavete a fermento pharisæorum et sadducæorum. |
[No book] |
| [7]At illi cogitabant intra se dicentes: Quia panes non accepimus. |
[No book] |
| [8]Sciens autem Jesus, dixit: Quid cogitatis intra vos modicæ fidei, quia panes non habetis? |
[No book] |
| [9]Nondum intelligitis, neque recordamini quinque panum in quinque millia hominum, et quot cophinos sumpsistis? |
[No book] |
| [10]neque septem panum in quatuor millia hominum, et quot sportas sumpsistis? |
[No book] |
| [11]Quare non intelligitis, quia non de pane dixi vobis: Cavete a fermento pharisæorum et sadducæorum? |
[No book] |
| [12]Tunc intellexerunt quia non dixerit cavendum a fermento panum, sed a doctrina pharisæorum et sadducæorum. |
[No book] |
| [13]Venit autem Jesus in partes Cæsareæ Philippi: et interrogabat discipulos suos, dicens: Quem dicunt homines esse Filium hominis? |
[No book] |
| [14]At illi dixerunt: Alii Joannem Baptistam, alii autem Eliam, alii vero Jeremiam, aut unum ex prophetis. |
[No book] |
| [15]Dicit illis Jesus: Vos autem, quem me esse dicitis? |
[No book] |
| [16]Respondens Simon Petrus dixit: Tu es Christus, Filius Dei vivi. |
[No book] |
| [17]Respondens autem Jesus, dixit ei: Beatus es Simon Bar Jona: quia caro et sanguis non revelavit tibi, sed Pater meus, qui in cælis est. |
[No book] |
| [18]Et ego dico tibi, quia tu es Petrus, et super hanc petram ædificabo Ecclesiam meam, et portæ inferi non prævalebunt adversus eam. |
[No book] |
| [19]Et tibi dabo claves regni cælorum. Et quodcumque ligaveris super terram, erit ligatum et in cælis: et quodcumque solveris super terram, erit solutum et in cælis. |
[No book] |
| [20]Tunc præcepit discipulis suis ut nemini dicerent quia ipse esset Jesus Christus. |
[No book] |
| [21]Exinde cœpit Jesus ostendere discipulis suis, quia oporteret eum ire Jerosolymam, et multa pati a senioribus, et scribis, et principibus sacerdotum, et occidi, et tertia die resurgere. |
[No book] |
| [22]Et assumens eum Petrus, cœpit increpare illum dicens: Absit a te, Domine: non erit tibi hoc. |
[No book] |
| [23]Qui conversus, dixit Petro: Vade post me Satana, scandalum es mihi: quia non sapis ea quæ Dei sunt, sed ea quæ hominum. |
[No book] |
| [24]Tunc Jesus dixit discipulis suis: Si quis vult post me venire, abneget semetipsum, et tollat crucem suam, et sequatur me. |
[No book] |
| [25]Qui enim voluerit animam suam salvam facere, perdet eam: qui autem perdiderit animam suam propter me, inveniet eam. |
[No book] |
| [26]Quid enim prodest homini, si mundum universum lucretur, animæ vero suæ detrimentum patiatur? aut quam dabit homo commutationem pro anima sua? |
[No book] |
| [27]Filius enim hominis venturus est in gloria Patris sui cum angelis suis: et tunc reddet unicuique secundum opera ejus. |
[No book] |
| [28]Amen dico vobis, sunt quidam de hic stantibus, qui non gustabunt mortem, donec videant Filium hominis venientem in regno suo. |
[No book] |