|
|
| [1]Mane autem facto, consilium inierunt omnes principes sacerdotum et seniores populi adversus Jesum, ut eum morti traderent. |
[No book] |
| [2]Et vinctum adduxerunt eum, et tradiderunt Pontio Pilato præsidi. |
[No book] |
| [3]Tunc videns Judas, qui eum tradidit, quod damnatus esset, pœnitentia ductus, retulit triginta argenteos principibus sacerdotum, et senioribus, |
[No book] |
| [4]dicens: Peccavi, tradens sanguinem justum. At illi dixerunt: Quid ad nos? tu videris. |
[No book] |
| [5]Et projectis argenteis in templo, recessit: et abiens laqueo se suspendit. |
[No book] |
| [6]Principes autem sacerdotum, acceptis argenteis, dixerunt: Non licet eos mittere in corbonam: quia pretium sanguinis est. |
[No book] |
| [7]Consilio autem inito, emerunt ex illis agrum figuli, in sepulturam peregrinorum. |
[No book] |
| [8]Propter hoc vocatus est ager ille, Haceldama, hoc est, Ager sanguinis, usque in hodiernum diem. |
[No book] |
| [9]Tunc impletum est quod dictum est per Jeremiam prophetam, dicentem: Et acceperunt triginta argenteos pretium appretiati, quem appretiaverunt a filiis Israël: |
[No book] |
| [10]et dederunt eos in agrum figuli, sicut constituit mihi Dominus. |
[No book] |
| [11]Jesus autem stetit ante præsidem, et interrogavit eum præses, dicens: Tu es rex Judæorum? Dicit illi Jesus: Tu dicis. |
[No book] |
| [12]Et cum accusaretur a principibus sacerdotum et senioribus, nihil respondit. |
[No book] |
| [13]Tunc dicit illi Pilatus: Non audis quanta adversum te dicunt testimonia? |
[No book] |
| [14]Et non respondit ei ad ullum verbum, ita ut miraretur præses vehementer. |
[No book] |
| [15]Per diem autem solemnem consueverat præses populi dimittere unum vinctum, quem voluissent: |
[No book] |
| [16]habebat autem tunc vinctum insignem, qui dicebatur Barrabas. |
[No book] |
| [17]Congregatis ergo illis, dixit Pilatus: Quem vultis dimittam vobis: Barabbam, an Jesum, qui dicitur Christus? |
[No book] |
| [18]Sciebat enim quod per invidiam tradidissent eum. |
[No book] |
| [19]Sedente autem illo pro tribunali, misit ad eum uxor ejus, dicens: Nihil tibi, et justo illi: multa enim passa sum hodie per visum propter eum. |
[No book] |
| [20]Principes autem sacerdotum et seniores persuaserunt populis ut peterent Barabbam, Jesum vero perderent. |
[No book] |
| [21]Respondens autem præses, ait illis: Quem vultis vobis de duobus dimitti? At illi dixerunt: Barabbam. |
[No book] |
| [22]Dicit illis Pilatus: Quid igitur faciam de Jesu, qui dicitur Christus? |
[No book] |
| [23]Dicunt omnes: Crucifigatur. Ait illis præses: Quid enim mali fecit? At illi magis clamabant dicentes: Crucifigatur. |
[No book] |
| [24]Videns autem Pilatus quia nihil proficeret, sed magis tumultus fieret: accepta aqua, lavit manus coram populo, dicens: Innocens ego sum a sanguine justi hujus: vos videritis. |
[No book] |
| [25]Et respondens universus populus, dixit: Sanguis ejus super nos, et super filios nostros. |
[No book] |
| [26]Tunc dimisit illis Barabbam: Jesum autem flagellatum tradidit eis ut crucifigeretur. |
[No book] |
| [27]Tunc milites præsidis suscipientes Jesum in prætorium, congregaverunt ad eum universam cohortem: |
[No book] |
| [28]et exeuntes eum, chlamydem coccineam circumdederunt ei, |
[No book] |
| [29]et plectentes coronam de spinis, posuerunt super caput ejus, et arundinem in dextera ejus. Et genu flexo ante eum, illudebant ei, dicentes: Ave rex Judæorum. |
[No book] |
| [30]Et exspuentes in eum, acceperunt arundinem, et percutiebant caput ejus. |
[No book] |
| [31]Et postquam illuserunt ei, exuerunt eum chlamyde, et induerunt eum vestimentis ejus, et duxerunt eum ut crucifigerent. |
[No book] |
| [32]Exeuntes autem invenerunt hominem Cyrenæum, nomine Simonem: hunc angariaverunt ut tolleret crucem ejus. |
[No book] |
| [33]Et venerunt in locum qui dicitur Golgotha, quod est Calvariæ locus. |
[No book] |
| [34]Et dederunt ei vinum bibere cum felle mistum. Et cum gustasset, noluit bibere. |
[No book] |
| [35]Postquam autem crucifixerunt eum, diviserunt vestimenta ejus, sortem mittentes: ut impleretur quod dictum est per prophetam dicentem: Diviserunt sibi vestimenta mea, et super vestem meam miserunt sortem. |
[No book] |
| [36]Et sedentes servabant eum. |
[No book] |
| [37]Et imposuerunt super caput ejus causam ipsius scriptam: Hic est Jesus rex Judæorum. |
[No book] |
| [38]Tunc crucifixi sunt cum eo duo latrones: unus a dextris, et unus a sinistris. |
[No book] |
| [39]Prætereuntes autem blasphemabant eum moventes capita sua, |
[No book] |
| [40]et dicentes: Vah qui destruis templum Dei, et in triduo illud reædificas: salva temetipsum: si Filius Dei es, descende de cruce. |
[No book] |
| [41]Similiter et principes sacerdotum illudentes cum scribis et senioribus dicebant: |
[No book] |
| [42]Alios salvos fecit, seipsum non potest salvum facere: si rex Israël est, descendat nunc de cruce, et credimus ei: |
[No book] |
| [43]confidit in Deo: liberet nunc, si vult eum: dixit enim: Quia Filius Dei sum. |
[No book] |
| [44]Idipsum autem et latrones, qui crucifixi erant cum eo, improperabant ei. |
[No book] |
| [45]A sexta autem hora tenebræ factæ sunt super universam terram usque ad horam nonam. |
[No book] |
| [46]Et circa horam nonam clamavit Jesus voce magna, dicens: Eli, Eli, lamma sabacthani? hoc est: Deus meus, Deus meus, ut quid dereliquisti me? |
[No book] |
| [47]Quidam autem illic stantes, et audientes, dicebant: Eliam vocat iste. |
[No book] |
| [48]Et continuo currens unus ex eis, acceptam spongiam implevit aceto, et imposuit arundini, et dabat ei bibere. |
[No book] |
| [49]Ceteri vero dicebant: Sine, videamus an veniat Elias liberans eum. |
[No book] |
| [50]Jesus autem iterum clamans voce magna, emisit spiritum. |
[No book] |
| [51]Et ecce velum templi scissum est in duas partes a summo usque deorsum: et terra mota est, et petræ scissæ sunt, |
[No book] |
| [52]et monumenta aperta sunt: et multa corpora sanctorum, qui dormierant, surrexerunt. |
[No book] |
| [53]Et exeuntes de monumentis post resurrectionem ejus, venerunt in sanctam civitatem, et apparuerunt multis. |
[No book] |
| [54]Centurio autem, et qui cum eo erant, custodientes Jesum, viso terræmotu, et his quæ fiebant, timuerunt valde, dicentes: Vere Filius Dei erat iste. |
[No book] |
| [55]Erant autem ibi mulieres multæ a longe, quæ secutæ erant Jesum a Galilæa, ministrantes ei: |
[No book] |
| [56]inter quas erat Maria Magdalene, et Maria Jacobi, et Joseph mater, et mater filiorum Zebedæi. |
[No book] |
| [57]Cum autem sero factum esset, venit quidam homo dives ab Arimathæa, nomine Joseph, qui et ipse discipulus erat Jesu: |
[No book] |
| [58]hic accessit ad Pilatum, et petiit corpus Jesu. Tunc Pilatus jussit reddi corpus. |
[No book] |
| [59]Et accepto corpore, Joseph involvit illud in sindone munda, |
[No book] |
| [60]et posuit illud in monumento suo novo, quod exciderat in petra. Et advolvit saxum magnum ad ostium monumenti, et abiit. |
[No book] |
| [61]Erant autem ibi Maria Magdalene, et altera Maria, sedentes contra sepulchrum. |
[No book] |
| [62]Altera autem die, quæ est post Parasceven, convenerunt principes sacerdotum et pharisæi ad Pilatum, |
[No book] |
| [63]dicentes: Domine, recordati sumus, quia seductor ille dixit adhuc vivens: Post tres dies resurgam. |
[No book] |
| [64]Jube ergo custodiri sepulchrum usque in diem tertium: ne forte veniant discipuli ejus, et furentur eum, et dicant plebi: Surrexit a mortuis: et erit novissimus error pejor priore. |
[No book] |
| [65]Ait illis Pilatus: Habetis custodiam, ite, custodite sicut scitis. |
[No book] |
| [66]Illi autem abeuntes, munierunt sepulchrum, signantes lapidem, cum custodibus. |
[No book] |