|
|
| [1]But in the euentid of the sabat, that bigynneth to schyne in the firste dai of the woke, Marie Mawdelene cam, and another Marie, to se the sepulcre. |
[No book] |
| [2]And lo! ther was maad a greet ertheschakyng; for the aungel of the Lord cam doun fro heuene, and neiyede, and turnede awei the stoon, and sat theron. |
[No book] |
| [3]And his lokyng was as leit, and hise clothis as snowe; |
[No book] |
| [4]and for drede of hym the keperis weren afeerd, and thei weren maad as deede men. |
[No book] |
| [5]But the aungel answeride, and seide to the wymmen, Nyle ye drede, for Y woot that ye seken Jhesu, that was crucified; |
[No book] |
| [6]he is not here, for he is risun, as he seide; come ye, and se ye the place, where the Lord was leid. |
[No book] |
| [7]And go ye soone, and seie ye to his disciplis, that he is risun. And lo! he schal go bifore you in to Galilee; there ye schulen se hym. |
[No book] |
| [8]Lo! Y haue biforseid to you. And thei wenten out soone fro the biriels, with drede and greet ioye, rennynge to telle to hise disciplis. |
[No book] |
| [9]And lo! Jhesus mette hem, and seide, Heile ye. And thei neiyeden, and heelden his feet, and worschipiden him. |
[No book] |
| [10]Thanne Jhesus seide to hem, Nyle ye drede; go ye, `telle ye to my britheren, that thei go in to Galile; there thei schulen se me. |
[No book] |
| [11]And whanne thei weren goon, lo! summe of the keperis camen in to the citee, and telden to the princis of prestis alle thingis that weren doon. |
[No book] |
| [12]And whanne thei weren gaderid togidere with the elder men, and hadden take her counseil, thei yauen to the kniytis miche monei, and seiden, Seie ye, |
[No book] |
| [13]that hise disciplis camen bi nyyt, and han stolen hym, while ye slepten. |
[No book] |
| [14]And if this be herd of the iustice, we schulen counseile hym, and make you sikir. |
[No book] |
| [15]And whanne the monei was takun, thei diden, as thei weren tauyt. And this word is pupplischid among the Jewis, til in to this day. |
[No book] |
| [16]And the enleuen disciplis wenten in to Galilee, in to an hille, where Jhesus hadde ordeyned to hem. |
[No book] |
| [17]And thei sayn hym, and worschipiden; but summe of hem doutiden. |
[No book] |
| [18]And Jhesus cam nyy, and spak to hem, and seide, Al power in heuene and in erthe is youun to me. |
[No book] |
| [19]Therfor go ye, and teche alle folkis, baptisynge hem in the name of the Fadir, and of the Sone, and of the Hooli Goost; |
[No book] |
| [20]techynge hem to kepe alle thingis, what euer thingis Y haue comaundid to you; and lo! Y am with you in alle daies, in to the ende of the world. |
[No book] |