➖ »
«
➖ ➕
Peshitta OT
PesOT
The Fragments of Papias
Papias
←
Micah
Mic
5
→
[1]ܡܸܟܹ̇ܝܠ ܬܸܦܩܝܼܢ ܒܓܲܝܣܵܐ ܒܲܪܬ̣ ܓܲܝܵܣܹ̈ܐ ܥܲܫܝܼܢܹ̈ܐ: ܕܩܵܡ̣ܘ ܥܠܲܝܢ: ܘܲܡܚܵܘ ܒܫܲܒ̣ܛܵܐ ܥܲܠ ܦܸܟܹ̇ܗ ܠܪܵܥܝܵܐ ܕܝܼܣܪܵܝܹܠ. [No book]
[2]ܐܲܢ̄ܬ̇ܝ ܕܹܝܢ ܒܹܝܬ̣ ܠܚܸܡ ܐܵܦܲܪܬ̣ܵܐ: ܙܥܘܿܪܝܵܐ ܐܲܢ̄ܬ̇ܝ ܕܬܸܗܘܹܝܢ ܒܐܲܠܦܹ̈ܐ ܕܲܝܗܘܼܕ݂ܵܐ: ܡܸܢܹܟ݂ܝ ܢܸܦܘܿܩ ܫܲܠܝܼܛܵܐ ܕܢܸܗܘܹܐ ܥܲܠ ܝܑܼܣܪܵܝܹܠ. ܘܡܲܦܩܹܗ ܡ̣ܢ ܪܹܫܝܼܬ̣ܵܐ: ܡ̣ܢ ܝܵܘܡܲܝ̈ ܥܵܠܡܵܐ. [No book]
[3]ܡܸܟܹ̇ܝܠ ܢܲܫܠܸܡ ܐܸܢܘܿܢ ܥܕܲܡܵܐ ܠܙܲܒ̣ܢܵܐ ܕܝܵܠܕܵܐ ܝܵܠܹܕ̇ܬܵܐ: ܘܫܲܪܟܵܐ ܕܐܲܚܵܘ̈ܗܝ ܢܸܬ̣ܦ̄ܢܘܼܢ ܠܘܵܬ̣ ܒܢܲܝ̈ ܝܑܼܣܪܵܝܹܠ. [No book]
[4]ܘܲܢܩܘܼܡ ܘܢܸܪܥܹܐ ܒܥܘܼܫܢܹܗ ܕܡܵܪܝܵܐ: ܘܒ̣ܐܝܼܩܵܪܵܐ ܕܲܫܡܹܗ ܕܡܵܪܝܵܐ ܐܲܠܵܗܹܗ ܘܢܸܬ̣ܦ̄ܢܘܿܢ: ܡܸܛܠ ܕܡܸܟܹ̇ܝܠ ܢܹܐܪܲܒ̣ ܥܕܲܡܵܐ ܠܣܵܘ̈ܦܹܝܗ̇ ܕܐܲܪܥܵܐ. [No book]
[5]ܘܢܸܗܘܹܐ ܫܠܵܡܵܐ: ܘܐܵܬ̣ܘܿܪܵܝܵܐ ܡܵܐ ܕܐܸܬ̣ܵܐ ܠܐܲܬ̣ܪܲܢ ܘܲܕ݂ܪܲܟ݂ ܒܣܵܚܪ̈ܵܬܲܢ: ܢܩܝܼܡ ܥܠܵܘܗܝ ܫܲܒ̣ܥܵܐ ܪ̈ܵܥܵܘܵܬ̣ܵܐ: ܘܲܬ̣ܡܵܢܝܵܐ ܪܵܘܪ̈ܒ̣ܵܢܹܐ ܕܐ̄ܢܵܫܵܐ. [No book]
[6]ܘܢܹܐܪܥܘܼܢ ܠܐܲܪܥܵܐ ܕܐܵܬ̣ܘܿܪ ܒܚܲܪܒܵܐ: ܘܠܲܐܪܥܵܐ ܕܢܸܡܪܘܿܕ݂ ܒܪܘܼܓ̣ܙܹܗ: ܘܲܢܦܲܨܹܝܢ ܡ̣ܢ ܐܵܬ̣ܘܿܪܵܝܵܐ ܕܠܵܐ ܢܹܐܬܹܐ ܠܐܲܬ̣ܪܹܝܢ: ܘܠܵܐ ܢܸܕ݂ܪܘܿܟ݂ ܒܲܬ̣ܚܘܼ̈ܡܲܝܢ. [No book]
[7]ܘܢܸܗܘܹܐ ܫܲܪܟܹ̇ܗ ܕܝܲܥܩܘܿܒ̣ ܒܥܲܡܵܐ ܒܲܝܢܵܬ̣ ܥܲܡܡܹ̈ܐ ܣܲܓ̇ܝܼ̈ܐܹܐ: ܐܲܝܟ݂ ܛܵܠܵܐ ܡ̣ܢ ܩܕ݂ܵܡ ܡܵܪܝܵܐ: ܘܐܲܝܟ݂ ܪ̈ܣܝܼܣܹܐ ܕܥܲܠ ܥܸܣܒܵܐ: ܕܠܵܐ ܡܩܵܘܸܐ ܠܲܓ̣ܒܲܪ: ܘܠܵܐ ܡܟܲܬܲܪ ܠܒܲܪܢܵܫ. [No book]
[8]ܘܢܸܗܘܹܐ ܫܲܪܟܹ̇ܗ ܕܝܲܥܩܘܿܒ̣ ܒܥܲܡܵܐ ܒܲܝܢܵܬ̣ ܥܲܡܡܹ̈ܐ ܣܲܓ̇ܝܼ̈ܐܹܐ: ܐܲܝܟ݂ ܐܲܪܝܵܐ ܒܚܲܝ̄ܘܬ̣ܵܐ ܕܥܵـ̈ـܢܵܐ: ܘܐܲܝܟ݂ ܓܘܼܪܝܵܐ ܕܐܲܪܝܵܐ ܒܲܓ̣ܙܵܪܵܐ ܕܥܵـ̈ـܢܵܐ: ܕܡܵܐ ܕܲܦ̣ܪܲܫ ܘܲܦ̣ܣܲܩ: ܬܵܒܲܪ: ܘܠܲܝܬ̇ ܕܲܡܦܨܹܐ. [No book]
[9]ܬܸܬ̇ܪܝܼܡ ܐܝܼܕ݂ܵܟ݂ ܥܲܠ ܣܵܢܐܲܝ̈ܟ: ܘܟ݂ܠܗܘܿܢ ܒܥܸܠܕ̇ܒ̣ܵܒܲܝ̈ܟ ܢܹܐܒ̣ܕ̇ܘܼܢ. [No book]
[10]ܒܹܗ ܕܹܝܢ ܒܝܵܘܡܵܐ ܗܵܘܿ ܐܵܡܲܪ ܡܵܪܝܵܐ: ܐܵܘܒܸ̇ܕ݂ ܪ̈ܲܟ݂ܫܵܟ݂ ܡ̣ܢ ܓܵܘܵܟ݂: ܘܐܵܘܒܸ̇ܕ݂ ܡܲܪ̈ܟ̇ܒ̣ܵܬ̣ܵܟ݂. [No book]
[11]ܘܐܵܘܒܸ̇ܕ݂ ܩܘܼܪ̈ܝܵܐ ܕܐܲܪܥܵܟ݂: ܘܐܸܣܚܘܿܦ ܟܠܗܘܿܢ ܟܲܪ̈ܟܲܝܟ. [No book]
[12]ܘܐܵܘܒܸ̇ܕ݂ ܚܲܪ̈ܵܫܹܐ ܡ̣ܢ ܐܝܼܕܲܝ̈ܟ: ܘܙܲܟ̇ܘܼܪܹ̈ܐ ܬܘܼܒ̣ ܠܵܐ ܢܸܗܘܘܿܢ ܠܵܟ݂. [No book]
[13]ܘܐܵܘܒܸ̇ܕ݂ ܓܠܝܼܦܲܝ̈ܟ ܘܲܥܠܵـ̈ـܘܵܬ̣ܵܟ݂ ܡ̣ܢ ܓܵܘܵܟ݂: ܘܬ̣ܘܼܒ̣ ܠܵܐ ܬܸܣܓ̇ܘܿܕ݂ ܠܲܥܒ̣ܵܕ݂ ܐܝܼܕܲܝ̈ܟ. [No book]
[14]ܘܐܵܘܒܸ̇ܕ݂ ܫܸܬ̣̈ܠܵܬ̣ܵܟ݂ ܡ̣ܢ ܓܵܘܵܟ݂: ܘܐܲܚܪܸܒ̣ ܡܕ݂ܝܼ̈ܢܵܬ̣ܵܟ݂. [No book]
[15]ܘܐܸܥܒܸ̇ܕ݂ ܒܪܘܼܓ̣ܙܵܐ ܘܲܒ̣ܚܸܡܬ̣ܵܐ ܦܘܼܪܥܵܢܵܐ ܡ̣ܢ ܥܲܡܡܹ̈ܐ ܐܲܝܠܹܝܢ ܕܠܵܐ ܫ̣ܡܲܥܘ. [No book]
Source: www.earlychristianwritings.com
Top