➖ »
«
➖ ➕
Peshitta OT
PesOT
Tregelles’ 2nd ed. from Alexandrinus, et al (1879)
Tregelles GNT
   
Nahum
Nah
1
→
[1]ܡܚܘܿܬ̣ܵܐ ܕܢܝܼܢܘܹܐ ܕܲܒ̣ܣܸܦܪܵܐ ܕܚܸܙܘܵܢܹ̈ܐ ܕܢܵܚܘܿܡ ܐܲܠܩܘܿܫܵܝܵܐ. [No book]
[2]ܐܲܠܵܗܵܐ ܛܲܢܵܢܵܐ ܘܬ̣ܵܒ̣ܘܿܥܵܐ ܡܵܪܝܵܐ: ܬܵܒ̇ܲܥ ܡܵܪܝܵܐ ܒܪܘܼܓ̣ܙܵܐ: ܬܵܒܲܥ ܡܵܪܝܵܐ ܡ̣ܢ ܣܵܢܐܵܘ̈ܗܝ: ܘܢܵܛ̇ܲܪ ܠܲܒ̣ܥܸܠܕ̇ܒ̣ܵܒ̣ܵܘ̈ܗܝ. [No book]
[3]ܢܲܓܝܼܪܵܐ ܪܘܼܚܹܗ ܕܡܵܪܝܵܐ: ܘܣܲܓ̇ܝܼ ܚܲܝܠܹܗ: ܘܲܡܙܲܟܵܝܘܼ ܠܵܐ ܡܙܲܟܸ̇ܐ: ܡܵܪܝܵܐ ܒܥܲܠܥܵܠܵܐ ܘܲܒ̣ܟ݂ܘܿܟ݂ܝܼܬ̣ܵܐ ܐܘܼܪܚܹܗ: ܘܲܥܢܵܢܹ̈ܐ ܚܸܠܵܐ ܕܪܸ̈ܓ̣ܠܵܘܗܝ. [No book]
[4]ܟܵܐܹ̇ܐ ܒܝܲܡܵܐ ܘܡܵܘܒܸ̇ܫ ܠܹܗ: ܘܟ݂ܠܗܘܿܢ ܢܲܗܪ̈ܵܘܵܬ̣ܵܐ ܡܲܚܪܸܒ̣: ܐܲܠܵܬ̤ ܡܲܬ̣ܢܝܼܢ ܘܟܲܪܡ̄ܠܵܐ: ܘܦܸܪܥܵܐ ܕܠܸܒ̣ܢܵܢ ܝܑܼܒܸܫ̣. [No book]
[5]ܛܘܼܪܹ̈ܐ ܙܵܥ̣ܘܼ ܡ̣ܢ ܩܕ݂ܵܡܵܘܗܝ ܘܪ̈ܵܡܵܬ̣ܵܐ ܐܸܬ̣ܦܲܪܲܩ: ܙܵܥܲܬ̤ ܐܲܪܥܵܐ ܡ̣ܢ ܩܕ݂ܵܡܵܘܗܝ: ܬܹܒܹܝܠ ܘܟ݂ܠܗܘܿܢ ܥܵܡܘܿܪܹ̈ܝܗ̇. [No book]
[6]ܩܕ݂ܵܡ ܪܘܼܓ̣ܙܹܗ ܡܲܢ̣ܘܼ ܩܵܐܹ̇ܡ: ܘܡܲܢ̣ܘܼ ܡܣܲܝܒܲܪ ܚܸܡܬ̣ܵܐ ܕܪܘܼܓ̣ܙܹܗ: ܚܸܡܬܹܗ ܝܵܩ̇ܕܵܐ ܐܲܝܟ݂ ܢܘܼܪܵܐ: ܘܛܘܼܪܹ̈ܐ ܐܸܬ̣ܦܲܫܲܪܘ ܡܸܢܹܗ. [No book]
[7]ܛܵܒ̣ ܗ̄ܘܼ ܡܵܪܝܵܐ ܠܲܡܣܲܝܵܥܘܼ ܒܝܵܘܡܵܐ ܕܐܘܼܠܨܵܢܵܐ: ܘܝܵܕܲܥ̇ ܠܐܲܝܠܹܝܢ ܕܲܬ̣ܟ݂ܝܼܠܝܼܢ ܥܠܵܘܗܝ. [No book]
[8]ܘܒܲܓ̣ܪܘܼܦܝܵܐ ܥܵܒܹ̇ܕ݂ ܓܡܘܼܪܝܵܐ. ܢܸܥܒܲܪ ܠܐܲܬ̣ܪܹܗ: ܘܠܲܒ̣ܥܸܠܕ̇ܒ̣ܵܒ̣ܵܘ̈ܗܝ ܢܸܪܕ̇ܘܿܦ ܚܸܫܘܿܟ݂ܵܐ. [No book]
[9]ܡܵܢܵܐ ܡܸܬ̣ܚܲܫܒ̣ܝܼܢ ܐ̄ܢܬ̇ܘܿܢ ܥܲܠ ܡܵܪܝܵܐ: ܕܲܓ̣ܡܘܼܪܝܵܐ ܥܵܒܹ̇ܕ݂: ܘܠܵܐ ܢܩܘܼܡ ܕܬܲܪܬܹ̇ܝܢ ܙܲܒ̣ܢܝܼ̈ܢ ܐܘܼܠܨܵܢܵܐ. [No book]
[10]ܡܸܛܠ ܕܲܥܕܲܡܵܐ ܠܫܲܠܝܼܛܵܢܲܝ̈ܗܘܿܢ ܡܵܪܘܿܕ݂ܝܼܢ: ܘܲܒ̣ܪܵܘܵܝܘܼܬ̣ܗܘܿܢ ܪܘܹܝܢ: ܘܐܸܟܲܠ̣ܘ ܘܐܸܬ̣ܡ̱ܠܝܼܘ ܚܲܒ̇ܬ̣ܵܐ ܝܲܒ̇ܝܼܫܬܵܐ. [No book]
[11]ܡܸܢܹܟ݂ܝ ܢܸܦܘܿܩ ܕܡܸܬ̣ܚܲܫܲܒ̣ ܒܝܼܫܬܵܐ ܥܲܠ ܡܵܪܝܵܐ: ܘܡܸܬ̣ܪܲܥܸܐ ܥܵܘܼܠܵܐ. [No book]
[12]ܗܵܟܲܢܵܐ ܐܵܡ̇ܲܪ ܡܵܪܝܵܐ: ܥܲܠ ܪܹ̈ܫܲܝ ܡܲـ̈ـܝܵܐ ܣܲܓ̇ܝܼ̈ܐܹܐ ܕܓܲܪܘ ܘܲܥ̣ܒܲܪܘ: ܘܕܲܥܢܹܝܬܹܟ݂ܝ ܬܘܼܒ̣ ܠܵܐ ܐܸܥܢܹܝܟ݂ܝ. [No book]
[13]ܡܸܟܹ̇ܝܠ ܐܸܬ̣ܒܲܪ ܢܝܼܪܹܗ ܡܸܢܹܟ݂ܝ: ܘܲܚܢܵܩܲܝ̈ܟ̇ܝ ܐܹܦܲܣܸܩ. [No book]
[14]ܘܢܸܦܩܘܿܕ݂ ܥܠܲܝܟ̇ܝ ܡܵܪܝܵܐ: ܘܠܵܐ ܢܸܙܕ̇ܪܲܥ ܬܘܼܒ̣ ܡ̣ܢ ܫܡܹܟ݂ܝ ܒܹܝܬ̣ ܐܲܠܵܗܹܟ݂ܝ: ܘܐܵܘܒܸ̇ܕ݂ ܓܠܝܼ̈ܦܹܐ ܘܲܢܣܝܼܟܹ̈ܐ: ܘܐܸܥܒ̇ܕ݂ܝܼܘܗܝ ܩܲܒ̣ܪܹܟ݂ܝ ܒܲܥܓܲܠ. [No book]
[15]ܗܵܐ ܥܲܠ ܛܘܼܪܹ̈ܐ ܪܸ̈ܓ̣ܠܵܘܗܝ ܕܲܡܣܲܒ̇ܪܵܢܵܐ: ܘܲܕ݂ܡܲܫܡܲܥ ܫܠܵܡܵܐ. ܥܒܸܕ݂ ܝܑܼܗܘܼܕ݂ܵܐ ܥܹܐܕܲܝ̈ܟ ܘܫܲܠܸܡ ܢܸܕ݂ܪ̈ܲܝܟ: ܡܸܛܠ ܕܠܵܐ ܡܵܘܣܸܦ ܬܘܼܒ̣ ܠܡܸܥܒܲܕ݂ ܒܵܟ݂ ܥܵܘܼܠܵܐ: ܡܸܛܠ ܕܟ݂ܠܹܗ ܐܹܒܲܕ݂. [No book]
Author: Samuel Prideaux Tregelles, LL. D. (1813–1875)
Source: www.hagiascriptura.com

See information...
Top