➖ »
«
➖ ➕
Aleppo Codex (~920)
Alep
The Acts of Thomas
ActThom
←
Nehemiah
Neh
8
→
[1]ויאספו כל העם כאיש אחד אל הרחוב אשר לפני שער המים ויאמרו לעזרא הספר־להביא את ספר תורת משה אשר צוה יהוה את ישראל [No book]
[2]ויביא עזרא הכהן את התורה לפני הקהל מאיש ועד אשה וכל מבין לשמע־ביום אחד לחדש השביעי [No book]
[3]ויקרא בו לפני הרחוב אשר לפני שער המים מן האור עד מחצית היום־נגד האנשים והנשים והמבינים ואזני כל העם אל ספר התורה [No book]
[4]ויעמד עזרא הספר על מגדל עץ אשר עשו לדבר ויעמד אצלו מתתיה ושמע ועניה ואוריה וחלקיה ומעשיה על ימינו ומשמאלו פדיה ומישאל ומלכיה וחשם וחשבדנה־זכריה משלם [No book]
[5]ויפתח עזרא הספר לעיני כל העם כי מעל כל העם היה וכפתחו עמדו כל העם [No book]
[6]ויברך עזרא את יהוה האלהים הגדול ויענו כל העם אמן אמן במעל ידיהם ויקדו וישתחוו ליהוה אפים ארצה [No book]
[7]וישוע ובני ושרביה ימין עקוב שבתי הודיה מעשיה קליטא עזריה יוזבד חנן פלאיה והלוים־מבינים את העם לתורה והעם על עמדם [No book]
[8]ויקראו בספר בתורת האלהים מפרש ושום שכל ויבינו במקרא [No book]
[9]ויאמר נחמיה הוא התרשתא ועזרא הכהן הספר והלוים המבינים את העם לכל העם היום קדש הוא ליהוה אלהיכם־אל תתאבלו ואל תבכו כי בוכים כל העם כשמעם את דברי התורה [No book]
[10]ויאמר להם לכו אכלו משמנים ושתו ממתקים ושלחו מנות לאין נכון לו־כי קדוש היום לאדנינו ואל תעצבו כי חדות יהוה היא מעזכם [No book]
[11]והלוים מחשים לכל העם לאמר הסו־כי היום קדש ואל תעצבו [No book]
[12]וילכו כל העם לאכל ולשתות ולשלח מנות ולעשות שמחה גדולה כי הבינו בדברים אשר הודיעו להם [No book]
[13]וביום השני נאספו ראשי האבות לכל העם הכהנים והלוים אל עזרא הספר־ולהשכיל אל דברי התורה [No book]
[14]וימצאו כתוב בתורה אשר צוה יהוה ביד משה אשר ישבו בני ישראל בסכות בחג בחדש השביעי [No book]
[15]ואשר ישמיעו ויעבירו קול בכל עריהם ובירושלם לאמר־צאו ההר והביאו עלי זית ועלי עץ שמן ועלי הדס ועלי תמרים ועלי עץ עבת לעשת סכת ככתוב [No book]
[16]ויצאו העם ויביאו ויעשו להם סכות איש על גגו ובחצרתיהם ובחצרות בית האלהים־וברחוב שער המים וברחוב שער אפרים [No book]
[17]ויעשו כל הקהל השבים מן השבי סכות וישבו בסכות־כי לא עשו מימי ישוע בן נון כן בני ישראל עד היום ההוא ותהי שמחה גדולה מאד [No book]
[18]ויקרא בספר תורת האלהים יום ביום־מן היום הראשון עד היום האחרון ויעשו חג שבעת ימים וביום השמיני עצרת כמשפט [No book]
Source: unbound.biola.edu
Top