➖ »
«
➖ ➕
Vulgata Clementina (1592)
Vul
The First Book of Clement
1Clem
   
Numbers
Num
1
→
[1]Locutusque est Dominus ad Moysen in deserto Sinai in tabernaculo fœderis, prima die mensis secundi, anno altero egressionis eorum ex Ægypto, dicens: [No book]
[2]Tollite summam universæ congregationis filiorum Israël per cognationes et domos suas, et nomina singulorum, quidquid sexus est masculini [No book]
[3]a vigesimo anno et supra, omnium virorum fortium ex Israël, et numerabitis eos per turmas suas, tu et Aaron. [No book]
[4]Eruntque vobiscum principes tribuum ac domorum in cognationibus suis, [No book]
[5]quorum ista sunt nomina: de Ruben, Elisur, filius Sedeur; [No book]
[6]de Simeon, Salamiel filius Surisaddai; [No book]
[7]de Juda, Nahasson filius Aminadab; [No book]
[8]de Issachar, Nathanaël filius Suar; [No book]
[9]de Zabulon, Eliab filius Helon; [No book]
[10]filiorum autem Joseph, de Ephraim, Elisama filius Ammiud; de Manasse, Gamaliel filius Phadassur; [No book]
[11]de Benjamin, Abidan filius Gedeonis; [No book]
[12]de Dan, Ahiezer filius Ammisaddai; [No book]
[13]de Aser, Phegiel filius Ochran; [No book]
[14]de Gad, Eliasaph filius Duel; [No book]
[15]de Nephthali, Ahira filius Enan. [No book]
[16]Hi nobilissimi principes multitudinis per tribus et cognationes suas, et capita exercitus Israël, [No book]
[17]quos tulerunt Moyses et Aaron cum omni vulgi multitudine: [No book]
[18]et congregaverunt primo die mensis secundi, recensentes eos per cognationes, et domos, ac familias, et capita, et nomina singulorum a vigesimo anno et supra, [No book]
[19]sicut præceperat Dominus Moysi. Numeratique sunt in deserto Sinai. [No book]
[20]De Ruben primogenito Israëlis per generationes et familias ac domos suas, et nomina capitum singulorum, omne quod sexus est masculini a vigesimo anno et supra, procedentium ad bellum, [No book]
[21]quadraginta sex millia quingenti. [No book]
[22]De filiis Simeon per generationes et familias ac domos cognationum suarum recensiti sunt per nomina et capita singulorum, omne quod sexus est masculini a vigesimo anno et supra, procedentium ad bellum, [No book]
[23]quinquaginta novem millia trecenti. [No book]
[24]De filiis Gad per generationes et familias ac domos cognationum suarum recensiti sunt per nomina singulorum a viginti annis et supra, omnes qui ad bella procederent, [No book]
[25]quadraginta quinque millia sexcenti quinquaginta. [No book]
[26]De filiis Juda per generationes et familias ac domos cognationum suarum, per nomina singulorum a vigesimo anno et supra, omnes qui poterant ad bella procedere, [No book]
[27]recensiti sunt septuaginta quatuor millia sexcenti. [No book]
[28]De filiis Issachar, per generationes et familias ac domos cognationum suarum, per nomina singulorum a vigesimo anno et supra, omnes qui ad bella procederent, [No book]
[29]recensiti sunt quinquaginta quatuor millia quadringenti. [No book]
[30]De filiis Zabulon per generationes et familias ac domos cognationum suarum recensiti sunt per nomina singulorum a vigesimo anno et supra, omnes qui poterant ad bella procedere, [No book]
[31]quinquaginta septem millia quadringenti. [No book]
[32]De filiis Joseph, filiorum Ephraim per generationes et familias ac domos cognationum suarum recensiti sunt per nomina singulorum a vigesimo anno et supra, omnes qui poterant ad bella procedere, [No book]
[33]quadraginta millia quingenti. [No book]
[34]Porro filiorum Manasse per generationes et familias ac domos cognationum suarum recensiti sunt per nomina singulorum a viginti annis et supra, omnes qui poterant ad bella procedere, [No book]
[35]triginta duo millia ducenti. [No book]
[36]De filiis Benjamin per generationes et familias ac domos cognationum suarum recensiti sunt nominibus singulorum a vigesimo anno et supra, omnes qui poterant ad bella procedere, [No book]
[37]triginta quinque millia quadringenti. [No book]
[38]De filiis Dan per generationes et familias ac domos cognationum suarum recensiti sunt nominibus singulorum a vigesimo anno et supra, omnes qui poterant ad bella procedere, [No book]
[39]sexaginta duo millia septingenti. [No book]
[40]De filiis Aser per generationes et familias ac domos cognationum suarum recensiti sunt per nomina singulorum a vigesimo anno et supra, omnes qui poterant ad bella procedere, [No book]
[41]quadraginta millia et mille quingenti. [No book]
[42]De filiis Nephthali per generationes et familias ac domos cognationum suarum recensiti sunt nominibus singulorum a vigesimo anno et supra, omnes qui poterant ad bella procedere, [No book]
[43]quinquaginta tria millia quadringenti. [No book]
[44]Hi sunt, quos numeraverunt Moyses et Aaron, et duodecim principes Israël, singulos per domos cognationum suarum. [No book]
[45]Fueruntque omnis numerus filiorum Israël per domos et familias suas a vigesimo anno et supra, qui poterant ad bella procedere, [No book]
[46]sexcenta tria millia virorum quingenti quinquaginta. [No book]
[47]Levitæ autem in tribu familiarum suarum non sunt numerati cum eis. [No book]
[48]Locutusque est Dominus ad Moysen, dicens: [No book]
[49]Tribum Levi noli numerare, neque pones summam eorum cum filiis Israël: [No book]
[50]sed constitue eos super tabernaculum testimonii et cuncta vasa ejus, et quidquid ad cæremonias pertinet. Ipsi portabunt tabernaculum et omnia utensilia ejus: et erunt in ministerio, ac per gyrum tabernaculi metabuntur. [No book]
[51]Cum proficiscendum fuerit, deponent Levitæ tabernaculum; cum castrametandum, erigent. Quisquis externorum accesserit, occidetur. [No book]
[52]Metabuntur autem castra filii Israël unusquisque per turmas et cuneos atque exercitum suum. [No book]
[53]Porro Levitæ per gyrum tabernaculi figent tentoria, ne fiat indignatio super multitudinem filiorum Israël, et excubabunt in custodiis tabernaculi testimonii. [No book]
[54]Fecerunt ergo filii Israël juxta omnia quæ præceperat Dominus Moysi. [No book]
Source: unbound.biola.edu
 Translation: Charles H. Hoole (1885)
Source: www.earlychristianwritings.com
Top