|
|
| [1]Locutus est Dominus ad Moysen, dicens: |
[No book] |
| [2]Loquere ad filios Israël, et dices ad eos: Cum ingressi fueritis terram habitationis vestræ, quam ego dabo vobis, |
[No book] |
| [3]et feceritis oblationem Domino in holocaustum, aut victimam, vota solventes, vel sponte offerentes munera, aut in solemnitatibus vestris adolentes odorem suavitatis Domino, de bobus sive de ovibus: |
[No book] |
| [4]offeret quicumque immolaverit victimam, sacrificium similæ, decimam partem ephi, conspersæ oleo, quod mensuram habebit quartam partem hin: |
[No book] |
| [5]et vinum ad liba fundenda ejusdem mensuræ dabit in holocaustum sive in victimam. Per agnos singulos |
[No book] |
| [6]et arietes erit sacrificium similæ duarum decimarum, quæ conspersa sit oleo tertiæ partis hin: |
[No book] |
| [7]et vinum ad libamentum tertiæ partis ejusdem mensuræ offeret in odorem suavitatis Domino. |
[No book] |
| [8]Quando vero de bobus feceris holocaustum aut hostiam, ut impleas votum vel pacificas victimas, |
[No book] |
| [9]dabis per singulos boves similæ tres decimas conspersæ oleo, quod habeat medium mensuræ hin: |
[No book] |
| [10]et vinum ad liba fundenda ejusdem mensuræ in oblationem suavissimi odoris Domino. |
[No book] |
| [11]Sic facies |
[No book] |
| [12]per singulos boves et arietis et agnos et hædos. |
[No book] |
| [13]Tam indigenæ quam peregrini |
[No book] |
| [14]eodem ritu offerent sacrificia. |
[No book] |
| [15]Unum præceptum erit atque judicium tam vobis quam advenis terræ. |
[No book] |
| [16]Locutus est Dominus ad Moysen, dicens: |
[No book] |
| [17]Loquere filiis Israël, et dices ad eos: |
[No book] |
| [18]Cum veneritis in terram, quam dabo vobis, |
[No book] |
| [19]et comederitis de panibus regionis illius, separabitis primitias Domino |
[No book] |
| [20]de cibis vestris. Sicut de areis primitias separatis, |
[No book] |
| [21]ita et de pulmentis dabitis primitiva Domino. |
[No book] |
| [22]Quod si per ignorantiam præterieritis quidquam horum, quæ locutus est Dominus ad Moysen, |
[No book] |
| [23]et mandavit per eum ad vos, a die qua cœpit jubere et ultra, |
[No book] |
| [24]oblitaque fuerit facere multitudo: offeret vitulum de armento, holocaustum in odorem suavissimum Domino, et sacrificum ejus ac liba, ut cæremoniæ postulant, hircumque pro peccato: |
[No book] |
| [25]et rogabit sacerdos pro omni multitudine filiorum Israël, et dimittetur eis, quoniam non sponte peccaverunt, nihilominus offerentes incensum Domino pro se et pro peccato atque errore suo: |
[No book] |
| [26]et dimittetur universæ plebi filiorum Israël, et advenis qui peregrinantur inter eos: quoniam culpa est omnis populi per ignorantiam. |
[No book] |
| [27]Quod si anima una nesciens peccaverit, offeret capram anniculam pro peccato suo: |
[No book] |
| [28]et deprecabitur pro ea sacerdos, quod inscia peccaverit coram Domino: impetrabitque ei veniam, et dimittetur illi. |
[No book] |
| [29]Tam indigenis quam advenis una lex erit omnium, qui peccaverint ignorantes. |
[No book] |
| [30]Anima vero, quæ per superbiam aliquid commiserit, sive civis sit ille, sive peregrinus (quoniam adversus Dominum rebellis fuit), peribit de populo suo: |
[No book] |
| [31]verbum enim Domini contempsit, et præceptum illius fecit irritum: idcirco delebitur, et portabit iniquitatem suam. |
[No book] |
| [32]Factum est autem, cum essent filii Israël in solitudine, et invenissent hominem colligentem ligna in die sabbati, |
[No book] |
| [33]obtulerunt eum Moysi et Aaron et universæ multitudini. |
[No book] |
| [34]Qui recluserunt eum in carcerem, nescientes quid super eo facere deberent. |
[No book] |
| [35]Dixitque Dominus ad Moysen: Morte moriatur homo iste: obruat eum lapidibus omnis turba extra castra. |
[No book] |
| [36]Cumque eduxissent eum foras, obruerunt lapidibus, et mortuus est, sicut præceperat Dominus. |
[No book] |
| [37]Dixit quoque Dominus ad Moysen: |
[No book] |
| [38]Loquere filiis Israël, et dices ad eos ut faciant sibi fimbrias per angulos palliorum, ponentes in eis vittas hyacinthinas: |
[No book] |
| [39]quas cum viderint, recordentur omnium mandatorum Domini, nec sequantur cogitationes suas et oculos per res varias fornicantes, |
[No book] |
| [40]sed magis memores præceptorum Domini faciant ea, sintque sancti Deo suo. |
[No book] |
| [41]Ego Dominus Deus vester, qui eduxi vos de terra Ægypti, ut essem Deus vester. |
[No book] |