➖ »
«
➖ ➕
Aleppo Codex (~920)
Alep
Epistle to the Laodiceans (Latin)
Lao[LA]
←
Numbers
Num
18
→
[1]ויאמר יהוה אל אהרן אתה ובניך ובית אביך אתך תשאו את עון המקדש ואתה ובניך אתך תשאו את עון כהנתכם [No book]
[2]וגם את אחיך מטה לוי שבט אביך הקרב אתך וילוו עליך וישרתוך ואתה ובניך אתך לפני אהל העדת [No book]
[3]ושמרו משמרתך ומשמרת כל האהל אך אל כלי הקדש ואל המזבח לא יקרבו ולא ימתו גם הם גם אתם [No book]
[4]ונלוו עליך־ושמרו את משמרת אהל מועד לכל עבדת האהל וזר לא יקרב אליכם [No book]
[5]ושמרתם את משמרת הקדש ואת משמרת המזבח ולא יהיה עוד קצף על בני ישראל [No book]
[6]ואני הנה לקחתי את אחיכם הלוים מתוך בני ישראל־לכם מתנה נתנים ליהוה לעבד את עבדת אהל מועד [No book]
[7]ואתה ובניך אתך תשמרו את כהנתכם לכל דבר המזבח ולמבית לפרכת־ועבדתם עבדת מתנה אתן את כהנתכם והזר הקרב יומת [No book]
[8]וידבר יהוה אל אהרן ואני הנה נתתי לך את משמרת תרומתי לכל קדשי בני ישראל לך נתתים למשחה ולבניך־לחק עולם [No book]
[9]זה יהיה לך מקדש הקדשים מן האש כל קרבנם לכל מנחתם ולכל חטאתם ולכל אשמם אשר ישיבו לי־קדש קדשים לך הוא ולבניך [No book]
[10]בקדש הקדשים תאכלנו כל זכר יאכל אתו קדש יהיה לך [No book]
[11]וזה לך תרומת מתנם לכל תנופת בני ישראל־לך נתתים ולבניך ולבנתיך אתך לחק עולם כל טהור בביתך יאכל אתו [No book]
[12]כל חלב יצהר וכל חלב תירוש ודגן־ראשיתם אשר יתנו ליהוה לך נתתים [No book]
[13]בכורי כל אשר בארצם אשר יביאו ליהוה־לך יהיה כל טהור בביתך יאכלנו [No book]
[14]כל חרם בישראל לך יהיה [No book]
[15]כל פטר רחם לכל בשר אשר יקריבו ליהוה באדם ובבהמה־יהיה לך אך פדה תפדה את בכור האדם ואת בכור הבהמה הטמאה תפדה [No book]
[16]ופדויו מבן חדש תפדה בערכך כסף חמשת שקלים בשקל הקדש עשרים גרה הוא [No book]
[17]אך בכור שור או בכור כשב או בכור עז לא תפדה־קדש הם את דמם תזרק על המזבח ואת חלבם תקטיר־אשה לריח ניחח ליהוה [No book]
[18]ובשרם יהיה לך כחזה התנופה וכשוק הימין לך יהיה [No book]
[19]כל תרומת הקדשים אשר ירימו בני ישראל ליהוה־נתתי לך ולבניך ולבנתיך אתך לחק עולם ברית מלח עולם הוא לפני יהוה לך ולזרעך אתך [No book]
[20]ויאמר יהוה אל אהרן בארצם לא תנחל וחלק לא יהיה לך בתוכם אני חלקך ונחלתך בתוך בני ישראל [No book]
[21]ולבני לוי הנה נתתי כל מעשר בישראל לנחלה חלף עבדתם אשר הם עבדים את עבדת אהל מועד [No book]
[22]ולא יקרבו עוד בני ישראל אל אהל מועד לשאת חטא למות [No book]
[23]ועבד הלוי הוא את עבדת אהל מועד והם ישאו עונם חקת עולם לדרתיכם ובתוך בני ישראל לא ינחלו נחלה [No book]
[24]כי את מעשר בני ישראל אשר ירימו ליהוה תרומה נתתי ללוים לנחלה על כן אמרתי להם בתוך בני ישראל לא ינחלו נחלה [No book]
[25]וידבר יהוה אל משה לאמר [No book]
[26]ואל הלוים תדבר ואמרת אלהם כי תקחו מאת בני ישראל את המעשר אשר נתתי לכם מאתם בנחלתכם־והרמתם ממנו תרומת יהוה מעשר מן המעשר [No book]
[27]ונחשב לכם תרומתכם־כדגן מן הגרן וכמלאה מן היקב [No book]
[28]כן תרימו גם אתם תרומת יהוה מכל מעשרתיכם אשר תקחו מאת בני ישראל ונתתם ממנו את תרומת יהוה לאהרן הכהן [No book]
[29]מכל מתנתיכם תרימו את כל תרומת יהוה מכל חלבו־את מקדשו ממנו [No book]
[30]ואמרת אלהם בהרימכם את חלבו ממנו ונחשב ללוים כתבואת גרן וכתבואת יקב [No book]
[31]ואכלתם אתו בכל מקום אתם וביתכם כי שכר הוא לכם חלף עבדתכם באהל מועד [No book]
[32]ולא תשאו עליו חטא בהרימכם את חלבו ממנו ואת קדשי בני ישראל לא תחללו ולא תמותו [No book]
Source: unbound.biola.edu
Top