➖ »
«
➖ ➕
Aleppo Codex (~920)
Alep
Peshitta NT (Etheridge, 1849)
PesNT(Eth)
←
Numbers
Num
20
→
[1]ויבאו בני ישראל כל העדה מדבר צן בחדש הראשון וישב העם בקדש ותמת שם מרים ותקבר שם [No book]
[2]ולא היה מים לעדה ויקהלו על משה ועל אהרן [No book]
[3]וירב העם עם משה ויאמרו לאמר ולו גוענו בגוע אחינו לפני יהוה [No book]
[4]ולמה הבאתם את קהל יהוה אל המדבר הזה למות שם אנחנו ובעירנו [No book]
[5]ולמה העליתנו ממצרים להביא אתנו אל המקום הרע הזה לא מקום זרע ותאנה וגפן ורמון ומים אין לשתות [No book]
[6]ויבא משה ואהרן מפני הקהל אל פתח אהל מועד ויפלו על פניהם וירא כבוד יהוה אליהם [No book]
[7]וידבר יהוה אל משה לאמר [No book]
[8]קח את המטה והקהל את העדה אתה ואהרן אחיך ודברתם אל הסלע לעיניהם ונתן מימיו והוצאת להם מים מן הסלע והשקית את העדה ואת בעירם [No book]
[9]ויקח משה את המטה מלפני יהוה כאשר צוהו [No book]
[10]ויקהלו משה ואהרן את הקהל־אל פני הסלע ויאמר להם שמעו נא המרים־המן הסלע הזה נוציא לכם מים [No book]
[11]וירם משה את ידו ויך את הסלע במטהו־פעמים ויצאו מים רבים ותשת העדה ובעירם [No book]
[12]ויאמר יהוה אל משה ואל אהרן יען לא האמנתם בי להקדישני לעיני בני ישראל־לכן לא תביאו את הקהל הזה אל הארץ אשר נתתי להם [No book]
[13]המה מי מריבה אשר רבו בני ישראל את יהוה ויקדש בם [No book]
[14]וישלח משה מלאכים מקדש אל מלך אדום כה אמר אחיך ישראל אתה ידעת את כל התלאה אשר מצאתנו [No book]
[15]וירדו אבתינו מצרימה ונשב במצרים ימים רבים וירעו לנו מצרים ולאבתינו [No book]
[16]ונצעק אל יהוה וישמע קלנו וישלח מלאך ויצאנו ממצרים והנה אנחנו בקדש עיר קצה גבולך [No book]
[17]נעברה נא בארצך לא נעבר בשדה ובכרם ולא נשתה מי באר דרך המלך נלך לא נטה ימין ושמאול עד אשר נעבר גבלך [No book]
[18]ויאמר אליו אדום לא תעבר בי־פן בחרב אצא לקראתך [No book]
[19]ויאמרו אליו בני ישראל במסלה נעלה ואם מימיך נשתה אני ומקני ונתתי מכרם רק אין דבר ברגלי אעברה [No book]
[20]ויאמר לא תעבר ויצא אדום לקראתו בעם כבד וביד חזקה [No book]
[21]וימאן אדום נתן את ישראל עבר בגבלו ויט ישראל מעליו [No book]
[22]ויסעו מקדש ויבאו בני ישראל כל העדה הר ההר [No book]
[23]ויאמר יהוה אל משה ואל אהרן בהר ההר על גבול ארץ אדום לאמר [No book]
[24]יאסף אהרן אל עמיו כי לא יבא אל הארץ אשר נתתי לבני ישראל־על אשר מריתם את פי למי מריבה [No book]
[25]קח את אהרן ואת אלעזר בנו והעל אתם הר ההר [No book]
[26]והפשט את אהרן את בגדיו והלבשתם את אלעזר בנו ואהרן יאסף ומת שם [No book]
[27]ויעש משה כאשר צוה יהוה ויעלו אל הר ההר לעיני כל העדה [No book]
[28]ויפשט משה את אהרן את בגדיו וילבש אתם את אלעזר בנו וימת אהרן שם בראש ההר וירד משה ואלעזר מן ההר [No book]
[29]ויראו כל העדה כי גוע אהרן ויבכו את אהרן שלשים יום כל בית ישראל [No book]
Source: unbound.biola.edu
 Translation: J. W. Etheridge (1849)
Source: studybible.info
Top