➖ »
«
➖ ➕
Peshitta OT
PesOT
The Second Book of Clement
2Clem
←
Numbers
Num
20
→
[1]ܘܐܸܬ̣ܵܘ ܒ̈ܢܲܝ ܝܼܣܪܵܝܹܠ ܟܠܵܗ̇ ܟܢܘܼܫܬܵܐ ܠܡܲܕ݂ܒ̇ܪܵܐ ܕܨܝܼܢ ܒܝܲܪܚܵܐ ܩܲܕ݂ܡܵܝܵܐ: ܘܝܼܬܸܒ̣ ܥܲܡܵܐ ܒܲܪܩܸܡ: ܘܡܝܼܬ̇ܬ̤ ܬܲܡܵܢ ܡܲܪܝܲܡ. ܘܐܸܬ̣ܩܲܒ̣ܪܲܬ̣ ܬܲܡܵܢ. [No book]
[2]ܘܠܲܝܬ̇ ܗ̄ܘ̣ܵܐ ܡܲـ̈ـܝܵܐ ܠܥܲܡܵܐ ܕܢܸܫܬܸ̇ܐ: ܘܐܸܬ̣ܟܲܢܫܘ ܥܲܡܵܐ ܥܲܠ ܡܘܼܫܹܐ ܘܥܲܠ ܐܲܗܪܘܿܢ. [No book]
[3]ܘܲܢܨܵܘ ܥܲܡܵܐ ܡܘܼܫܹܐ ܘܥܲܡ ܐܲܗܪܘܿܢ: ܘܐܸܡܲܪܘ ܠܗܘܿܢ: ܐܸܫܬ̇ܘܿܦ ܕܹܝܢ ܡܝܼܬ̣ܢ ܒܡܵܘܬܵܢܵܐ ܕܐܲܚܲܝ̈ܢ ܩܕ݂ܵܡ ܡܵܪܝܵܐ. [No book]
[4]ܠܡܵܢܵܐ ܐܲܝܬ̇ܝܼܬ̇ܘܿܢ ܟܢܘܼܫܬܹ̇ܗ ܕܡܵܪܝܵܐ ܠܡܲܕ݂ܒ̇ܪܵܐ ܗܵܢܵܐ: ܕܲܢܡܘܼܬ̣ ܬܢܵܢ ܚܢܲܢ ܘܲܒ̣ܥܝܼܪܲܢ. [No book]
[5]ܘܲܠܡܵܢܵܐ ܐܲܣܸܩܬ̇ܘܿܢܵܢ ܡ̣ܢ ܡܸܨܪܹܝܢ: ܘܐܲܝܬ̇ܝܼܬ̇ܘܼܢܵܢ ܠܐܲܬ̣ܪܵܐ ܗܵܢܵܐ ܒܝܼܫܵܐ: ܠܵܐ ܐܲܬ̣ܪܵܐ ܕܒܹܝܬ̣ ܙܲܪܥܵܐ: ܘܐܵܦܠܵܐ ܕܓ̣ܘܼܦ̈ܢܹܐ: ܘܬܹܐܢܹ̈ܐ: ܘܪ̈ܘܼܡܵܢܹܐ: ܘܐܵܦܠܵܐ ܡܲـ̈ـܝܵܐ ܠܡܸܫܬܵܐ. [No book]
[6]ܘܐܸܬ̣ܵܘ ܡܘܼܫܹܐ ܘܐܲܗܪܘܿܢ ܡ̣ܢ ܩܕ݂ܵܡ ܟܢܘܼܫܬܵܐ: ܠܬܲܪܥܵܐ ܕܡܲܫܟܲܢܙܲܒ̣ܢܵܐ: ܘܲܢܦܲܠܘ ܥܲܠ ܐܲܦܲܝ̈ܗܘܿܢ: ܘܐܸܬܓ̇ܠܝܼ ܥܠܲܝܗܘܿܢ ܫܘܼܒ̣ܚܹܗ ܕܡܵܪܝܵܐ. [No book]
[7]ܘܡܲܠܸܠ ܡܵܪܝܵܐ ܥܲܡ ܡܘܼܫܹܐ: ܘܐܸܡܲܪ ܠܹܗ. [No book]
[8]ܣܲܒ̣ ܠܵܟ݂ ܫܲܒ̣ܛܵܐ: ܘܲܟ݂ܢܘܼܫ ܟܢܘܼܫܬܵܐ ܐܲܢ̄ܬ̇ ܘܐܲܗܪܘܿܢ ܐܲܚܘܼܟ݂: ܘܡܲܠܸܠ ܥܲܠ ܟܹܐܦܵܐ ܠܥܹܢܲܝܗܘܿܢ: ܘܬܸܬܸ̇ܠ ܡܹܝ̈ܗ̇: ܘܐܲܦܸܩ ܠܗܘܿܢ ܡܲـ̈ـܝܵܐ ܡ̣ܢ ܟܹܐܦܵܐ: ܘܐܲܫܩܵܗ̇ ܠܲܟ݂ܢܘܼܫܬܵܐ ܘܠܲܒ̣ܥܝܼܪܗܘܿܢ. [No book]
[9]ܘܲܢܣܲܒ̣ ܡܘܼܫܹܐ ܫܲܒ̣ܛܵܐ ܡ̣ܢ ܩܕ݂ܵܡ ܡܵܪܝܵܐ ܐܲܝܟ݂ ܕܦܲܩܕܹܗ. [No book]
[10]ܘܟܲܢܸܫܘ ܡܘܼܫܹܐ ܘܐܲܗܪܘܿܢ ܠܟ݂ܠܵܗ̇ ܟܢܘܼܫܬܵܐ ܠܘܵܬ̣ ܟܹܐܦܵܐ: ܘܐܸܡܲܪ ܠܗܘܿܢ: ܫܡܲܥܘ ܗܵܫܵܐ ܡܡܲܪܡܪ̈ܵܢܹܐ: ܡ̣ܢ ܗܵܕܹܐ ܟܹܐܦܵܐ ܢܲܦܩ ܠܟ݂ܘܿܢ ܡܲـ̈ـܝܵܐ. [No book]
[11]ܘܐܲܪܝܼܡ ܡܘܼܫܹܐ ܐܝܼܕܹܗ: ܘܲܡܚܵܗ̇ ܠܟܹܐܦܵܐ ܒܫܲܒ̣ܛܹܗ ܬܲܪܬܹ̇ܝܢ ܙܲܒ̣ܢ̈ܝܼܢ: ܘܲܬܦܲܩ̣ܘ ܡܲـ̈ـܝܵܐ ܣܲܓ̇ܝܼ̈ܐܹܐ: ܘܐܸܫܬ̇ܝܼܘ ܥܲܡܵܐ ܟܠܹܗ: ܘܲܒ̣ܥܝܼܪܗܘܿܢ. [No book]
[12]ܘܐܸܡܲܪ ܡܵܪܝܵܐ ܠܡܘܼܫܹܐ ܘܠܲܐܗܪܘܿܢ: ܥܲܠ ܕܠܵܐ ܗܲܝܡܸܢܬ̇ܘܿܢ ܒܝܼ ܠܲܡܩܲܕܵܫܘܼܬܲܢܝ ܩܕ݂ܵܡ ܒ̈ܢܲܝ ܝܼܣܪܵܝܹܠ: ܡܸܛܠ ܗܵܢܵܐ ܠܵܐ ܬܲܥܠܘܼܢܵܗ̇ ܠܲܟ݂ܢܘܼܫܬܵܐ ܗܵܕܹܐ ܠܐܲܪܥܵܐ ܕܝܸܗ̄ܒܹ̇ܬ̣ ܠܗܘܿܢ. [No book]
[13]ܗܵܠܹܝܢ ܐܸܢܘܿܢ ܡܲـ̈ـܝܵܐ ܕܡܲܨܘܼܬ̣ܵܐ: ܕܲܢܨܵܘ ܒ̈ܢܲܝ ܝܼܣܪܵܝܹܠ ܩܕ݂ܵܡ ܡܵܪܝܵܐ: ܘܐܸܬ̣ܩܲܕܲܫ ܒܗܘܿܢ. [No book]
[14]ܘܫܲܕܲܪ ܡܘܼܫܹܐ ܐܝܼܙ̈ܓܲܕܹܐ ܡ̣ܢ ܪܩܸܡ ܠܘܵܬ̣ ܡܲܠܟܵܐ ܕܐܲܕ݂ܘܿܡ: ܗܵܟܲܢܵܐ ܐܵܡܲܪ ܐܲܚܘܼܟ݂ ܝܼܣܪܵܝܹܠ: ܐܲܢ̄ܬ̇ ܚܵܕܲܥ ܐܲܢ̄ܬ̇ ܟܠܵܗ̇ ܠܹܐܘܬ̣ܵܐ ܕܐܲܕ݂ܪܸܟ݂ܬܲܢ. [No book]
[15]ܘܲܢܚܸܬ̣ܘ ܐܲܒ̣ܵܗܲܝ̈ܢ ܠܡܸܨܪܹܝܢ: ܘܝܸܬ̣ܒ̣̄ܢ ܒܡܸܨܪܹܝܢ ܝܵܘ̈ܡܵܬ̣ܵܐ ܣܲܓ̇ܝܼ̈ܐܹܐ: ܘܐܲܒ̣ܐܸܫܘ ܠܲܢ ܡܸܨܪܵܝܹܐ: ܘܠܲܐܒ̣ܵܗܲܝ̈ܢ. [No book]
[16]ܘܨܲܠܝܼܢ ܩܕ݂ܵܡ ܡܵܪܝܵܐ ܘܲܫܡܲܥ ܒܩܵܠܲܢ: ܘܫܲܕܲܪ ܡܲܠܲܐܟ݂ܵܐ ܘܐܲܦܩܲܢ ܡ̣ܢ ܡܸܨܪܹܝܢ: ܘܗܵܐ ܚܢܲܢ ܒܲܪܩܸܡ ܩܪܝܼܬ̣ܵܐ ܕܲܒ̣ܣܘܿܦ ܬܚܘܼܡܵܟ݂. [No book]
[17]ܗܵܫܵܐ ܢܸܥܒܲܪ ܒܐܲܪܥܵܟ݂: ܠܵܐ ܢܸܥܒܲܕ݂ ܒܚܲܩܠܵܐ ܘܲܒ̣ܟܲܪܡܵܐ: ܘܠܵܐ ܢܸܫܬܹ̇ܐ ܡ̣ܢ ܡܲـ̈ـܝܵܐ ܕܓ̣ܘܼ̈ܒܹ̇ܐ: ܐܸܠܵܐ ܒܐܘܼܪܚ ܡܲܠܟܵܐ ܢܹܐܙܲܠ: ܘܠܵܐ ܢܸܣܛܹܐ ܠܵܐ ܠܝܲܡܝܼܢܵܐ ܘܠܵܐ ܠܣܸܡܵܠܵܐ: ܥܕܲܡܵܐ ܕܢܸܥܒܲܕ݂ ܬܚܘܼܡܵܟ݂. [No book]
[18]ܘܐܸܡܲܪ ܠܹܗ ܐܲܕ݂ܘܿܡ: ܠܵܐ ܬܸܥܒܲܪ ܒܲܬ̣ܚܘܼܡܝ: ܕܠܵܐ ܒܚܲܪܒܵܐ ܐܸܦܘܿܩ ܠܐܘܼܪܥܵܟ݂. [No book]
[19]ܘܐܸܡܲܪܘ ܠܹܗ ܒ̈ܢܲܝ ܝܼܣܪܵܝܹܠ ܒܲܫܒ̣ܝܼܠܵܐ ܢܸܣܲܩ: ܘܐܸܢ ܡ̣ܢ ܡܲܝ̈ܟ ܢܸܫܬܹ̇ܐ ܚܢܲܢ ܘܲܒ̣ܥܝܼܪܲܢ: ܢܸܬܸ̇ܠ ܕܡܲܝ̈ܗܘܿܢ. ܒܲܠܚܘܿܕ݂ ܒܪܸ̈ܓ̣ܠܲܝܢ ܢܸܥܒܲܪ. [No book]
[20]ܘܐܸܡܲܪ ܠܗܘܿܢ ܐܲܕ݂ܘܿܡ: ܠܵܐ ܬܸܥܒ̇ܪܘܼܢ. ܘܲܢܦܲܩ ܐܲܕ݂ܘܿܡ ܠܐܘܼܪ̱ܥܗܘܿܢ ܒܥܲܡܵܐ ܥܲܫܝܼܢܵܐ: ܘܒ̣ܐܝܼܕ݂ܵܐ ܬܲܩܝܼܦܬܵܐ. [No book]
[21]ܘܠܵܐ ܨܒ̣ܵܐ ܐܲܕ݂ܘܿܡ ܠܡܸܫܒܲܩ ܠܲܒ̣̈ܢܲܝ ܝܼܣܪܵܝܹܠ ܠܡܸܥܒܲܪ ܒܲܬܚܘܼܡܹܗ: ܘܲܣܛܵܐ ܠܹܗ ܝܼܣܪܵܝܹܠ ܡܸܢܹܗ. [No book]
[22]ܘܲܫܩܲܠܘ ܡ̣ܢ ܪܩܸܡ: ܘܐܸܬ̣ܵܘ ܒ̈ܢܲܝ ܝܼܣܪܵܝܹܠ ܟܠܵܗ̇ ܟܢܘܼܫܬܵܐ ܠܗܘܿܪ ܛܘܼܪܵܐ. [No book]
[23]ܘܐܸܡܲܪ ܡܵܪܝܵܐ ܠܡܘܼܫܹܐ ܘܠܲܐܗܪܘܿܢ ܒܗܘܿܪ ܛܘܼܪܵܐ: ܒܲܬ̣ܚܘܼܡܵܐ ܕܐܲܪܥܵܐ ܕܐܲܕ݂ܘܿܡ. [No book]
[24]ܢܸܬ̣ܟ̇ܢܸܫ ܐܲܗܪܘܿܢ ܠܘܵܬ̣ ܥܲܡܹܗ: ܡܸܛܠ ܕܠܵܐ ܢܸܥܘܿܠ ܠܐܲܪܥܵܐ ܕܝܸܗ̄ܒܹ̇ܬ̣ ܠܲܒ̣̈ܢܲܝ ܝܼܣܪܵܝܹܠ: ܥܲܠ ܕܡܲܪܡܲܪܬ̇ܘܿܢ ܡܸܠܲܬ̣ ܦܘܼܡܝ ܒܡܲـ̈ـܝܵܐ ܕܡܲܨܘܼܬ̣ܵܐ: ܘܠܵܐ ܩܲܕܸ̇ܫܬ̇ܘܿܢܵܢܝ ܒܡܲـ̈ـܝܵܐ ܠܥܹܝܢܲܗܘܿܢ. [No book]
[25]ܕܒܲܪ ܠܐܲܗܪܘܿܢ ܘܠܹܐܠܝܼܥܵܙܲܪ ܒܪܹܗ: ܘܐܲܣܸܩ ܐܸܢܘܿܢ ܠܗܘܿܪ ܛܘܼܪܵܐ. [No book]
[26]ܘܐܲܫܠܲܚ ܠܐܲܗܪܘܿܢ ܢܲܚܬܵܘ̈ܗܝ: ܘܐܲܠܒܸ̇ܫ ܐܸܢܘܿܢ ܠܐܹܠܝܼܥܵܙܲܪ ܒܪܹܗ: ܘܐܲܗܪܘܿܢ ܢܸܬ̣ܟ̇ܢܸܫ ܘܲܢܡܘܼܬ̣ ܬܲܡܵܢ. [No book]
[27]ܘܲܥܒܲܕ݂ ܡܘܼܫܹܐ ܐܲܝܟ݂ ܕܦܲܩܕܹܗ ܡܵܪܝܵܐ: ܘܲܣܠܩܘ ܠܗܘܿܪ ܛܘܼܪܵܐ ܠܥܹܝܢ ܟܠܵܗ̇ ܟܢܘܼܫܬܵܐ. [No book]
[28]ܘܐܲܫܠܲܚ ܡܘܼܫܹܐ ܠܐܲܗܪܘܿܢ ܢܲܚܬܵܘ̈ܗܝ: ܘܐܲܠܒܸ̇ܫ ܐܸܢܘܿܢ ܠܐܹܠܝܼܥܵܙܲܪ ܒܪܹܗ. ܘܡܝܼܬ̣ ܬܲܡܵܢ ܐܲܗܪܘܿܢ ܒܗܘܿܪ ܛܘܼܪܵܐ. ܘܲܢܚܸܬ̣ܘ ܡܘܼܫܹܐ ܘܐܹܠܝܼܥܵܙܲܪ ܡ̣ܢ ܛܘܼܪܵܐ. [No book]
[29]ܘܲܚܙܵܘ ܟܠܵܗ̇ ܟܢܘܼܫܬܵܐ ܕܡܝܼܬ̣ ܐܲܗܪܘܿܢ: ܘܲܒ̣ܢܵܘ ܥܲܠ ܐܲܗܪܘܿܢ ܬܠܵܬ̣ܝܼܢ ܝܵܘ̈ܡܝܼܢ: ܟܠܗܘܿܢ ܕܒܹܝܬ̣ ܝܼܣܪܵܝܹܠ. [No book]
Translation: Charles H. Hoole (1885)
Source: www.earlychristianwritings.com
Top