|
|
| [1]Cumque vidisset Balaam quod placeret Domino ut benediceret Israëli, nequaquam abiit ut ante perrexerat, ut augurium quæreret: sed dirigens contra desertum vultum suum, |
[No book] |
| [2]et elevans oculos, vidit Israël in tentoriis commorantem per tribus suas: et irruente in se spiritu Dei, |
[No book] |
| [3]assumpta parabola, ait: Dixit Balaam filius Beor: dixit homo, cujus obturatus est oculus: |
[No book] |
| [4]dixit auditor sermonum Dei, qui visionem Omnipotentis intuitus est, qui cadit, et sic aperiuntur oculi ejus: |
[No book] |
| [5]Quam pulchra tabernacula tua, Jacob, et tentoria tua, Israël ! |
[No book] |
| [6]ut valles nemorosæ, ut horti juxta fluvios irrigui, ut tabernacula quæ fixit Dominus, quasi cedri prope aquas. |
[No book] |
| [7]Fluet aqua de situla ejus, et semen illius erit in aquas multas. Tolletur propter Agag, rex ejus, et auferetur regnum illius. |
[No book] |
| [8]Deus eduxit illum de Ægypto, cujus fortitudo similis est rhinocerotis. Devorabunt gentes hostes illius, ossaque eorum confringent, et perforabunt sagittis. |
[No book] |
| [9]Accubans dormivit ut leo, et quasi leæna, quam suscitare nullus audebit. Qui benedixerit tibi, erit et ipse benedictus: qui maledixerit, in maledictione reputabitur. |
[No book] |
| [10]Iratusque Balac contra Balaam, complosis manibus ait: Ad maledicendum inimicis meis vocavi te, quibus e contrario tertio benedixisti: |
[No book] |
| [11]revertere ad locum tuum. Decreveram quidem magnifice honorare te, sed Dominus privavit te honore disposito. |
[No book] |
| [12]Respondit Balaam ad Balac: Nonne nuntiis tuis, quos misisti ad me, dixi: |
[No book] |
| [13]Si dederit mihi Balac plenam domum suam argenti et auri, non potero præterire sermonem Domini Dei mei, ut vel boni quid vel mali proferam ex corde meo: sed quidquid Dominus dixerit, hoc loquar? |
[No book] |
| [14]verumtamen pergens ad populum meum, dabo consilium, quid populus tuus populo huic faciat extremo tempore. |
[No book] |
| [15]Sumpta igitur parabola, rursum ait: Dixit Balaam filius Beor: dixit homo, cujus obturatus est oculus: |
[No book] |
| [16]dixit auditor sermonum Dei, qui novit doctrinam Altissimi, et visiones Omnipotentis videt, qui cadens apertos habet oculos: |
[No book] |
| [17]Videbo eum, sed non modo: intuebor illum, sed non prope. Orietur stella ex Jacob, et consurget virga de Israël: et percutiet duces Moab, vastabitque omnes filios Seth. |
[No book] |
| [18]Et erit Idumæa possessio ejus: hæreditas Seir cedet inimicis suis: Israël vero fortiter aget. |
[No book] |
| [19]De Jacob erit qui dominetur, et perdat reliquias civitatis. |
[No book] |
| [20]Cumque vidisset Amalec, assumens parabolam, ait: Principium gentium Amalec, cujus extrema perdentur. |
[No book] |
| [21]Vidit quoque Cinæum: et assumpta parabola, ait: Robustum quidem est habitaculum tuum: sed si in petra posueris nidum tuum, |
[No book] |
| [22]et fueris electus de stirpe Cin, quamdiu poteris permanere? Assur enim capiet te. |
[No book] |
| [23]Assumptaque parabola iterum locutus est: Heu ! quis victurus est, quando ista faciet Deus? |
[No book] |
| [24]Venient in trieribus de Italia: superabunt Assyrios, vastabuntque Hebræos, et ad extremum etiam ipsi peribunt. |
[No book] |
| [25]Surrexitque Balaam, et reversus est in locum suum: Balac quoque via, qua venerat, rediit. |
[No book] |