➖ »
«
➖ ➕
Aleppo Codex (~920)
Alep
The Fragments of Papias
Papias
←
Numbers
Num
25
→
[1]וישב ישראל בשטים ויחל העם לזנות אל בנות מואב [No book]
[2]ותקראן לעם לזבחי אלהיהן ויאכל העם וישתחוו לאלהיהן [No book]
[3]ויצמד ישראל לבעל פעור ויחר אף יהוה בישראל [No book]
[4]ויאמר יהוה אל משה קח את כל ראשי העם והוקע אותם ליהוה נגד השמש וישב חרון אף יהוה מישראל [No book]
[5]ויאמר משה אל שפטי ישראל הרגו איש אנשיו הנצמדים לבעל פעור [No book]
[6]והנה איש מבני ישראל בא ויקרב אל אחיו את המדינית לעיני משה ולעיני כל עדת בני ישראל והמה בכים פתח אהל מועד [No book]
[7]וירא פינחס בן אלעזר בן אהרן הכהן ויקם מתוך העדה ויקח רמח בידו [No book]
[8]ויבא אחר איש ישראל אל הקבה וידקר את שניהם־את איש ישראל ואת האשה אל קבתה ותעצר המגפה מעל בני ישראל [No book]
[9]ויהיו המתים במגפה־ארבעה ועשרים אלף [No book]
[10]וידבר יהוה אל משה לאמר [No book]
[11]פינחס בן אלעזר בן אהרן הכהן השיב את חמתי מעל בני ישראל בקנאו את קנאתי בתוכם ולא כליתי את בני ישראל בקנאתי [No book]
[12]לכן אמר הנני נתן לו את בריתי שלום [No book]
[13]והיתה לו ולזרעו אחריו ברית כהנת עולם־תחת אשר קנא לאלהיו ויכפר על בני ישראל [No book]
[14]ושם איש ישראל המכה אשר הכה את המדינית־זמרי בן סלוא נשיא בית אב לשמעני [No book]
[15]ושם האשה המכה המדינית כזבי בת צור ראש אמות בית אב במדין הוא [No book]
[16]וידבר יהוה אל משה לאמר [No book]
[17]צרור את המדינים והכיתם אותם [No book]
[18]כי צררים הם לכם בנכליהם אשר נכלו לכם על דבר פעור ועל דבר כזבי בת נשיא מדין אחתם המכה ביום המגפה על דבר פעור [No book]
Source: unbound.biola.edu
 Source: www.earlychristianwritings.com
Top