➖ »
«
➖ ➕
Wycliffe's English Translation (1388)
Wyc
Vita Adae et Evae from "The Apocrypha and Pseudepigrapha of the Old Testament"
LOAE
←
Numbers
Num
25
→
[1]Forsothe in that tyme Israel dwellide in Sechym; and the puple dide fornycacioun with the douytris of Moab; [No book]
[2]whiche douytris clepiden hem to her sacrifices, and thei eten, and worschipiden the goddis of tho douytris; [No book]
[3]and Israel made sacrifice to Belphegor. And the Lord was wrooth, [No book]
[4]and seide to Moises, Take thou alle the princes of the puple, and hange hem ayens the sunne in iebatis, that my wodnesse, `that is stronge veniaunce, be turned awai fro Israel. [No book]
[5]And Moises seide to the iugis of Israel, Ech man sle his neiyboris, that maden sacrifice to Belphagor. [No book]
[6]And, lo! oon of the sones of Israel entride bifor his britheren to `an hoore of Madian, in the siyt of Moises, and al the cumpeny of the sones of Israel, whiche wepten bifor the yatis of the tabernacle. [No book]
[7]And whanne Phynees, the sone of Eleazar, sone of Aaron, preest, hadde seyn this, he roos fro the myddis of the multitude; and whanne he hadde take a swerd, [No book]
[8]he entride aftir the man of Israel in to the `hoore hows, and stikide thorou both togidere, that is, the man and the womman, in the places of gendryng. And the veniaunce ceesside fro the sones of Israel, [No book]
[9]and foure and twenti thousand of men weren slayn. [No book]
[10]And the Lord seide to Moises, [No book]
[11]Fynees, the sone of Eleazar, sone of Aaron, preest, turnede away myn yre fro the sones of Israel; for he was stirid ayens hem bi my feruent loue, that Y my silf schulde not do awai the sones of Israel in my greet hete, `ether strong veniaunce. [No book]
[12]Therfor speke thou to hym, Lo! Y yyue to hym the pees of my couenaunt, [No book]
[13]and it schal be an euerlastynge couenaunt of preesthod, as wel to hym silf as to his seed; for he louyde feruentli for his God, and he clenside the greet trespas of the sones of Israel. [No book]
[14]Forsothe the name of the man of Israel, that was slayn with the womman of Madian, was Zambri, the sone of Salu, duyk of the kynrede and lynage of Symeon. [No book]
[15]Forsothe the womman of Madian that was slayn togidere, was clepid Cobri, the douyter of Sur, the nobleste prince of Madianytis. [No book]
[16]And the Lord spak to Moises and seide, [No book]
[17]`Madianytis feele you enemyes, and smyte ye hem; [No book]
[18]for also thei diden enemyliche ayens you, and disseyueden thorow tresouns, bi the idol of Phegor, and bi `the douyter of Corbri, duyk of Madian, her sister, which douyter was sleyn in the dai of veniaunce, for the sacrilege of Phegor. [No book]
Author: John Wycliffe (1328 – 1384)
Top