|
|
| [1]Accesserunt autem filiæ Salphaad, filii Hepher, filii Galaad, filii Machir, filii Manasse, qui fuit filius Joseph: quarum sunt nomina, Maala, et Noa, et Hegla, et Melcha, et Thersa. |
[No book] |
| [2]Steteruntque coram Moyse et Eleazaro sacerdote et cunctis principibus populi ad ostium tabernaculi fœderis, atque dixerunt: |
[No book] |
| [3]Pater noster mortuus est in deserto, nec fuit in seditione, quæ concitata est contra Dominum sub Core, sed in peccato suo mortuus est: hic non habuit mares filios. Cur tollitur nomen illius de familia sua, quia non habuit filium? date nobis possessionem inter cognatos patris nostri. |
[No book] |
| [4]Retulitque Moyses causam earum ad judicium Domini. |
[No book] |
| [5]Qui dixit ad eum: |
[No book] |
| [6]Justam rem postulant filiæ Salphaad: da eis possessionem inter cognatos patris sui, et ei in hæreditatem succedant. |
[No book] |
| [7]Ad filios autem Israël loqueris hæc: |
[No book] |
| [8]Homo cum mortuus fuerit absque filio, ad filiam ejus transibit hæreditas. |
[No book] |
| [9]Si filiam non habuerit, habebit successores fratres suos. |
[No book] |
| [10]Quod si et fratres non fuerint, dabitis hæreditatem fratribus patris ejus. |
[No book] |
| [11]Sin autem nec patruos habuerit, dabitur hæreditas his qui ei proximi sunt. Eritque hoc filiis Israël sanctum lege perpetua, sicut præcepit Dominus Moysi. |
[No book] |
| [12]Dixit quoque Dominus ad Moysen: Ascende in montem istum Abarim, et contemplare inde terram, quam daturus sum filiis Israël. |
[No book] |
| [13]Cumque videris eam, ibis et tu ad populum tuum, sicut ivit frater tuus Aaron: |
[No book] |
| [14]quia offendistis me in deserto Sin in contradictione multitudinis, nec sanctificare me voluistis coram ea super aquas. Hæ sunt aquæ contradictionis in Cades deserti Sin. |
[No book] |
| [15]Cui respondit Moyses: |
[No book] |
| [16]Provideat Dominus Deus spirituum omnis carnis hominem, qui sit super multitudinem hanc: |
[No book] |
| [17]et possit exire et intrare ante eos, et educere eos vel introducere: ne sit populus Domini sicut oves absque pastore. |
[No book] |
| [18]Dixitque Dominus ad eum: Tolle Josue filium Nun, virum in quo est spiritus, et pone manum tuam super eum. |
[No book] |
| [19]Qui stabit coram Eleazaro sacerdote et omni multitudine: |
[No book] |
| [20]et dabis ei præcepta cunctis videntibus, et partem gloriæ tuæ, ut audiat eum omnis synagoga filiorum Israël. |
[No book] |
| [21]Pro hoc, si quid agendum erit, Eleazar sacerdos consulet Dominum. Ad verbum ejus egredietur et ingredietur ipse, et omnes filii Israël cum eo, et cetera multitudo. |
[No book] |
| [22]Fecit Moyses ut præceperat Dominus: cumque tulisset Josue, statuit eum coram Eleazaro sacerdote et omni frequentia populi. |
[No book] |
| [23]Et impositis capiti ejus manibus, cuncta replicavit quæ mandaverat Dominus. |
[No book] |