|
|
| [1]Dixit quoque Dominus ad Moysen: |
[No book] |
| [2]Præcipe filiis Israël, et dices ad eos: Oblationem meam et panes, et incensum odoris suavissimi offerte per tempora sua. |
[No book] |
| [3]Hæc sunt sacrificia quæ offerre debetis: agnos anniculos immaculatos duos quotidie in holocaustum sempiternum: |
[No book] |
| [4]unum offeretis mane, et alterum ad vesperum: |
[No book] |
| [5]decimam partem ephi similæ, quæ conspersa sit oleo purissimo, et habeat quartam partem hin. |
[No book] |
| [6]Holocaustum juge est quod obtulistis in monte Sinai in odorem suavissimum incensi Domini. |
[No book] |
| [7]Et libabitis vini quartam partem hin per agnos singulos in sanctuario Domini. |
[No book] |
| [8]Alterumque agnum similiter offeretis ad vesperam juxta omnem ritum sacrificii matutini, et libamentorum ejus, oblationem suavissimi odoris Domino. |
[No book] |
| [9]Die autem sabbati offeretis duos agnos anniculos immaculatos, et duas decimas similæ oleo conspersæ in sacrificio, et liba: |
[No book] |
| [10]quæ rite funduntur per singula sabbata in holocaustum sempiternum. |
[No book] |
| [11]In calendis autem offeretis holocaustum Domino, vitulos de armento duos, arietem unum, agnos anniculos septem immaculatos, |
[No book] |
| [12]et tres decimas similæ oleo conspersæ in sacrificio per singulos vitulos: et duas decimas similæ oleo conspersæ per singulos arietes: |
[No book] |
| [13]et decimam decimæ similæ ex oleo in sacrificio per agnos singulos: holocaustum suavissimi odoris atque incensi est Domino. |
[No book] |
| [14]Libamenta autem vini, quæ per singulas fundenda sunt victimas, ista erunt: media pars hin per singulos vitulos, tertia per arietem, quarta per agnum. Hoc erit holocaustum per omnes menses, qui sibi anno vertente succedunt. |
[No book] |
| [15]Hircus quoque offeretur Domino pro peccatis in holocaustum sempiternum cum libamentis suis. |
[No book] |
| [16]Mense autem primo, quartadecima die mensis, Phase Domini erit, |
[No book] |
| [17]et quintadecima die solemnitas: septem diebus vescentur azymis. |
[No book] |
| [18]Quarum dies prima venerabilis et sancta erit: omne opus servile non facietis in ea. |
[No book] |
| [19]Offeretisque incensum holocaustum Domino, vitulos de armento duos, arietem unum, agnos anniculos immaculatos septem: |
[No book] |
| [20]et sacrificia singulorum ex simila quæ conspersa sit oleo, tres decimas per singulos vitulos, et duas decimas per arietem, |
[No book] |
| [21]et decimam decimæ per agnos singulos, id est, per septem agnos. |
[No book] |
| [22]Et hircum pro peccato unum, ut expietur pro vobis, |
[No book] |
| [23]præter holocaustum matutinum, quod semper offeretis. |
[No book] |
| [24]Ita facietis per singulos dies septem dierum in fomitem ignis, et in odorem suavissimum Domino, qui surget de holocausto, et de libationibus singulorum. |
[No book] |
| [25]Dies quoque septimus celeberrimus et sanctus erit vobis: omne opus servile non facietis in eo. |
[No book] |
| [26]Dies etiam primitivorum, quando offeretis novas fruges Domino, expletis hebdomadibus, venerabilis et sancta erit: omne opus servile non facietis in ea. |
[No book] |
| [27]Offeretisque holocaustum in odorem suavissimum Domino, vitulos de armento duos, arietem unum, et agnos anniculos immaculatos septem: |
[No book] |
| [28]atque in sacrificiis eorum, similæ oleo conspersæ tres decimas per singulos vitulos, per arietes duas, |
[No book] |
| [29]per agnos decimam decimæ, qui simul sunt agni septem. Hircum quoque, |
[No book] |
| [30]qui mactatur pro expiatione: præter holocaustum sempiternum et liba ejus. |
[No book] |
| [31]Immaculata offeretis omnia cum libationibus suis. |
[No book] |