➖ »
«
➖ ➕
Peshitta OT
PesOT
Book of Jasher (1840)
Jas(1840)
←
Numbers
Num
33
→
[1]ܘܗܵܠܹܝܢ ܡܲܫܩܵܠܵܢܹܐ ܕܲܒ̣̈ܢܲܝ ܝܼܣܪܵܝܹܠ ܕܲܢܦܲܩܘ ܡ̣ܢ ܐܲܪܥܵܐ ܕܡܸܨܪܹܝܢ ܠܚܲܝܠܵܘܵܬ̣ܗܘܿܢ: ܒܐܝܼܕܵܐ ܕܡܘܼܫܹܐ ܘܕܲܐܗܪܘܿܢ. [No book]
[2]ܘܲܟ݂ܬܲܒ̣ ܡܘܼܫܹܐ ܡܲܦܩܵܢܲܝ̈ܗܘܿܢ: ܘܡܲܫ̈ܩܠܵܢܲܝܗܘܿܢ: ܒܡܸܠܲܬ̣ ܦܘܼܡܹܗ ܕܡܵܪܝܵܐ: ܘܗܵܠܹܝܢ ܡܲܦܩܵܢܲܝ̈ܗܘܿܢ: ܘܡܲܫ̈ܩܠܵܢܲܝܗܘܿܢ. [No book]
[3]ܘܲܫܩܲܠܘ ܡ̣ܢ ܪܲܥܡܣܝܼܣ: ܒܚܲܡܫܵܥܸܣܪܵܐ ܒܝܲܪܚܵܐ ܩܲܕ݂ܡܵܝܵܐ ܡ̣ܢ ܒܵܬܲܪ ܦܸܨܚܵܐ: ܘܲܢܦܲܩܘ ܒ̈ܢܲܝ ܝܼܣܪܵܝܹܠ ܒܐܝܼܕ݂ܵܐ ܪܵܡܬ̣ܵܐ ܠܥܹܝܢ ܟܠܗܘܿܢ ܡܸܨܪ̈ܵܝܹܐ. [No book]
[4]ܘܡܸܨܪ̈ܵܝܹܐ ܩܵܒ̣ܪܝܼܢ ܗ̄ܘ̣ܵܘ ܠܒ̣ܘܼܟ݂ܪܹ̈ܐ ܕܩܲܛܸܠ ܒܗܘܿܢ ܡܵܪܝܵܐ: ܘܒܲܐܠܵܗܲܝ̈ܗܘܿܢ ܥܒܲܕ݂ ܡܵܪܝܵܐ ܕܝܼܢܵܐ. [No book]
[5]ܘܲܫܩܲܠܘ ܒ̈ܢܲܝ ܝܼܣܪܵܝܹܠ ܡ̣ܢ ܪܲܥܡܣܝܼܣ: ܘܲܫܪܵܘ ܒܣܵܟ݂ܘܿܬ̣. [No book]
[6]ܘܲܫܩܲܠܘ ܡ̣ܢ ܣܵܟ݂ܘܿܬ̣: ܘܲܫܪܵܘ ܒܐܵܬ̣ܵܡ ܕܲܒ̣ܣܵܘ̈ܦܲܝ ܡܲܕ݂ܒ̇ܪܵܐ. [No book]
[7]ܘܲܫܩܲܠܘ ܡ̣ܢ ܐܵܬ̣ܵܡ: ܘܲܫܪܵܘ ܥܲܠ ܦܘܼܡ ܚܹܐܪܝܼܬ̣ܵܐ ܕܲܩܕ݂ܵܡ ܒܥܸܠܨܦܘܿܢ: ܘܲܫܪܵܘ ܩܕ݂ܵܡ ܡܲܓ̣ܕ̇ܘܿܠ. [No book]
[8]ܘܲܫܩܲܠܘ ܡ̣ܢ ܦܘܼܡ ܚܹܐܪܝܼܬ̣ܵܐ: ܘܐܸܙܲܠܘ ܒܓ̣ܵܘ ܝܲܡܵܐ ܠܡܲܕ݂ܒ̇ܪܵܐ: ܘܐܸܙܲܠܘ ܡܲܪܕܹ̇ܐ ܬܠܵܬ̣ܵܐ ܝܵܘ̈ܡܝܼܢ ܒܡܲܕ݂ܒ̇ܪܵܐ ܕܐܲܬ̣ܵܡ: ܘܲܫܪܵܘ ܒܡܘܼܪܲܬ̣. [No book]
[9]ܘܲܫܩܲܠܘ ܡ̣ܢ ܡܘܼܪܲܬ̣: ܘܐܸܬ̣ܵܘ ܠܐܵܠܝܼܡ: ܘܒ̣ܵܠܝܼܡ ܐܝܼܬ̣ ܗ̄ܘܲܝ̈ ܬܲܪܬܲܥܸܣܪܹ̈ܐ ܥܲܝ̈ܢܵܬ̣ܵܐ ܕܡܲـ̈ـܝܵܐ: ܘܫܲܒ̣ܥܝܼܢ ܕܸܩ̈ܠܝܼܢ: ܘܲܫܪܵܘ ܬܲܡܵܢ. [No book]
[10]ܘܲܫܩܲܠܘ ܡ̣ܢ ܐܵܠܝܼܡ: ܘܲܫܪܵܘ ܥܲܠ ܝܲܕ݂ ܝܲܡܵܐ ܕܣܘܿܦ. [No book]
[11]ܘܲܫܩܸ̇ܠܘ ܡ̣ܢ ܝܲܕ݂ ܝܲܡܵܐ ܕܣܘܿܦ: ܘܲܫܪܵܘ ܒܡܲܕ݂ܒ̇ܪܵܐ ܕܣܝܼܢ. [No book]
[12]ܘܲܫܩܲܠܘ ܡ̣ܢ ܡܲܕ݂ܒ̇ܪܵܐ ܕܣܝܼܢ: ܘܲܫܪܵܘ ܒܪܲܦ̮ܩܵܐ. [No book]
[13]ܘܲܫܩܲܠܘ ܡ̣ܢ ܪܲܦ̮ܩܵܐ: ܘܲܫܪܵܘ ܒܐܵܠܘܿܫ. [No book]
[14]ܘܲܫܩܲܠܘ ܡ̣ܢ ܐܵܠܘܿܫ: ܘܲܫܪܵܘ ܒܲܪܦܝܼܕ݂ܝܼܢ: ܘܠܲܝܬ̇ ܗ̄ܘ̣ܵܘ ܬܲܡܵܢ ܡܲـ̈ـܝܵܐ ܠܥܲܡܵܐ ܕܢܸܫܬ̇ܘܿܢ. [No book]
[15]ܘܲܫܩܲܠܘ ܡ̣ܢ ܪܦܝܼܕ݂ܝܼܢ: ܘܲܫܪܵܘ ܒܡܲܕ݂ܒ̇ܪܵܐ ܕܣܝܼܢܲܝ. [No book]
[16]ܘܲܫܩܲܠܘ ܡ̣ܢ ܡܲܕ݂ܒ̇ܪܵܐ ܕܣܝܼܢܲܝ: ܘܲܫܪܵܘ ܒܩܲܒ̣ܪܹ̈ܐ ܕܪ̈ܵܓܲܝ ܪܸܓ̇ܬ̣ܵܐ. [No book]
[17]ܘܲܫܩܲܠܘ ܡ̣ܢ ܩܲܒ̣ܪܹ̈ܐ ܕܪ̈ܵܓܲܝ ܪܸܓ̇ܬ̣ܵܐ: ܘܲܫܪܵܘ ܒܚܸܨܪܘܿܬ̣. [No book]
[18]ܘܲܫܩܲܠܘ ܡ̣ܢ ܚܸܨܪܘܿܬ̣: ܘܲܫܪܵܘ ܒܪܸܬ̣ܡܵܐ. [No book]
[19]ܘܲܫܩܲܠܘ ܡ̣ܢ ܪܸܬ̣ܡܵܐ: ܘܲܫܪܵܘ ܒܪܲܡܘܿܢ ܦܲܪܨ. [No book]
[20]ܘܲܫܩܲܠܘ ܡ̣ܢ ܪܲܡܘܿܢ ܦܲܪܨ: ܘܲܫܪܵܘ ܒܠܸܒ̣ܢܵܐ. [No book]
[21]ܘܲܫܩܲܠܘ ܡ̣ܢ ܠܸܒ̣ܢܵܐ: ܘܲܫܪܵܘ ܒܪܵܣܵܐ. [No book]
[22]ܘܲܫܩܲܠܘ ܡ̣ܢ ܪܵܣܵܐ: ܘܲܫܪܵܘ ܒܩܲܗܠܲܬ̣. [No book]
[23]ܘܲܫܩܲܠܘ ܡ̣ܢ ܩܲܗܠܲܬ̣: ܘܲܫܪܵܘ ܒܛܘܼܪܵܐ ܕܫܵܦܵܪ. [No book]
[24]ܘܫܩܲܠܘ ܡ̣ܢ ܛܘܼܪܵܐ ܕܫܵܦܵܪ. ܘܲܫܪܵܘ ܒܚܸܪܕܵܐ. [No book]
[25]ܘܲܫܩܲܠܘ ܡ̣ܢ ܚܸܪܕܵܐ: ܘܲܫܪܵܘ ܒܡܲܩܗ̱ܠܘܼܬ̣. [No book]
[26]ܘܲܫܩܲܠܘ ܡ̣ܢ ܡܲܩܗ̱ܠܘܼܬ̣: ܘܲܫܪܵܘ ܒܬ̣ܵܚܵܬ̣. [No book]
[27]ܘܲܫܩܲܠܘ ܡ̣ܢ ܬܵܚܵܬ̣: ܘܲܫܪܵܘ ܒܬܲܪܚ. [No book]
[28]ܘܲܫܩܲܠܘ ܡܟ̤!!!!! ܬܲܪܚ: ܘܲܫܪܵܘ ܒܡܸܬ̣ܩܵܐ. [No book]
[29]ܘܲܫܩܲܠܘ ܡ̣ܢ ܡܸܬ̣ܩܵܐ: ܘܲܫܪܵܘ ܒܚܸܫܡܘܿܢܵܐ. [No book]
[30]ܘܲܫܩܲܠܘ ܡ̣ܢ ܚܸܫܡܘܿܢܵܐ: ܘܲܫܪܵܘ ܒܡܸܣܪܘܿܬ̣. [No book]
[31]ܘܲܫܩܲܠܘ ܡ̣ܢ ܡܸܣܪܘܿܬ̣: ܘܲܫܪܵܘ ܒܲܒ̣̈ܢܲܝ ܝܲܥܩܵܢ. [No book]
[32]ܘܲܫܩܲܠܘ ܡ̣ܢ ܒ̈ܢܲܝ ܝܲܥܩܵܢ: ܘܲܫܪܵܘ ܒܚܵܪ ܓܲܕ݂ܓܲܕ݂. [No book]
[33]ܘܲܫܩܲܠܘ ܡ̣ܢ ܚܵܪ ܓܲܕ݂ܓܲܕ݂ ܘܲܫܪܵܘ ܒܛܲܒܲܬ̣. [No book]
[34]ܘܲܫܩܲܠܘ ܡ̣ܢ ܝܲܛܒܲܬ̣: ܘܲܫܪܵܘ ܒܥܲܟ݂ܪܘܿܢܵܐ: [No book]
[35]ܘܲܫܩܲܠܘ ܡ̣ܢ ܥܲܟ݂ܪܘܿܢܵܐ: ܘܲܫܪܵܘ ܒܥܹܨܝܼܢܘܿ ܓܒܲܪ. [No book]
[36]ܘܲܫܩܲܠܘ ܡ̣ܢ ܥܹܨܝܼܢܘܿ ܓܒܲܪ: ܘܲܫܪܵܘ ܒܡܲܕ݂ܒ̇ܪܵܐ ܕܨܝܼܢ ܕܗ̤ܝ ܗ̄ܝ̣ ܩܕܸܫ. [No book]
[37]ܘܲܫܩܲܠܘ ܡ̣ܢ ܩܕܸܫ: ܘܲܫܪܵܘ ܒܗܘܿܪ ܛܘܼܪܵܐ ܕܲܒ̣ܣܵܘ̈ܦܲܝ ܐܲܪܥܵܐ ܕܐܲܕ݂ܘܿܡ. [No book]
[38]ܘܲܣܠܸܩ ܐܲܗܪܘܿܢ ܟܵܗܢܵܐ ܒܡܸܠܲܬ̣ ܦܘܼܡܹܗ ܕܡܵܪܝܵܐ ܠܗܘܿܪ ܛܘܼܪܵܐ ܘܡܝܼܬ̣ ܬܲܡܵܢ: ܒܲܫܢܲܬ̣ ܐܲܪܒ̇ܥܝܼܢ ܕܲܢܦܲܩܘ ܒ̈ܢܲܝ ܝܼܣܪܵܝܹܠ ܡ̣ܢ ܐܲܪܥܵܐ ܕܡܸܨܪܹܝܢ: ܒܝܲܪܚܵܐ ܩܲܕ݂ܡܵܝܵܐ ܒܚܲܕ݂ ܒܝܲܪܚܵܐ. [No book]
[39]ܘܐܲܗܪܘܿܢ ܒܲܪ ܡܵܐܐ ܗ̄ܘ̣ܵܐ ܘܥܸܣܪܝܼܢ ܘܲܬ̣ܠܵܬ̣ ܫܢ̈ܝܼܢ: ܟܲܕ݂ ܡܝܼܬ̣ ܒܗܘܿܪ ܛܘܼܪܵܐ. [No book]
[40]ܘܲܫܡܲܥ ܟܢܲܥܢܵܝܵܐ ܡܲܠܟܵܐ ܕܓܲܕ݂ܵܪ ܕܥܵܡܲܪ ܒܬܲܝ̱ܡܢܵܐ ܒܐܲܪܥܵܐ ܕܲܟ݂ܢܲܥܢ: ܟܲܕ݂ ܐܸܬ̣ܵܘ ܒ̈ܢܲܝ ܝܼܣܪܵܝܹܠ. [No book]
[41]ܘܲܫܩܲܠܘ ܡ̣ܢ ܗܘܿܪ ܛܘܼܪܵܐ: ܘܲܫܪܵܘ ܒܨܲܠܡܘܿܢܵܐ. [No book]
[42]ܘܲܫܩܲܠܘ ܡ̣ܢ ܨܲܠܡܘܿܢܵܐ: ܘܲܫܪܵܘ ܒܦܝܼܢܘܿܢ. [No book]
[43]ܘܲܫܩܲܠܘ ܡ̣ܢ ܦܝܼܢܘܿܢ: ܘܲܫܪܵܘ ܒܐܵܒ̣ܘܿܬ̣. [No book]
[44]ܘܲܫܩܲܠܘ ܡ̣ܢ ܐܵܒ̣ܘܿܬ̣: ܘܲܫܪܵܘ ܒܥܲܝܢܵܐ ܕܥܸܒ̣ܪܵܝܹܐ: ܒܲܬ̣ܚܘܼܡܵܐ ܕܡܘܼܐܵܒ̣. [No book]
[45]ܘܲܫܩܲܠܘ ܡ̣ܢ ܥܲܝܢܵܐ ܕܥܸܒ̣ܪܵܝܹܐ: ܘܲܫܪܵܘ ܒܪܝܼܒ̣ܘܿܢ ܓܲܕ݂. [No book]
[46]ܘܲܫܩܲܠܘ ܡ̣ܢ ܪܝܼܒ̣ܘܿܢ ܓܲܕ݂: ܘܲܫܪܵܘ ܒܲܒ̣ܥܸܠܡܘܿܢ ܕܲܒ̣ܠܵܬ̣ܝܼܡ. [No book]
[47]ܘܲܫܩܲܠܘ ܡ̣ܢ ܒܥܸܠܡܘܿܢ ܕܲܒ̣ܠܬ̣ܝܼܡ ܘܲܫܪܵܘ ܒܛܘܼܪܵܐ ܕܥܸܒ̣ܪ̈ܵܝܹܐ ܕܲܩܕ݂ܵܡ ܢܵܒ̣ܘܿ. [No book]
[48]ܘܲܫܩܲܠܘ ܡ̣ܢ ܛܘܼܪܵܐ ܕܥܸܒ̣ܪ̈ܵܝܹܐ: ܘܲܫܪܵܘ ܒܥܲܪܒ̣ܘܿܬ̣ ܡܘܼܐܵܒ̣ ܕܥܲܠ ܝܘܿܪܕ̇ܢܵܢ ܕܐܝܼܪܝܼܚܘܿ. [No book]
[49]ܘܲܫܪܵܘ ܥܲܠ ܝܘܿܪܕ̇ܢܵܢ ܡ̣ܢ ܒܹܝܬ̣ ܐܲܫܝܼܡܘܿܢ: ܘܲܥܕܲܡܵܐ ܠܐܵܒ̣ܵܠ ܣܵܛܝܼܡ ܕܲܒ̣ܥܲܪܒ̣ܘܿܬ̣ ܡܘܼܐܵܒ̣. [No book]
[50]ܘܐܸܡܲܪ ܡܵܪܝܵܐ ܠܡܘܼܫܹܐ ܒܥܲܪܒ̣ܘܿܬ̣ ܡܘܼܐܵܒ̣ ܕܥܲܠ ܝܘܿܪܕ̇ܢܵܢ ܕܐܝܼܪܝܼܚܘܿ. [No book]
[51]ܡܲܠܸܠ ܥܲܡ ܒ̈ܢܲܝ ܝܼܣܪܵܝܹܠ: ܘܐܸܡܲܪ ܠܗܘܿܢ: ܐܲܢ̄ܬ̇ܘܿܢ ܥܵܒ̣ܪܝܼܢ ܐܲܢ̄ܬ̇ܘܿܢ ܝܘܿܪܕ̇ܢܲܢ ܠܐܲܪܥܵܐ ܕܲܟ݂ܢܲܥܢ. [No book]
[52]ܘܬ̣ܵܘܒ̇ܕ݂ܘܼܢ ܟܠܗܘܿܢ ܥܵܡܘܿܪܹ̈ܝܗ̇ ܕܐܲܪܥܵܐ ܡ̣ܢ ܩܕ݂ܵܡܲܝܟ̇ܘܿܢ: ܘܬ̣ܵܘܒ̇ܕ݂ܘܼܢ ܟܠܗܹܝܢ ܣܸܓ̣̈ܕܵܬ̣ܗܘܿܢ: ܘܟ݂ܠܗܘܿܢ ܨܲܠܡܹ̈ܐ ܕܢܸܣܟܲܬ̣ܗܘܿܢ ܬܵܘܒ̇ܕ݂ܘܼܢ: ܘܟ݂ܠܗܹܝܢ ܥܠܵܘܵܬ̣̈ܗܘܿܢ ܬܥܲܩܪܘܼܢ. [No book]
[53]ܘܬܹܐܪܬ̇ܘܼܢܵܗ̇ ܠܐܲܪܥܵܐ ܘܬܸܬ̇ܒ̣ܘܼܢ ܒܵܗ̇: ܡܸܛܠ ܕܲܠܟ݂ܘܿܢ ܝܲܗ̄ܒ̣ܬܵܗ̇ ܠܐܲܪܥܵܐ ܠܡܹܐܪܬܵܗ̇. [No book]
[54]ܘܝܼܪܲܬ̣ܘ ܐܲܪܥܵܐ ܒܦܸܨܹ̈ܐ ܕܫܲܪ̈ܒ̣ܵܬ̣ܟ݂ܘܿܢ: ܠܣܲܓ̇ܝܼ̈ܐܹܐ ܬܲܣܓ̇ܘܿܢ ܝܵܪܬ̇ܘܼܬ̣ܵܐ: ܘܠܲܙܥܘܿܪܹ̈ܐ ܬܲܙܥ̱ܪܘܼܢ ܝܵܪܬ̇ܘܼܬ̣ܵܐ: ܡ̇ܢ ܕܣܵܠܩܵܐ ܠܹܗ ܦܸܨܬܵܐ ܠܫܲܒ̣̈ܛܹܐ ܕܐܲܒ̣ܵܗܲܝ̈ܟ̇ܘܿܢ ܢܹܐܪܬܘܼܢ. [No book]
[55]ܘܐܸܢ ܠܵܐ ܬܵܘܒ̇ܕ݂ܘܼܢ ܠܥܵܡܘܿܪܹ̈ܐ ܕܐܲܪܥܵܐ ܡ̣ܢ ܩܕ݂ܵܡܲܝܟ̇ܘܿܢ: ܗܵܢܘܿܢ ܕܡܸܫܬܲܚܪܝܼܢ ܡܸܢܗܘܿܢ: ܢܸܗܘܘܿܢ ܣܸܟܹ̈ܐ ܒܥܲܝܢܲܝ̈ܟ̇ܘܿܢ: ܘܠܘܿܠ̈ܝܵܬ̣ܵܐ ܒܨܸܕ݂ܥܲܝ̈ܟ̇ܘܿܢ: ܘܲܢܥܝܼܩܘܼܢ ܠܟ݂ܘܿܢ ܒܐܲܪܥܵܐ ܕܥܵܡܪܝܼܢ ܐ̄ܢܬ̇ܘܿܢ ܒܵܗ̇. [No book]
[56]ܘܐܲܝܟ݂ ܕܐܸܬ̣ܚܲܫܒܹܬ̣ ܕܐܸܥܒܸ̇ܕ݂ ܠܗܘܿܢ: ܐܸܥܒܸ̇ܕ݂ ܠܟ݂ܘܿܢ. [No book]
See information...
Top