➖ »
«
➖ ➕
Peshitta OT
PesOT
Peshitta NT (1905)
PesNT(1905)
←
Numbers
Num
34
→
[1]ܘܡܲܠܸܠ ܡܵܪܝܵܐ ܥܲܡ ܡܘܼܫܹܐ: ܘܐܸܡܲܪ ܠܹܗ. [No book]
[2]ܦܲܩܸܕ݂ ܠܲܒ̣̈ܢܲܝ ܝܼܣܪܵܝܹܠ: ܘܐܸܡܲܪ ܕܲܟ݂ܢܲܥܢ: ܗܵܕܹܐ ܐܲܪܥܵܐ ܬܸܬ̣ܦܲܠܲܓ̣ ܠܟ݂ܘܿܢ ܒܝܘܼܪܬܵܢܵܐ: ܐܲܪܥܵܐ ܕܲܟ݂ܢܲܥܢ ܒܲܬ̣ܚܘܼܡܹ̈ܝܗ̇. [No book]
[3]ܘܢܸܗܘܹܐ ܠܟ݂ܘܿܢ ܣܸܛܪܵܐ ܕܬܲܝ̱ܡܢܵܐ: ܡ̣ܢ ܡܲܕ݂ܒ̇ܪܵܐ ܕܨܝܼܢ ܥܲܠ ܬܚܘܼܡܵܐ ܕܐܲܕ݂ܘܿܡ. ܘܢܸܗܘܹܐ ܠܟ݂ܘܿܢ ܬܚܘܼܡܵܐ ܕܬܲܝ̱ܡܢܵܐ: ܡ̣ܢ ܣܘܿܦ ܝܲܡܵܐ ܕܡܸܠܚܵܐ ܡ̣ܢ ܡܲܕ݂ܢ̱ܚܵܐ. [No book]
[4]ܘܢܸܗܘܹܐ ܟܵܪܹܟ݂ ܬܚܘܼܡܟ݂ܘܿܢ ܡ̣ܢ ܬܲܝ̱ܡܢܵܐ ܠܡܲܣܩܵܢܵܐ ܕܲܣܦܲܪܘܝܼܡ: ܘܢܸܗܘܹܐ ܥܵܒܲܪ ܠܨܝܼܢ: ܘܢܸܗܘܘܿܢ ܡܵܦܩܵܢܵܘ̈ܗܝ ܡ̣ܢ ܬܲܝ̱ܡܢܵܐ ܠܲܪܩܸܡ ܕܓܲܝܵܐ: ܘܢܸܦܘܿܩ ܥܲܠ ܚܸܨܵܪ ܐܸܕܲܪ: ܘܢܸܥܒܲܪ ܠܥܸܨܡܘܿܢ. [No book]
[5]ܘܢܸܬ̣ܟ̇ܪܸܟ݂ ܬܚܘܼܡܵܐ ܡ̣ܢ ܥܸܨܡܘܿܢ ܠܢܲܚܠܵܐ ܕܡܸܨܪܹܝܢ: ܘܢܸܗܘܘܿܢ ܡܲܦܩܵܢܵܘ̈ܗܝ ܠܝܲܡܵܐ. [No book]
[6]ܘܲܬ̣ܚܘܼܡܵܐ ܕܝܲܡܵܐ ܢܸܗܘܹܐ ܠܟ݂ܘܿܢ: ܝܲܡܵܐ ܪܲܒܵܐ ܘܲܬ̣ܚܘܼܡܹܗ: ܗܵܢܵܐ ܢܸܗܘܹܐ ܠܟ݂ܘܿܢ ܬܚܘܼܡܵܐ ܕܝܲܡܵܐ. [No book]
[7]ܘܗܵܢܵܐ ܢܸܗܘܹܐ ܠܟ݂ܘܿܢ ܬܚܘܼܡܵܐ ܕܓܲܪܒ̇ܝܵܐ: ܡ̣ܢ ܝܲܡܵܐ ܪܲܒܵܐ ܬܬܲܚܡܘܼܢ ܠܟ݂ܘܿܢ ܠܗܘܿܪ ܛܘܼܪܵܐ. [No book]
[8]ܘܡ̣ܢ ܗܘܿܪ ܛܘܼܪܵܐ ܬܬܲܚܡܘܼܢ ܠܡܲܥܠܵܢܵܐ ܕܲܚܡܵܬ̣: ܘܢܸܗܘܘܿܢ ܡܲܦܩܵܢܵܘ̈ܗܝ ܕܲܬ̣ܚܘܼܡܵܐ ܠܲܨܕܵܕ݂. [No book]
[9]ܘܢܸܗܘܹܐ ܢܵܦܹ̇ܩ ܬܚܘܼܡܵܐ ܠܙܸܦܪܘܿܢ: ܘܢܸܗܘܘܿܢ ܡܲܦܩܵܢܵܘ̈ܗܝ ܠܲܚܨܲܪ ܥܲܝܢܵܢ: ܗܵܠܹܝܢ ܢܸܗܘܘܿܢ ܠܟ݂ܘܿܢ ܬܚܘܼܡܹ̈ܐ ܕܓܲܪܒ̇ܝܵܐ. [No book]
[10]ܘܲܬ̇ܬܲܚܡܘܼܢ ܠܟ݂ܘܿܢ ܬܚܘܼܡܵܐ ܕܡܲܕ݂ܢ̱ܚܵܐ: ܡ̣ܢ ܚܨܲܪ ܥܲܝܢܵܢ ܠܫܵܦܵܡ. [No book]
[11]ܘܢܸܗܘܹܐ ܢܵܚܹ̇ܬ̣ ܬܚܘܼܡܵܐ ܡ̣ܢ ܫܵܦܵܡ ܠܕܸܒ̣ܠܲܬ̣: ܡ̣ܢ ܡܲܕ݂ܢܲܚ ܠܥܹܝܢ: ܘܢܸܗܘܹܐ ܢܵܚܹ̇ܬ̣ ܬܚܘܼܡܵܐ: ܘܢܸܗܘܹܐ ܣܵܡܹ̇ܟ݂ ܠܣܸܛܪܵܐ ܕܝܲܡܵܐ ܕܟܸܢܪܲܬ̣ ܡ̣ܢ ܡܲܕ݂ܢ̱ܚܵܐ. [No book]
[12]ܘܢܸܗܘܹܐ ܢܵܚܹ̇ܬ̣ ܬܚܘܼܡܵܐ ܠܝܘܿܪܕ̇ܢܵܢ. ܘܢܸܗܘܘܿܢ ܡܲܦܩܵܢܵܘ̈ܗܝ ܠܝܲܡܵܐ ܕܡܸܠܚܵܐ. ܗܵܕܹܐ ܬܸܗܘܹܐ ܠܟ݂ܘܿܢ ܐܲܪܥܵܐ ܒܲܬ̣ܚܘܼܡܹ̈ܝܗ̇ ܟܲܕ݂ ܚܵܕ݂ܪܵܐ. [No book]
[13]ܘܦܲܩܸܕ݂ ܡܘܼܫܹܐ ܠܲܒ̣̈ܢܲܝ ܝܼܣܪܵܝܹܠ: ܘܐܸܡܲܪ ܠܗܘܿܢ: ܗܵܕܲܐ ܗ̄ܝ̣ ܐܲܪܥܵܐ ܕܲܬ̣ܦܲܠܓ̣ܘܼܢ ܒܦܸܨܹ̈ܐ: ܕܦܲܩܸܕ݂ ܡܵܪܝܵܐ ܠܡܸܬܲܠ ܠܬܸܫܥܵܐ ܫܲܒ̣̈ܛܝܼܢ: ܘܲܠܦܸܠܓ̇ܘܼܬ̣ ܫܲܒ̣ܛܵܐ. [No book]
[14]ܡܸܛܠ ܕܲܢܣܲܒ̣ܘ ܫܲܒ̣̱ܛܵܐ ܕܲܒ̣̈ܢܲܝ ܪܘܼܒܹܝܠ ܠܒܹܝܬ̣ ܐܲܒ̣ܵܗܲܝ̈ܗܘܿܢ: ܘܫܲܒ̣ܛܵܐ ܕܲܒ̣ܢܲܝ ܓܵܕ݂ ܠܒܹܝܬ̣ ܐܲܒ̣ܵܗܲܝ̈ܗܘܿܢ: ܘܦܸܠܓܹ̇ܗ ܕܫܲܒ̣ܛܵܐ ܕܲܡܢܲܫܹܐ ܩܲܒܸ̇ܠܘ ܝܵܪܬ̇ܘܼܬ̇ܗܘܿܢ. [No book]
[15]ܬܪܹܝܢ ܫܲܒ̣̈ܛܝܼܢ ܘܦܸܠܓ̇ܘܼܬ̣ ܫܲܒ̣ܛܵܐ: ܩܲܒܸ̇ܠܘ ܝܵܪܬ̇ܘܼܬ̣ܗܘܿܢ ܡ̣ܢ ܥܸܒ̣ܪܵܐ ܕܝܘܿܪܕ̇ܢܵܢ ܕܐܝܼܪܝܼܚܘܿ: ܩܲܕ݂ܡܵܝܑܬ̣ ܡ̣ܢ ܡܲܕ݂ܢ̱ܚܵܐ. [No book]
[16]ܘܡܲܠܸܠ ܡܵܪܝܵܐ ܥܲܡ ܡܘܼܫܹܐ: ܘܐܸܡܲܪ ܠܹܗ. [No book]
[17]ܗܵܠܹܝܢ ܫܡܵܗܹ̈ܐ ܕܓܲܒ̣ܪܹ̈ܐ ܕܡܵܘܪܬ̣ܝܼܢ ܠܟ݂ܘܿܢ ܐܲܪܥܵܐ: ܐܹܠܝܼܥܵܙܲܪ ܟܵܗܢܵܐ: ܘܝܼܫܘܼܥ ܒܲܪܢܘܿܢ. [No book]
[18]ܘܚܲܕ݂ ܚܲܕ݂ ܪܹܫܵܐ ܡ̣ܢ ܫܲܒ̣ܛܵܐ ܕܒܲܪܘ ܕܲܢܦܲܠܓ̣ܘܿܢ ܠܟ݂ܘܿܢ ܐܲܪܥܵܐ. [No book]
[19]ܘܗܵܠܹܝܢ ܫܡܵܗܹ̈ܐ ܕܪܹ̈ܫܹܐ ܕܓܲܒ̣ܪܹ̈ܐ: ܡ̣ܢ ܫܲܒ̣ܛܵܐ ܕܲܝܗܘܼܕ݂ܵܐ: ܟܵܠܵܒ̣ ܒܲܪ ܝܘܿܦܲܢܵܐ. [No book]
[20]ܡ̣ܢ ܫܲܒ̣ܛܵܐ ܕܫܸܡܥܘܿܢ: ܫܲܠܡܘܼܐܹܝܠ ܒܲܪ ܥܲܡܝܼܗܘܿܪ. [No book]
[21]ܡ̣ܢ ܫܲܒ̣ܛܵܐ ܕܒܸܢܝܵܡܹܝܢ ܐܸܠܕ݂ܵܕ݂ ܒܲܪ ܟܸܣܠܘܿܢ. [No book]
[22]ܡ̣ܢ ܫܲܒ̣ܛܵܐ ܕܕ݂ܵܢ: ܒܲܩܝܼ ܒܲܪ ܝܲܓ̣ܠܝܼ. [No book]
[23]ܡ̣ܢ ܫܲܒ̣ܛܵܐ ܕܝܵܘܣܸܦ: ܡ̣ܢ ܫܲܒ̣ܛܵܐ ܕܲܡܢܲܫܹܐ: ܢܲܚܠܵܐܹܝܠ ܒܲܪ ܐܵܦܘܿܕ݂. [No book]
[24]ܘܡ̣ܢ ܫܲܒ̣ܛܵܐ ܕܐܲܦܪܹܝܡ: ܩܲܡܘܼܐܹܝܠ ܒܲܪ ܫܲܦܛܵܢ. [No book]
[25]ܡ̣ܢ ܫܲܒ̣ܛܵܐ ܕܲܙܒ̣ܘܿܠܘܿܢ ܐܹܐܸܠܝܼܨܦܲܢ ܒܲܪ ܦܲܪܢܵܟ݂. [No book]
[26]ܡ̣ܢ ܫܲܒ̣ܛܵܐ ܕܐܝܼܣܵܟ݂ܵܪ: ܦܛܵܐܹܝܠ ܒܲܪ ܥܵܙܘܿܪ. [No book]
[27]ܡ̣ܢ ܫܲܒ̣ܛܵܐ ܕܐܵܫܹܝܪ: ܐܲܚܝܼܗܘܿܕ݂ ܒܲܪ ܫܲܠܘܿܡܝܼ. [No book]
[28]ܡ̣ܢ ܫܲܒ̣ܛܵܐ ܕܢܲܦ̮ܬܵܠܝܼ: ܦܕ݂ܵܐܹܝܠ ܒܲܪ ܥܲܡܝܼܗܘܿܕ݂. [No book]
[29]ܠܗܵܠܹܝܢ ܦܲܩܸܕ݂ ܡܵܪܝܵܐ ܕܢܵܘܪܬ̣ܘܿܢ ܠܲܒ̣̈ܢܲܝ ܝܼܣܪܵܝܹܠ ܒܐܲܪܥܵܐ ܕܲܟ݂ܢܲܥܢ. [No book]
 
Top