➖ »
«
➖ ➕
Aleppo Codex (~920)
Alep
Epistle to the Laodiceans (Latin)
Lao[LA]
←
Numbers
Num
4
→
[1]וידבר יהוה אל משה ואל אהרן לאמר [No book]
[2]נשא את ראש בני קהת מתוך בני לוי־למשפחתם לבית אבתם [No book]
[3]מבן שלשים שנה ומעלה ועד בן חמשים שנה־כל בא לצבא לעשות מלאכה באהל מועד [No book]
[4]זאת עבדת בני קהת באהל מועד־קדש הקדשים [No book]
[5]ובא אהרן ובניו בנסע המחנה והורדו את פרכת המסך וכסו בה־את ארן העדת [No book]
[6]ונתנו עליו כסוי עור תחש ופרשו בגד כליל תכלת מלמעלה ושמו בדיו [No book]
[7]ועל שלחן הפנים יפרשו בגד תכלת ונתנו עליו את הקערת ואת הכפת ואת המנקית ואת קשות הנסך ולחם התמיד עליו יהיה [No book]
[8]ופרשו עליהם בגד תולעת שני וכסו אתו במכסה עור תחש ושמו את בדיו [No book]
[9]ולקחו בגד תכלת וכסו את מנרת המאור ואת נרתיה ואת מלקחיה ואת מחתתיה ואת כל כלי שמנה אשר ישרתו לה בהם [No book]
[10]ונתנו אתה ואת כל כליה אל מכסה עור תחש ונתנו על המוט [No book]
[11]ועל מזבח הזהב יפרשו בגד תכלת וכסו אתו במכסה עור תחש ושמו את בדיו [No book]
[12]ולקחו את כל כלי השרת אשר ישרתו בם בקדש ונתנו אל בגד תכלת וכסו אותם במכסה עור תחש ונתנו על המוט [No book]
[13]ודשנו את המזבח ופרשו עליו בגד ארגמן [No book]
[14]ונתנו עליו את כל כליו אשר ישרתו עליו בהם את המחתת את המזלגת ואת היעים ואת המזרקת־כל כלי המזבח ופרשו עליו כסוי עור תחש־ושמו בדיו [No book]
[15]וכלה אהרן ובניו לכסת את הקדש ואת כל כלי הקדש בנסע המחנה ואחרי כן יבאו בני קהת לשאת ולא יגעו אל הקדש ומתו אלה משא בני קהת באהל מועד [No book]
[16]ופקדת אלעזר בן אהרן הכהן שמן המאור וקטרת הסמים ומנחת התמיד ושמן המשחה פקדת כל המשכן וכל אשר בו בקדש ובכליו [No book]
[17]וידבר יהוה אל משה ואל אהרן לאמר [No book]
[18]אל תכריתו את שבט משפחת הקהתי מתוך הלוים [No book]
[19]וזאת עשו להם וחיו ולא ימתו בגשתם את קדש הקדשים אהרן ובניו יבאו ושמו אותם איש איש על עבדתו ואל משאו [No book]
[20]ולא יבאו לראות כבלע את הקדש ומתו [No book]
[21]וידבר יהוה אל משה לאמר [No book]
[22]נשא את ראש בני גרשון־גם הם לבית אבתם למשפחתם [No book]
[23]מבן שלשים שנה ומעלה עד בן חמשים שנה־תפקד אותם כל הבא לצבא צבא לעבד עבדה באהל מועד [No book]
[24]זאת עבדת משפחת הגרשני־לעבד ולמשא [No book]
[25]ונשאו את יריעת המשכן ואת אהל מועד מכסהו ומכסה התחש אשר עליו מלמעלה ואת מסך־פתח אהל מועד [No book]
[26]ואת קלעי החצר ואת מסך פתח שער החצר אשר על המשכן ועל המזבח סביב ואת מיתריהם ואת כל כלי עבדתם ואת כל אשר יעשה להם ועבדו [No book]
[27]על פי אהרן ובניו תהיה כל עבדת בני הגרשני לכל משאם ולכל עבדתם ופקדתם עלהם במשמרת את כל משאם [No book]
[28]זאת עבדת משפחת בני הגרשני־באהל מועד ומשמרתם־ביד איתמר בן אהרן הכהן [No book]
[29]בני מררי־למשפחתם לבית אבתם תפקד אתם [No book]
[30]מבן שלשים שנה ומעלה ועד בן חמשים שנה־תפקדם כל הבא לצבא לעבד את עבדת אהל מועד [No book]
[31]וזאת משמרת משאם לכל עבדתם באהל מועד קרשי המשכן ובריחיו ועמודיו ואדניו [No book]
[32]ועמודי החצר סביב ואדניהם ויתדתם ומיתריהם לכל כליהם ולכל עבדתם ובשמת תפקדו את כלי משמרת משאם [No book]
[33]זאת עבדת משפחת בני מררי לכל עבדתם באהל מועד־ביד איתמר בן אהרן הכהן [No book]
[34]ויפקד משה ואהרן ונשיאי העדה את בני הקהתי למשפחתם ולבית אבתם [No book]
[35]מבן שלשים שנה ומעלה ועד בן חמשים שנה־כל הבא לצבא לעבדה באהל מועד [No book]
[36]ויהיו פקדיהם למשפחתם־אלפים שבע מאות וחמשים [No book]
[37]אלה פקודי משפחת הקהתי כל העבד באהל מועד אשר פקד משה ואהרן על פי יהוה ביד משה [No book]
[38]ופקודי בני גרשון למשפחותם ולבית אבתם [No book]
[39]מבן שלשים שנה ומעלה ועד בן חמשים שנה־כל הבא לצבא לעבדה באהל מועד [No book]
[40]ויהיו פקדיהם למשפחתם לבית אבתם־אלפים ושש מאות ושלשים [No book]
[41]אלה פקודי משפחת בני גרשון כל העבד באהל מועד־אשר פקד משה ואהרן על פי יהוה [No book]
[42]ופקודי משפחת בני מררי למשפחתם לבית אבתם [No book]
[43]מבן שלשים שנה ומעלה ועד בן חמשים שנה־כל הבא לצבא לעבדה באהל מועד [No book]
[44]ויהיו פקדיהם למשפחתם־שלשת אלפים ומאתים [No book]
[45]אלה פקודי משפחת בני מררי אשר פקד משה ואהרן על פי יהוה ביד משה [No book]
[46]כל הפקדים אשר פקד משה ואהרן ונשיאי ישראל־את הלוים למשפחתם ולבית אבתם [No book]
[47]מבן שלשים שנה ומעלה ועד בן חמשים שנה כל הבא לעבד עבדת עבדה ועבדת משא־באהל מועד [No book]
[48]ויהיו פקדיהם־שמנת אלפים וחמש מאות ושמנים [No book]
[49]על פי יהוה פקד אותם ביד משה־איש איש על עבדתו ועל משאו ופקדיו אשר צוה יהוה את משה [No book]
Source: unbound.biola.edu
Top