➖ »
«
➖ ➕
Aleppo Codex (~920)
Alep
Peshitta NT (Khabouris)
PesNT(Kha)
←
Numbers
Num
9
→
[1]וידבר יהוה אל משה במדבר סיני בשנה השנית לצאתם מארץ מצרים בחדש הראשון־לאמר [No book]
[2]ויעשו בני ישראל את הפסח במועדו [No book]
[3]בארבעה עשר יום בחדש הזה בין הערבים תעשו אתו־במעדו ככל חקתיו וככל משפטיו תעשו אתו [No book]
[4]וידבר משה אל בני ישראל לעשת הפסח [No book]
[5]ויעשו את הפסח בראשון בארבעה עשר יום לחדש בין הערבים־במדבר סיני ככל אשר צוה יהוה את משה־כן עשו בני ישראל [No book]
[6]ויהי אנשים אשר היו טמאים לנפש אדם ולא יכלו לעשת הפסח ביום ההוא ויקרבו לפני משה ולפני אהרן־ביום ההוא [No book]
[7]ויאמרו האנשים ההמה אליו אנחנו טמאים לנפש אדם למה נגרע לבלתי הקריב את קרבן יהוה במעדו בתוך בני ישראל [No book]
[8]ויאמר אלהם משה עמדו ואשמעה מה יצוה יהוה לכם [No book]
[9]וידבר יהוה אל משה לאמר [No book]
[10]דבר אל בני ישראל לאמר איש איש כי יהיה טמא לנפש או בדרך רחקה לכם או לדרתיכם ועשה פסח ליהוה [No book]
[11]בחדש השני בארבעה עשר יום בין הערבים־יעשו אתו על מצות ומררים יאכלהו [No book]
[12]לא ישאירו ממנו עד בקר ועצם לא ישברו בו ככל חקת הפסח יעשו אתו [No book]
[13]והאיש אשר הוא טהור ובדרך לא היה וחדל לעשות הפסח־ונכרתה הנפש ההוא מעמיה כי קרבן יהוה לא הקריב במעדו־חטאו ישא האיש ההוא [No book]
[14]וכי יגור אתכם גר ועשה פסח ליהוה־כחקת הפסח וכמשפטו כן יעשה חקה אחת יהיה לכם ולגר ולאזרח הארץ [No book]
[15]וביום הקים את המשכן כסה הענן את המשכן לאהל העדת ובערב יהיה על המשכן כמראה אש־עד בקר [No book]
[16]כן יהיה תמיד הענן יכסנו ומראה אש לילה [No book]
[17]ולפי העלות הענן מעל האהל־ואחרי כן יסעו בני ישראל ובמקום אשר ישכן שם הענן־שם יחנו בני ישראל [No book]
[18]על פי יהוה יסעו בני ישראל ועל פי יהוה יחנו כל ימי אשר ישכן הענן על המשכן־יחנו [No book]
[19]ובהאריך הענן על המשכן ימים רבים־ושמרו בני ישראל את משמרת יהוה ולא יסעו [No book]
[20]ויש אשר יהיה הענן ימים מספר־על המשכן על פי יהוה יחנו ועל פי יהוה יסעו [No book]
[21]ויש אשר יהיה הענן מערב עד בקר ונעלה הענן בבקר ונסעו או יומם ולילה ונעלה הענן ונסעו [No book]
[22]או ימים או חדש או ימים בהאריך הענן על המשכן לשכן עליו יחנו בני ישראל ולא יסעו ובהעלתו יסעו [No book]
[23]על פי יהוה יחנו ועל פי יהוה יסעו את משמרת יהוה שמרו על פי יהוה ביד משה [No book]
Source: unbound.biola.edu
Top