|
|
| [No book] |
[1]Paulus et Timotheus, servi Jesu Christi, omnibus sanctis in Christo Jesu, qui sunt Philippis, cum episcopis et diaconibus. |
| [No book] |
[2]Gratia vobis, et pax a Deo Patre nostro, et Domino Jesu Christo. |
| [No book] |
[3]Gratias ago Deo meo in omni memoria vestri, |
| [No book] |
[4]semper in cunctis orationibus meis pro omnibus vobis, cum gaudio deprecationem faciens, |
| [No book] |
[5]super communicatione vestra in Evangelio Christi a prima die usque nunc. |
| [No book] |
[6]Confidens hoc ipsum, quia qui cœpit in vobis opus bonum, perficiet usque in diem Christi Jesu: |
| [No book] |
[7]sicut est mihi justum hoc sentire pro omnibus vobis: eo quod habeam vos in corde, et in vinculis meis, et in defensione, et confirmatione Evangelii, socios gaudii mei omnes vos esse. |
| [No book] |
[8]Testis enim mihi est Deus, quomodo cupiam omnes vos in visceribus Jesu Christi. |
| [No book] |
[9]Et hoc oro, ut caritas vestra magis ac magis abundet in scientia, et in omni sensu: |
| [No book] |
[10]ut probetis potiora, ut sitis sinceri, et sine offensa in diem Christi, |
| [No book] |
[11]repleti fructu justitiæ per Jesum Christum, in gloriam et laudem Dei. |
| [No book] |
[12]Scire autem vos volo fratres, quia quæ circa me sunt, magis ad profectum venerunt Evangelii: |
| [No book] |
[13]ita ut vincula mea manifesta fierent in Christo in omni prætorio, et in ceteris omnibus, |
| [No book] |
[14]et plures e fratribus in Domino confidentes vinculis meis, abundantius auderent sine timore verbum Dei loqui. |
| [No book] |
[15]Quidam quidem et propter invidiam et contentionem: quidam autem et propter bonam voluntatem Christum prædicant: |
| [No book] |
[16]quidam ex caritate, scientes quoniam in defensionem Evangelii positus sum. |
| [No book] |
[17]Quidam autem ex contentione Christum annuntiant non sincere, existimantes pressuram se suscitare vinculis meis. |
| [No book] |
[18]Quid enim? Dum omni modo sive per occasionem, sive per veritatem, Christus annuntietur: et in hoc gaudeo, sed et gaudebo. |
| [No book] |
[19]Scio enim quia hoc mihi proveniet ad salutem, per vestram orationem, et subministrationem Spiritus Jesu Christi, |
| [No book] |
[20]secundum exspectationem et spem meam, quia in nullo confundar: sed in omni fiducia sicut semper, et nunc magnificabitur Christus in corpore meo, sive per vitam, sive per mortem. |
| [No book] |
[21]Mihi enim vivere Christus est, et mori lucrum. |
| [No book] |
[22]Quod si vivere in carne, hic mihi fructus operis est, et quid eligam ignoro. |
| [No book] |
[23]Coarctor autem e duobus: desiderium habens dissolvi, et esse cum Christo, multo magis melius: |
| [No book] |
[24]permanere autem in carne, necessarium propter vos. |
| [No book] |
[25]Et hoc confidens scio quia manebo, et permanebo omnibus vobis ad profectum vestrum, et gaudium fidei: |
| [No book] |
[26]ut gratulatio vestra abundet in Christo Jesu in me, per meum adventum iterum ad vos. |
| [No book] |
[27]Tantum digne Evangelio Christi conversamini: ut sive cum venero, et videro vos, sive absens audiam de vobis, quia statis in uno spiritu unanimes, collaborantes fidei Evangelii: |
| [No book] |
[28]et in nullo terreamini ab adversariis: quæ illis est causa perditionis, vobis autem salutis, et hoc a Deo: |
| [No book] |
[29]quia vobis donatum est pro Christo, non solum ut in eum credatis, sed ut etiam pro illo patiamini: |
| [No book] |
[30]idem certamen habentes, quale et vidistis in me, et nunc audistis de me. |