|
|
| [1]ܡܲܬ̣ܠܵܘ̈ܗܝ ܕܲܫܠܹܝܡܘܿܢ ܒܲܪ ܕܵܘܝܼܕ݂: ܡܲܠܟܵܐ ܕܝܼܣܪܵܝܹܠ. |
[1]משלי שלמה בן־דוד מלך ישראל |
| [2]ܠܡܸܕܲܥ ܚܸܟ݂ܡ̱ܬ̣ܵܐ ܘܡܲܪܕ̇ܘܼܬ̣ܵܐ: ܘܲܠܡܸܬ̣ܒܲܝܵܢܘܼ ܒܡܸܠܹ̈ܐ ܕܣܘܼܟܵܠܵܐ. |
[2]לדעת חכמה ומוסר להבין אמרי בינה |
| [3]ܘܠܲܡܩܲܒܵܠܘܼ ܡܲܪܕ̇ܘܼܬ̣ܵܐ ܘܕܸܚ̱ܠܬ̣ܵܐ: ܘܙܲܕ̇ܝܼܩܘܼܬ̣ܵܐ: ܘܕ݂ܝܼܢܵܐ: ܘܲܬ̣ܪܝܼܨܘܼܬ̣ܵܐ. |
[3]לקחת מוסר השכל צדק ומשפט ומשרים |
| [4]ܠܡܸܬܲܠ ܠܫܲܒ̣ܪܹ̈ܐ ܥܪܝܼܡܘܼܬ̣ܵܐ: ܘܠܲܛܠܵܝܹ̈ܐ ܝܼܕܲܥܬ̣ܵܐ ܘܬܲܪܥܝܼܬ̣ܵܐ. |
[4]לתת לפתאים ערמה לנער דעת ומזמה |
| [5]ܢܸܫܡܲܥ ܚܲܟ̇ܝܼܡܵܐ: ܘܢܵܘܣܸܦ ܥܲܠ ܚܸܟ݂ܡ̱ܬܹܗ. ܘܣܲܟ̇ܘܼܠܬ̣ܵܢܵܐ ܡܕܲܒ̇ܪܵܢܘܼܬ̣ܵܐ ܢܸܩܢܹܐ. |
[5]ישמע חכם ויוסף לקח ונבון תחבלות יקנה |
| [6]ܕܢܸܫܬܵܘܕܲܥ ܡܲܬ̣̈ܠܹܐ ܘܦܸܠܵܐ̈ܬ̣ܵܐ: ܘܡܸܠܹ̈ܐ ܕܚܲܟ̇ܝܼܡܹ̈ܐ ܘܐܘܼܚ̈ܕܵܬ̣ܗܘܿܢ. |
[6]להבין משל ומליצה דברי חכמים וחידתם |
| [7]ܪܹܫ ܚܸܟ݂ܡ̱ܬ̣ܵܐ: ܕܸܚ̱ܠܬܹܗ ܕܡܵܪܝܵܐ. ܝܼܕܲܥܬ̣ܵܐ ܕܹܝܢ ܘܡܲܪܕ̇ܘܼܬ̣ܵܐ: ܫܵܝ̇ܛܝܼܢ ܥܵܘܿܠܹ̈ܐ. |
[7]יראת יהוה ראשית דעת חכמה ומוסר אוילים בזו |
| [8]ܫܡܲܥ ܒܹܪܝ ܢܵܡܘܿܣܵܐ ܕܐܲܒ̣ܘܼܟ݂. ܘܠܵܐ ܬܸܛܥܹܐ ܢܵܡܘܿܣܵܐ ܕܐܸܡܵܟ݂. |
[8]שמע בני מוסר אביך ואל־תטש תורת אמך |
| [9]ܝܵܐܝܘܼܬ̣ܵܐ ܐܸܢܘܿܢ ܓܹܝܪ ܠܪܹܫܵܟ݂: ܘܗܲܡܢܝܼܟ݂ܵܐ ܠܨܵܘܪܵܟ݂. |
[9]כי לוית חן הם לראשך וענקים לגרגרתך |
| [10]ܒܹܪܝ: ܐܸܢ ܢܫܲܕ̇ܠܘܼܢܵܟ݂ ܚܲܛܵܝܹ̈ܐ: ܠܵܐ ܬܸܬ̇ܛܦܝܼܣ. |
[10]בני אם־יפתוך חטאים אל־תבא |
| [11]ܘܐܸܢ ܢܹܐܡܪܘܿܢ ܠܵܟ݂: ܬܵܐ ܥܲܡܲܢ ܢܸܟ݂ܡܲܢ ܠܲܕ݂ܡܵܐ: ܘܢܸܛܫܹܐ ܠܙܲܟܵܝܵܐ ܒܥܸܬܵܐ. |
[11]אם־יאמרו לכה אתנו נארבה לדם נצפנה לנקי חנם |
| [12]ܘܢܸܒ̣ܠ̱ܥܝܼܘܗܝ ܐܲܝܟ݂ ܫܝܘܿܠ ܠܚܲܝܹ̈ܐ: ܘܠܕ݂ܠܵܐ ܡܘܼܡ ܐܲܝܟ݂ ܢܵܚ̇ܬܲܝ̈ ܓܘܼܒܵܐ. |
[12]נבלעם כשאול חיים ותמימים כיורדי בור |
| [13]ܟܠܹܗ ܥܘܼܬ̣ܪܹܗ ܘܐܝܼܩܵܪܹܗ ܢܸܫܟܲܚ. ܘܢܸܡܠܹܐ ܒܵܬܲܝ̈ܢ ܒܸܙܬ̣ܵܐ. |
[13]כל־הון יקר נמצא נמלא בתינו שלל |
| [14]ܦܸܨܬ̣ܵܟ݂ ܐܲܪܡܵܐ ܒܲܝܢܵܬܲܢ. ܘܟ݂ܝܼܣܵܐ ܚܲܕ݂ ܢܸܗܘܹܐ ܠܟ݂ܠܲܢ. |
[14]גורלך תפיל בתוכנו כיס אחד יהיה לכלנו |
| [15]ܒܹܪܝ: ܠܵܐ ܬܹܐܙܲܠ ܥܲܡܗܘܿܢ ܒܐܘܼܪܚܵܐ. ܐܸܠܵܐ ܟܠܝܼ ܪܸܓ̣ܠܵܟ݂ ܡ̣ܢ ܫܒ̣ܝܼ̈ܠܲܝܗܘܿܢ. |
[15]בני־אל־תלך בדרך אתם מנע רגלך מנתיבתם |
| [16]ܡܸܛܠ ܕܪܸ̈ܓ̣ܠܲܝܗܘܿܢ: ܠܒ̣ܝܼܫܬܵܐ ܗ̄ܘܼ ܪ̈ܵܗ̇ܛܵܢ. ܘܡܸܣܬܲܪ̱ܗܒ̣ܝܼܢ ܠܡܹܐܫܲܕ݂ ܕܡܵܐ ܙܲܟܵܝܵܐ. |
[16]כי רגליהם לרע ירוצו וימהרו לשפך־דם |
| [17]ܘܲܒ̣ܥܸܬܵܐ ܗ̄ܘܼ ܦܵܪܣܝܼܢ ܡܨܝܼ̈ܕ݂ܵܬܵܐ ܥܲܠ ܦܵܪܲܚܬ̣ܵܐ. |
[17]כי־חנם מזרה הרשת בעיני כל־בעל כנף |
| [18]ܘܟ݂ܵܡ̇ܢܝܼܢ ܠܲܕ݂ܡܵܐ. ܘܲܡܛܲܫܹܝܢ ܢܲܦ̮ܫܵܬ̣ܗܘܿܢ. |
[18]והם לדמם יארבו יצפנו לנפשתם |
| [19]ܗܵܟܲܢܵܐ ܐܸܢܹܝܢ ܐܘܼܪ̈ܚܵܬ̣ܵܐ ܕܟ݂ܠ ܕܥܵܒ̣ܕ̇ܝܼܢ ܥܵܘܼܠܵܐ ܘܢܵܣ̇ܒ̇ܝܼܢ ܢܲܦ̮ܫܵـ̈ـܬ̣ܵܐ ܕܡܵܪ̈ܲܝܗܹܝܢ. |
[19]כן־ארחות כל־בצע בצע את־נפש בעליו יקח |
| [20]ܚܸܟ݂ܡ̱ܬ̣ܵܐ ܒܫܘܼܩܹ̈ܐ ܡܸܫܬܲܒ̇ܚܵܐ: ܘܲܒ̣ܫܘܼܩܹ̈ܐ ܡܪܝܼܡܵܐ ܩܵܠܵܗ̇. |
[20]חכמות בחוץ תרנה ברחבות תתן קולה |
| [21]ܘܲܒ̣ܪܸܫ ܒܹܪ̈ܝܵܬ̣ܵܐ ܡܲܟ݂ܪ̱ܙܵܐ. ܘܲܒ̣ܡܲܥܠܵܢܹ̈ܐ ܕܬܲܪ̈ܥܹܐ ܕܟܲܪ̈ܟܹܐ ܡܸܠܹ̈ܝܗ̇ ܐܵܡ̇ܪܵܐ. |
[21]בראש המיות תקרא בפתחי שערים בעיר־אמריה תאמר |
| [22]ܥܕܲܡܵܐ ܠܐܹܡܲܬ̣ܝ ܫܲܒ̣ܪܹ̈ܐ ܪܵܚܡ̇ܝܼܢ ܐܲܢ̄ܬ̇ܘܿܢ ܫܲܒ̣ܪܘܼܬ̣ܵܐ. ܘܲܡܡܲܝܩܵܢܹ̈ܐ ܪ̈ܵܓ̇ܝܼܢ ܐ̄ܢܬ̇ܘܿܢ ܡܡܲܝܩܵܢܘܼܬ̣ܵܐ. ܘܣܲܟ݂ܠܹܐ ܣܵܢܹ̇ܝܢ ܐ̄ܢܬ̇ܘܿܢ ܝܼܕܲܥܬ̣ܵܐ. |
[22]עד־מתי פתים תאהבו־פתי ולצים־לצון חמדו להם וכסילים ישנאו־דעת |
| [23]ܐܸܢ ܬܸܬ̣ܦ̄ܢܘܿܢ ܠܡܲܟ̇ܣܵܢܘܼܬ̣ܝ: ܐܲܒܲܥ ܠܟ݂ܘܿܢ ܪܘܼܚܝ. ܘܐܵܘܕܲܥܟ݂ܘܿܢ ܡܸܠܲܬ̣ܝ. |
[23]תשובו לתוכחתי הנה אביעה לכם רוחי אודיעה דברי אתכם |
| [24]ܥܲܠ ܕܲܩܪܹܝ̇ܬ̣: ܘܠܵܐ ܗܲܝܡܸܢܬ̇ܘܿܢ ܘܐܲܪܝܼܡܹ̇ܬ̣ ܐܝܼܕ݂ܝ: ܘܠܵܐ ܫ̣ܡܲܥܬ̇ܘܿܢ. |
[24]יען קראתי ותמאנו נטיתי ידי ואין מקשיב |
| [25]ܘܫܵܛ̇ܬ̇ܘܿܢ ܟܠܗܹܝܢ ܬܲܪ̈ܥ̱ܝܵܬ̣ܝ. ܘܲܒ̣ܡܲܟ̇ܣܵܢܘܼܬ̣ܝ ܠܵܐ ܨܒܲܝ̣ܬ̇ܘܿܢ. |
[25]ותפרעו כל־עצתי ותוכחתי לא אביתם |
| [26]ܐܵܦ ܐܸܢܵܐ ܐܸܓ̣ܚܲܟ ܥܲܠ ܬܒ̣ܵܪܟ݂ܘܿܢ ܘܐܸܚܕܹ̇ܐ ܡܵܐ ܕܐܵܬܹ̇ܐ ܥܠܲܝܟ̇ܘܿܢ ܕܠܘܼܚܝܵܐ: ܘܐܲܒ̣ܕܵܢܵܐ ܡ̣ܢ ܫܸܠܝܵܐ. |
[26]גם־אני באידכם אשחק אלעג בבא פחדכם |
| [27]ܘܲܬ̣ܒ̣ܵܪܟ݂ܘܿܢ ܐܲܝܟ݂ ܥܲܠܥܵܠܵܐ ܢܹܐܬܹܐ. ܘܡܵܐ ܕܐܵܬܹ̇ܐ ܥܠܲܝܗܘܿܢ ܐܘܼܠܨܵܢܵܐ ܘܥܵܩܬ̣ܵܐ. |
[27]בבא כשאוה [Q: כשואה] פחדכם ואידכם כסופה יאתה בבא עליכם צרה וצוקה |
| [28]ܗܵܝܕܹ̇ܝܢ ܢܸܩܪܘܿܢܵܢܝ: ܘܠܵܐ ܐܸܥܢܹܐ ܐܸܢܘܿܢ. ܘܲܢܩܲܕ̇ܡܘܼܢ ܠܘܵܬ̣ܝ: ܘܠܵܐ ܢܸܫܟ̇ܚܘܼܢܵܢܝ. |
[28]אז יקראנני ולא אענה ישחרנני ולא ימצאנני |
| [29]ܥܲܠ ܕܲܣܢ̣ܵܘ ܝܼܕܲܥܬ̣ܵܐ. ܘܕܸܚ̱ܠܬܹܗ ܕܡܵܪܝܵܐ ܠܵܐ ܓܒ̣ܵܘ. |
[29]תחת כי־שנאו דעת ויראת יהוה לא בחרו |
| [30]ܘܠܵܐ ܨܒ̣ܵܘ ܒܬܲܪ̈ܥ̱ܝܵܬ̣ܝ. ܘܐܲܣܓ̣ܝܼܘ ܟܠܵܗ̇ ܡܲܟ̇ܣܵܢܘܼܬ̣ܝ. |
[30]לא־אבו לעצתי נאצו כל־תוכחתי |
| [31]ܘܐܸܟܲܠ̣ܘ ܡ̣ܢ ܦܹܐܪܹ̈ܐ ܕܐܘܼܪ̈ܚܵܬ̣ܗܘܿܢ. ܘܡ̣ܢ ܬܲܪ̈ܥ̱ܝܵܬ̣ܗܘܿܢ ܣܒܲܥ̣ܘ. |
[31]ויאכלו מפרי דרכם וממעצתיהם ישבעו |
| [32]ܡܸܛܠ ܗܵܢܵܐ ܡܲܗܦܟ݂ܵܢܘܼܬ̣ܵܐ ܕܫܲܒ̣ܪܹ̈ܐ ܬܸܩܛܘܿܠ ܐܸܢܘܿܢ. ܘܛܘܼܥܝܲܝ ܕܚܲܣܝܼܪ̈ܲܝ ܪܸܥܝܵܢܵܐ ܬܵܘܒܸ̇ܕ݂ ܐܸܢܘܿܢ. |
[32]כי משובת פתים תהרגם ושלות כסילים תאבדם |
| [33]ܘܡ̇ܢ ܕܫܵܡܲܥ ܠܝܼ: ܢܸܫܪܹܐ ܒܣܲܒ̣ܪܵܐ ܘܢܸܫܠܹܐ ܡ̣ܢ ܣܘܿܓ̣ܵܐܐ ܕܒ̣ܝܼ̈ܫܵܬ̣ܵܐ. |
[33]ושמע לי ישכן־בטח ושאנן מפחד רעה |