|
|
| [1]Parabolæ Salomonis, filii David, regis Israël, |
[No book] |
| [2]ad sciendam sapientiam et disciplinam; |
[No book] |
| [3]ad intelligenda verba prudentiæ, et suscipiendam erudtionem doctrinæ, justitiam, et judicium, et æquitatem: |
[No book] |
| [4]ut detur parvulis astutia, adolescenti scientia et intellectus. |
[No book] |
| [5]Audiens sapiens, sapientior erit, et intelligens gubernacula possidebit. |
[No book] |
| [6]Animadvertet parabolam et interpretationem, verba sapientum et ænigmata eorum. |
[No book] |
| [7]Timor Domini principium sapientiæ; sapientiam atque doctrinam stulti despiciunt. |
[No book] |
| [8]Audi, fili mi, disciplinam patris tui, et ne dimittas legem matris tuæ: |
[No book] |
| [9]ut addatur gratia capiti tuo, et torques collo tuo. |
[No book] |
| [10]Fili mi, si te lactaverint peccatores, ne acquiescas eis. |
[No book] |
| [11]Si dixerint: Veni nobiscum, insidiemur sanguini; abscondamus tendiculas contra insontem frustra; |
[No book] |
| [12]deglutiamus eum sicut infernus viventem, et integrum quasi descendentem in lacum: |
[No book] |
| [13]omnem pretiosam substantiam reperiemus; implebimus domos nostras spoliis; |
[No book] |
| [14]sortem mitte nobiscum, marsupium unum sit omnium nostrum: |
[No book] |
| [15]fili mi, ne ambules cum eis; prohibe pedem tuum a semitis eorum: |
[No book] |
| [16]pedes enim illorum ad malum currunt, et festinant ut effundant sanguinem. |
[No book] |
| [17]Frustra autem jacitur rete ante oculos pennatorum. |
[No book] |
| [18]Ipsi quoque contra sanguinem suum insidiantur, et moliuntur fraudes contra animas suas. |
[No book] |
| [19]Sic semitæ omnis avari: animas possidentium rapiunt. |
[No book] |
| [20]Sapientia foris prædicat; in plateis dat vocem suam: |
[No book] |
| [21]in capite turbarum clamitat; in foribus portarum urbis profert verba sua, dicens: |
[No book] |
| [22]Usquequo, parvuli, diligitis infantiam, et stulti ea quæ sibi sunt noxia cupient, et imprudentes odibunt scientiam? |
[No book] |
| [23]convertimini ad correptionem meam. En proferam vobis spiritum meum, et ostendam vobis verba mea. |
[No book] |
| [24]Quia vocavi, et renuistis; extendi manum meam, et non fuit qui aspiceret: |
[No book] |
| [25]despexistis omne consilium meum, et increpationes meas neglexistis. |
[No book] |
| [26]Ego quoque in interitu vestro ridebo, et subsannabo cum vobis id quod timebatis advenerit. |
[No book] |
| [27]Cum irruerit repentina calamitas, et interitus quasi tempestas ingruerit; quando venerit super vos tribulatio et angustia; |
[No book] |
| [28]tunc invocabunt me, et non exaudiam; mane consurgent, et non invenient me: |
[No book] |
| [29]eo quod exosam habuerint disciplinam, et timorem Domini non susceperint, |
[No book] |
| [30]nec acquieverint consilio meo, et detraxerint universæ correptioni meæ. |
[No book] |
| [31]Comedent igitur fructus viæ suæ, suisque consiliis saturabuntur. |
[No book] |
| [32]Aversio parvulorum interficiet eos, et prosperitas stultorum perdet illos. |
[No book] |
| [33]Qui autem me audierit absque terrore requiescet, et abundantia perfruetur, timore malorum sublato. |
[No book] |